الماتىدا تۋعان, قازىر ماسكەۋدە تۇراتىن دراماتۋرگ ولجاس جانايداروۆتىڭ پەسالارى حالىقارالىق فەستيۆالداردا جۇلدە الىپ, رەسەيدىڭ بىرنەشە قالاسىندا, قازاقستاننىڭ تەاترلارىندا قويىلىپ ءجۇر. اتامەكەنىنە كەلگەن كەزدە, مۇنداعى تەاترلاردىڭ, دراماتۋرگيانىڭ حالىمەن تانىسقان ولجاس, ەندى قىركۇيەك-قازان ايلارىندا تەمىربەك جۇرگەنوۆ اتىنداعى ۇلتتىق ونەر اكادەمياسىنىڭ قابىرعاسىندا دراماتۋرگيانىڭ لابوراتورياسىمەن جاس قالامگەرلەردى تانىستىرماق. ەكى ايعا سوزىلاتىن جۇمىستىڭ اياسىندا پەسا جازۋدى ۇيرەنۋ, ونىڭ تەورياسىن وقۋ, جازۋ جانە اكتەرلەرگە رولدەر بويىنشا وقىتۋ كىرەدى. لەرمونتوۆ اتىنداعى مەملەكەتتىك ورىس دراما تەاترىنىڭ اكتەرلەرى قازان ايىنىڭ سوڭىندا جازىلعان پەسالاردى وقيتىن بولادى. ولجاستىڭ كۋرسىندا قازىر ون ءۇشىن جاس دراماتۋرگ بار. تاعى جەتى جاس قالامگەر – ەركىن قاتىسۋشىلار. ۇلتتىق ونەر اكادەميسىنىڭ رەكتورى بيبىگۇل ءنۇسىپجانوۆانىڭ ايتۋىنشا, بۇل شارانىڭ جاس قالامگەرلەرگە بەرەرى مول. بۇل ەڭ الدىمەن تاجىربيە مەن ءبىلىم جيناۋعا كوپ ىقپال ەتەدى. «ۆت» تەاترىنىڭ ديرەكتورى ايگۇل سۇلتانبەكوۆا بىلتىردان بەرى ولجاس جانايداروۆتىڭ وسى يدەياسىن جۇزەگە اسىرۋ ءۇشىن ەڭبەكتەنىپ كەلەدى.
ەكى اي بويى جالعاساتىن يگىلىكتى شارانىڭ جەمىستى بولۋىن تىلەيمىز. مۇنداي يگى باستامالار ءبىر جىلمەن عانا شەكتەلمەي, جاس دراماتۋرگتەردىڭ وسۋىنە ىقپال ەتە بەرەدى دەپ ويلايمىز.
باعاشار تۇرسىنباي ۇلى,
«ەگەمەن قازاقستان»
الماتى
