يزرايلدىك كاپرال گيلاد شاليت 5 جىلعا سوزىلعان تۇتقىنداۋدان كەيىن يزرايلگە ورالاتىن بولدى. ءسويتىپ, پالەستينا تاراپى ءشاليتتى ارااعايىندىققا جۇرگەن ەگيپەتكە وتكىزىپ بەردى. ەسەسىنە يزرايل جاعى ءبىر كاپرال ءۇشىن 1027 پالەستينالىق تۇتقىندى قايتارۋى ءتيىس.
كەشە 27 ايەل تۇتقىندى قوسا العاندا, 477 ادام پالەستيناعا قايتارىلدى. قالعان 550 تۇتقىن ەلىنە الداعى ايدا ورالاتىن بولادى. ال تانكيست گيلاد شاليت 2006 جىلدىڭ 25 ماۋسىمىندا تۇتقىنعا تۇسكەن ەدى. يزرايل جاعى بوساعان پالەستينالىقتاردان قاۋىپتەنەتىندىكتەرىن دە اشىق مالىمدەپ وتىر.
ەلشىگە قاستاندىق جايى تەكسەرىلمەيدى
يران بيلىگىنە ساۋديا ەلشىسىن ءولتىرمەك بولدى دەپ تاعىلعان ايىپ اقش تاراپىنان يران مەن ساۋد ارابياسىنىڭ اراسىنا وت تاستاماق نيەتپەن قولدان ۇيىمداستىرىلعان, دەپ ءمالىمدەدى يران پرەزيدەنتى ماحمۇد احمادينەجاد. ونىڭ ايتۋىنشا, اقش ىلگەرىلەتكەن ايىپتاۋلار كۇلكى تۋدىرادى.
وسىنىڭ الدىندا يران سىرتقى ىستەر ءمينيسترى الي اكبار ساليحي ءوز ەلىنىڭ اتالعان ايىپتاۋعا بايلانىستى تەكسەرۋ جۇرگىزۋگە دايىن ەكەنىن مالىمدەگەن ەدى. ەندى يران باسشىلىعى ايىپتاۋعا ەشقانداي نەگىز جوق ەكەنىن كولدەنەڭ تارتىپ, اقش-تاعى ساۋديا ەلشىسىن ولتىرۋگە ارەكەت جاسالۋىنا بايلانىستى تەكسەرۋ جۇرگىزىلمەيتىنىن مالىمدەدى.
ريم پاپاسىن ۇلتشىل دەپ اتادى
اكتريسا سيۋزان ساراندون نيۋ-يوركتە وتكەن كينو-فەستيۆال شەڭبەرىندەگى ءبىر شارا اياسىندا سويلەگەن سوزىندە ريم پاپاسى بەنەديكت XVI-نى ۇلتشىل دەپ اتادى. س.ساراندون «ولىك كەلە جاتىر» فيلمىندەگى ءرولى ءۇشىن «وسكار» العان بولاتىن.
س.ساراندوننىڭ ارىپتەسى ب.بالابان اكتريسادان سۇحبات الۋ بارىسىندا ونىڭ ارتىقتاۋ كەتكەنىن مەڭزەگەنىمەن, س.ساراندون بەنەديكت XVI-نىڭ ۇلتشىل ەكەنىن تاعى دا قايتالاعان. بەنەديكت XVI – يوزەف راتتسينگەر ءجاسوسپىرىم كەزىندە شىن مانىندە جاستاردىڭ «گيتلەريۋگەند» ۇلتشىل توبىنىڭ ساپىندا بولىپتى. ونىڭ تۇسىندىرۋىنشە, گيتلەرلىك گەرمانيادا كوپتەگەن جاسوسپىرىمدەر وسى ۇيىم قاتارىنا وتۋگە ماجبۇرلەنگەن.
يانۋكوۆيچتى بريۋسسەلگە جىبەرمەدى
ەۋرووداق ۋكراينا پرەزيدەنتى ۆيكتور يانۋكوۆيچتىڭ بريۋسسەلگە ساپارىن بولدىرماي تاستادى. مۇنى ديپلوماتيالىق كورپۋستاعى دەرەك كوزى ءمالىمدەدى. ونىڭ سوزىنە قاراعاندا, ساپار ەكىجاقتى ۇنقاتىسۋ ۇتىمدى بولاتىن ساتكە دەيىن كەيىنگە شەگەرىلىپ وتىر.
ۆ.يانۋكوۆيچ بريۋسسەلدە ەۋرووداق پرەزيدەنتى حەرمان ۆان رومپەيمەن جانە ەۋروكوميسسيا باسشىسى حوسە مانۋەل بارروزۋمەن كەزدەسۋى كەرەك بولاتىن. ەو وكىلدەرى ساپار كەزىندە ۋكراينانىڭ ەكس-پرەمەرى يۋ.تيموشەنكونى بوساتۋ تۋرالى اڭگىمە قوزعالادى دەپ ۇمىتتەنگەن ەدى. بىراق ۋكراينا پرەزيدەنتى ساپار الدىندا ەشكىمنىڭ ەلىنىڭ ىشكى ىسىنە ارالاسۋعا قۇقى جوق ەكەنىن جاريالاعان بولاتىن.
