قاۋىشۋ

شىعىس قازاقستان مەن تۇركيانىڭ بۋرسا پروۆينتسياسى باۋىرلاس ايماقتارعا اينالدى جاقىندا شىعىس قازاقستان وبلىسىنىڭ اكىمى بەردىبەك ساپارباەۆ تۇركيانىڭ ەكونوميكالىق جاعىنان ەڭ ءبىر جاقسى دامىعان بۋرسا پروۆينتسياسىندا اشىلعان بيزنەس-فورۋمنىڭ جۇمىسىنا قاتىستى. بۋرسا – حيميا ءوندىرىسى, جيھاز جاساۋ جانە قۇرىلىس سالاسى جاقسى دامىعان ءىرى ونەركاسىپتىك ايماق. ول تۇركياداعى توقىما ونەركاسىبىنىڭ ورتالىعى رەتىندە دە تانىمال. مۇن­دا اۆتوموبيل جانە ماشينە جاساۋ, مەتاللۋرگيا سالالارىنىڭ ءوندىرىس­تىك بۋىندارى دا ورنالاسقان. اي­ماق­تا «رەنو», «فيات» جەڭىل كولىك­تەرىن, ولارعا قوسالقى بولشەكتەر, ورتا قۋاتتى جۇك ماشينەلەرىن شىعا­را­تىن زاۋىتتار بار. تۇركيا اۆتوموبيل ەكسپورتىنىڭ 75 پايىزىنا جۋىعىن قۇرايتىن بۋرسا – ەلدەگى ءىرى اۆتوموبيل ەكسپورتتاۋشى ورتالىق. كەزدەسۋ كەزىندە بەردىبەك ساپارباەۆ پەن بۋرسا پروۆين­تسيا­سى­نىڭ گۋ­بەرناتورى شاحاباتتين حارپۋتا ءوز­ارا ساۋدا-ەكونوميكالىق سەرىكتەستىك, سونداي-اق, بۋرسا مەن شى­عىس قازاق­ستان وبلىسى اراسىن­دا كەلىسىلگەن باۋىرلاستىق قارىم-قاتىناستى ودان ءارى دامىتۋدىڭ بولا­شاعى جايىندا كەڭىنەن اڭگىمە قوزعادى. بۋرسا قالا­سى­نىڭ مەرى جانە ساۋدا-ونەركاسىپ پالاتاسى كەڭەسى توراعاسىنىڭ ورىن­با­­سا­رى­­مەن دە كەلەلى اڭگىمە بولدى. ءوندىرىس سالاسىنداعى ارىپتەس­تىك­پەن قوسا, فورۋمعا قاتىسقان شىعىس قازاقستان وبلىسىنىڭ بيزنەسمەندەرىن تۇرىك كاسىپكەرلەرىنىڭ تۋريزم سالا­سىنداعى اسا باي تاجىريبەلەرى دە قى­زىقتىردى. بۋرسا ايماعى تاۋ شاڭ­­ع­ىسى كۋرورتتارىمەن ايگىلى, تابيعا­تى جاعىنان ءبىزدىڭ وبلىس­پەن ۇقساس جەرلەرى از ەمەس. ولار­دىڭ جوعارى دامىعان ينفرا­قۇ­رىلىمى شىعىس قازاقستانعا وتە-موتە قا­جەت-اق. بيزنەس-فورۋم اياقتالعان سوڭ وعان قاتىسۋشىلار سۋرەت كورمەسى­مەن تانىسىپ, شىعىس قازاقستان ونەر ۇجىمدارى ازىرلەپ اپارعان كون­تسەرتتى تاماشالادى. شىعىس­قازاق­ستاندىقتار سونداي-اق, ءتۇر­كيا­داعى 220-دان اسا كاسىپورىن ور­نالاسقان بۋرسا قالاسىنىڭ ونەر­كا­سىپ ايماعىمەن مۇقيات تانىستى. وڭداسىن ەلۋباي, وسكەمەن.