جاڭا وقۋلىقتار جارىق كورەدى

بۇدان بىلايعى جەردە ەلىمىزدەگى جوعارى وقۋ ورىندارى وقۋلىق تاپشىلىعىن سەزىنبەۋى ءتيىس. كەشە وسى ماسەلەگە وراي الماتىداعى قازاق ۇلتتىق اگرارلىق ۋنيۆەرسيتەتىندە قازاقستان جوعارى وقۋ ورىندارىن كىتاپتارمەن قامتاماسىز ەتۋ ىسىنە بايلانىستى VI رەسپۋبليكالىق كونفەرەنتسيا ءوتىپ, مەملەكەتتىك تىلدە شىققان 72 وقۋلىقتىڭ تۇساۋى كەسىلدى. بۇل كىتاپتاردىڭ بارلىعى رەس­پۋبليكالىق بيۋدجەتتىڭ قارا­جا­تى­نا باسىلعان. وسى ماجىلىسكە قا­تىسقان ءبىلىم جانە عىلىم ءمينيسترى باقىتجان جۇماعۇلوۆ رەس­پۋبليكالىق بيۋدجەتتەن العاش رەت جوو-لارعا ارنالعان 130 وقۋ­لىق­تى باسىپ شىعارۋ ءۇشىن 137,7 ميلليون تەڭگە كولەمىندە قارا­جات بولىنگەنىن ايتا كەلىپ, ءبىز ال­داعى 3 جىل بويى بۇل جۇمىستار­دى جالعاستىرا بەرەتىن بولامىز. رەسپۋبليكالىق بيۋدجەتتىك كوميسسيا قازىردىڭ وزىندە 200,0 ميلليون تەڭگە بولاتىن جىلدىق بيۋدجەتتىك وتىنىمدەردى بەكىتتى.  وسى قاراجات ەسەبىنەن جاڭا وقۋلىقتار شىعارىلا بەرەدى, – دەدى. ماجىلىستە اتاپ ايتىلعانداي, ستۋدەنتتەردى مەملەكەتتىك تىلدەگى وقۋلىقتارمەن قامتاماسىز ەتۋ كۇتكەن دارەجەدە ەمەس. وسىعان قاراماستان, قازاق­ستان­داعى جوو-لار قوماقتى كىتاپ قورىنا يە. بۇگىندە مەملەكەتتىك تىلدە 320 مىڭ ستۋدەنت ءبىلىم الۋدا. بۇل بارشا ستۋدەنتتەردىڭ – 52 پايىزى. ءيا, بۇگىنگى تاڭدا  قازاق­ستان­دا­عى جوو كىتاپحانالارىنداعى كىتاپ قورى 50 ميلليوندى قۇراي­تىن بولسا, ونىڭ تەك 8 ميلليونى  عانا قازاق تىلىندە, ياعني مەملەكەتتىك تىلدەگى وقۋلىقتار 16 پاي­ىز عانا. ال ماماندىقتار بوي­ىن­شا بازالىق وقۋلىقتارمەن قامتا­ما­سىز ەتۋ 70 پايىزدى قۇراسا, ونىڭ ىشىندە مەملەكەتتىك تىلدەگى كىتاپتار 30 پايىز عانا ەكەنىن ايتا كەتكەن ءجون. ال رەسپۋبليكالىق كونفەرەنتسيا اياسىندا تۇساۋى كەسىلگەن مەم­لەكەتتىك تىلدەگى 72 كىتاپقا كەلسەك, ولاردى تەحنيكالىق, جا­را­تىلىستانۋ عىلىمدارى جانە ەكو­نوميكالىق ماماندىقتار بوي­ىنشا قر جوعارى وقۋ ورىندارى اسسوتسياتسياسى مەن جوعارى وقۋ ورىندارىنىڭ وزدەرى شىعارعان.  وقۋلىقتاردىڭ جالپى تيراجى 96 مىڭ دانانى قۇرايدى. قر جوعارى وقۋ ورىندارى اس­سوتسياتسياسىنىڭ پرەزيدەنتى راحمان الشانوۆتىڭ ايتۋىنشا, بۇل وقۋلىقتاردى شىعارۋعا 23 جو­عا­رى وقۋ ورنىنىڭ ۇجىمى قاتى­سىپ, ولاردىڭ اراسىندا ۇلتتىق ۋنيۆەرسيتەتتەر بارىنشا بەلسەندىلىك تانىتقان.   وقۋلىقتاردى جا­زۋعا 157 عالىم مەن قازاق­ستان­دىق جوو-لاردىڭ ەڭ ۇزدىك وقى­تۋشىلارى تارتىلعان. كونفەرەنتسيا كوتەرگەن ماڭىز­دى ماسەلەلەر قاتارىندا وتاندىق اۆتورلىق مەكتەپتەردى جاساقتاۋ, شەت تىلىندەگى مىقتى وقۋلىقتار­دى قازاق تىلىنە اۋدارۋ, «وقۋلىق» ورتالىعىندا وقۋلىقتاردى ساراپتامادان وتكىزۋ ارقىلى ولار­دىڭ ساپاسىن كوتەرۋ جانە جوو-لاردى ەلەكتروندىق وقۋلىق­تار­مەن قامتاماسىز ەتۋ تالقىلاندى. ايناش ەسالي, الماتى.