باسقارما توراعاسى دارحان قىدىرالىنىڭ ايتۋىنشا, تىلدىك تۇتاستىق ءتۇرلى ەتنوستاردىڭ ءتىل سىندىرۋىنا ءارى مەملەكەتتىك ءتىلدىڭ توڭىرەگىنە توپتاسۋىنا سەپتىگىن تيگىزبەك.
ء«الىپبي الماستىرۋ ارقىلى ءبىز قوسامجار ورفوگرافيادان قۇتىلامىز. مىسالى, قازىر مەملەكەتىمىزدىڭ اتاۋى 3 ءتۇرلى جازىلىپ ءجۇر. لاتىن ءالىپبيى ارقىلى مۇنى Qazaqstan دەپ تىلدىك ەرەكشەلىگىمىزدى ساقتاي وتىرىپ, ءبىر-اق سوزبەن جازۋعا مۇمكىندىك الامىز. سونىمەن قاتار, جاڭا ءالىپبي ارقىلى شەت تىلدەردەن ەنگەن سوزدەردى دە ۇلتتىق ەرەكشەلىكتەرگە يكەمدەي الامىز. لاتىن ءالىپبيىن قازاق ەملەسى ارقىلى قابىلداۋ بۇل ماسەلەنى ءبىر ىزگە تۇسىرەدى» دەگەن باسقارما توراعاسى «لاتىن ءالىپبيى بۇقارالىق سانانى وزگەرتىپ, قوعامنىڭ ىشكى تۇتاستىعىن قالىپتاستىراتىن باستى قۇرالدىڭ ءبىرى بولادى», دەگەن وي ايتادى.
باسقارما توراعاسىنىڭ سوزىنشە, «ەگەمەن قازاقستان» جاڭارعان پورتالى وسى جىلدىڭ باسىنان بەرى ورىس تىلىندە قىزمەت كورسەتىپ كەلەدى. ال سايتقا سالىنعان ماتەريالدار كونۆەرتردىڭ كومەگىمەن اۆتوماتتى تۇردە لاتىن قارپىنە اۋدارىلادى. قىركۇيەك ايىنان باستاپ قازاق باسىلىمدارى اراسىندا العاش رەت اعىلشىن تىلىندە اقپارات تاراتا باستاعانىن جەتكىزگەن ول, شەتەلدەگى وقىرماندار مەن ەلدەگى ەلشىلىكتەر ەندى جاڭالىقتاردى «ەگەمەن» ارقىلى وقي الاتىندىعىن قاپەرگە سالدى.
ء«بىز ماقۇلدانعان جاعدايدا, كەلەسى جىلدىڭ باسىنان باستاپ اعىلشىن تىلىندە قوسىمشا گازەت شىعارۋعا دا دايىنبىز. بۇل – ەلىمىزدەگى 3 تۇعىرلى ءتىل ساياساتىنا دا قىزمەت ەتەدى دەپ ويلايمىز. جالپى, ەل گازەتىنىڭ 1929-1940 جىلدارى ارالىعىندا, «ەڭبەكشى قازاق» جانە «سوتسيالدى قازاقستان» كەزىندە لاتىن الىپبيىمەن شىققانىن جاقسى بىلەسىزدەر. سوندىقتان, ءبىز باس باسىلىم رەتىندە لاتىن الىپبيىنە كوشۋگە ءازىرمىز», دەگەن «ەگەمەن قازاقستان رگ» اق باسقارما توراعاسى دارحان قىدىرالى ابىرويلى ءىستىڭ ءساتتى وتۋىنە تىلەكتەستىگىن ءبىلدىردى.
ايا ءومىرتاي,
«ەگەمەن قازاقستان»
سۋرەتتى تۇسىرگەن ەرلان ومار,
"ەگەمەن قازاقستان"