امەريكانى جاڭا سوعىسقا تارتتى دەيدى
سەناتور دجون ماككەين اقش پرەزيدەنتى باراك وبامانىڭ ۋگانداعا 100 اسكەري قىزمەتشى جىبەرۋ تۋرالى شەشىمى ەلدى جاڭا سوعىسقا تارتۋى ىقتيمال دەگەن قاۋپىن ءبىلدىردى. ول 100 مىڭداي امەريكالىق اسكەري قىزمەتشى اۋعانستاندا تۇرعانىن, ال يراكتان اسكەر شىعارۋ ءالى تولىق اياقتالماعانىن اتاپ كورسەتتى.
سەناتوردىڭ سوزىنە قاراعاندا, قۇراما شتاتتار قايتىپ شىعا المايتىن جاعدايعا تاپ بولۋى مۇمكىن. 2008 جىلعى پرەزيدەنتتىك سايلاۋدا ب.وبامانىڭ باقتالاسى بولعان دج.ماككەين اسكەردى كونگرەستىڭ ماقۇلداۋىنسىز جىبەرۋ تۋرالى شەشىمنىڭ اياعى جاقسىلىققا اپارمايتىنىن قاپەرگە سالدى. «مەن سومالي مەن ليۆاندى ۇمىتقان جوقپىن. ەكى جاعدايدا دا اقش ءوز اسكەرىن اتالعان ەلدەردەن يت قۋعانداي ەتىپ شىعارعان بولاتىن», دەيدى سەناتور.
پارلامەنتتىك مىنبەرگە توسقاۋىل قويدى
ۋكراينا جوعارعى راداسىنداعى «بيۋت-باتكيۆششينا» فراكتسياسىنىڭ وكىلدەرى ءبىرشاما ۋاقىت پارلامەنتتىك مىنبەرگە ەشكىمدى جىبەرمەي تۇرىپ العان. ولار وسىلايشا ارىپتەستەرى يۋليا تيموشەنكونىڭ سوتتالعانىنا وزدەرىنىڭ نارازىلىقتارىن بىلدىرگەن.
رادادا ءسوز سويلەگەن بيۋت فراكتسياسى باسشىسىنىڭ ورىنباسارى اندرەي كوجەمياكين پارلامەنت ءوزىنىڭ زاڭدىلىعىن جوعالتقانىن, ونىڭ قىزمەتىن توقتاتۋى تيىستىگىن مالىمدەگەن. مۇنداي رادا ۋكرايناعا كەرەك ەمەس, دەيدى ول. پارلامەنت سپيكەرى ۆلاديمير ليتۆين مۇنداي قوقان-لوققىعا ەشقانداي نەگىز جوق ەكەنىن كولدەنەڭ تارتتى. ونىڭ پىكىرىنشە, پارلامەنتتى تاراتۋعا وپپوزيتسيا جەتكىلىكتى قولداۋ كورمەيدى.
قىسقا قايىرىپ ايتقاندا:
*قارا ءناسىلدى رەسپۋبليكاشىل حەرمان كەين ەگەر اقش-تاعى پرەزيدەنتتىك سايلاۋ قازىر وتسە, باراك وبامانى شاڭ قاپتىرىپ كەتەر ەدى. بۇل – Rasmussen Reports كومپانياسى سايتىندا جاريالانعان سۇراۋ سالۋلاردىڭ ناتيجەسى. *يزرايلدىك راديكالدار كەشەگى كاپرال گيلاد شاليتكە ايىرباستالعان پالەستينالىق تۇتقىندار مىنگەن اۆتوبۋستى توقتاتۋعا ارەكەت جاسادى. جالپى, يزرايلدە اتالعان ايىرباسقا قارسىلار كوپتەپ سانالادى. *نيۋ-يورك شتاتىنىڭ كوپتەگەن تۇرعىندارى جىلىنا 1 ميلليون دوللاردان ارتىق اقشا تاباتىن امەريكالىقتارعا سالىقتى كوبەيتۋ تۋرالى ۇسىنىستى قولدايتىندىقتارىن مالىمدەگەن. قولداعانداردى پايىزعا شاققاندا – 72, قارسىلار – 26. *Gallup زەرتتەۋ كومپانياسى قۇراما شتاتتاردا ماريحۋانانى مەملەكەتتىك دەڭگەيدە زاڭداستىرۋدى قولدايتىندار سانى 50 پايىزدى قۇرايتىنىن مالىمدەپ وتىر. 1969 جىلى وندايلار قاتارى تەك 12 پايىزدى عانا قۇراعان ەكەن.ينتەرنەت ماتەريالدارى نەگىزىندە ازىرلەندى.
