«ەگەر سالىق تولەۋشى سالىق ورگانىنىڭ تۇسىندىرۋىنە سايكەس ارەكەت ەتكەن بولسا, ايىپپۇل مەن ءوسىمپۇلدى قولدانباۋ ۇسىنىلادى. ۇستەمە تولەمنىڭ دالەلدىلىگىنە تالاپ كۇشەيتىلەدى. ەندى سالىقتىق تەكسەرۋدىڭ اكتىسىندە سايكەسىنشە دالەلدەر بولۋى ءتيىس», دەيدى تيمۋر سۇلەيمەنوۆ.
مينيستر ءوز سوزىندە بيزنەسكە زاڭناماداعى وزگەرىستەردى تۇسىندىرۋگە كوبىرەك ۋاقىت بەرىلەتىنىن جەتكىزدى. ونىڭ ايتۋىنشا, سالىق كودەكسىنىڭ قۇرىلىمى وزگەرتىلىپ, ءاربىر ءبولىم دەربەستەندىرىلمەك.
«شاعىن جانە ورتا بيزنەستى دامىتۋ ءۇشىن قولدانىستاعى ارنايى سالىقتىق رەجىمدەردى ساقتاۋ قاراستىرىلعان. جاڭا بالامالى ءتارتىپ ۇسىنىلادى. بۇل اينالىمى ۇلكەن, بىراق از پايدا تاباتىندار ءۇشىن ءتيىمدى بولماق. ول ءوز ءتۇسىمىنىڭ جارتىسىن راستاۋسىز شەگەرۋى مۇمكىن. ال ەگەر شىعىندارىنىڭ ەسەبىن جۇرگىزسە, وعان بۇل ءۇشىن سىياقى الادى. سالىق تولەۋشىلەرگە رەجىمدى تاڭداۋعا مۇمكىندىك بەرىلەدى. جۇمىس توبى ۇيلەسىمدى جاڭا قۇجاتى ازىرلەۋگە قول جەتكىزدى دەپ ويلايمىن. وزگەرىستەر داۋلاردى ازايتىپ, تەكسەرۋلەردى شەكتەيدى دەپ ەسەپتەيمىن. جاڭا وزگەرىستەر ينۆەستيتسيا تارتىپ, ەلىمىزدەگى شيكىزاتتى يگەرۋگە سەرپىن بەرەدى», دەدى تيمۋر سۇلەيمەنوۆ.
