قازاقستان پرەزيدەنتىنىڭ باستاماسىنا قولداۋ

قازاقستان رەسپۋبليكاسى پارلامەنتى ءماجىلىسىنىڭ توراعاسى ورال مۇحامەدجانوۆ جاپونيا پارلامەنتى وكىلدەر پالاتاسى­نىڭ دەپۋتاتتارى, «جاپونيا-قازاقستان» دوستىق ليگاسىنىڭ ءمۇ­شەلەرى تاكەشي شينا, ناوكادزۋ تاكەموتو جانە حيروشي كاۆاۋتيمەن كەزدەستى, دەپ حابارلادى ءماجىلىستىڭ ءباسپاسوز قىزمەتى. ءماجىلىس توراعاسى و.مۇحا­مەد­جانوۆ ءوز سوزىندە جاھاندىق قاۋىپسىزدىكتى ساقتاۋدا ماڭىزدى ورىن الاتىن ەڭ باستى ماسەلە – يادرولىق قارۋدى تاراتپاۋ جو­لىن­داعى كۇرەستە جاپونيانىڭ اي­رىق­شا ۇلەس قوسىپ كەلە جات­قا­نىن ايتا كەلىپ, استانا قالا­سىن­دا وتكەن «يادرولىق قارۋسىز الەم ءۇشىن» حالىقارالىق فورۋمىنىڭ جۇمىسىنا بەلسەندى قاتىسقان­دا­رى ءۇشىن جاپوندىق ارىپتەستەرىنە ريزاشىلىعىن ءبىلدىردى. جاپون پارلامەنتشىلەرى قازاق ەلىنىڭ الەمدىك قاۋىپسىزدىكتى نى­عاي­تۋداعى ەڭبەگىن جوعارى باعا­لاي كەلىپ, اتالعان فورۋمداعى قا­زاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ايتقان باستامالارىنا قولداۋ بىلدىرەتىندەرىن ءمالىم ەتتى. جاپون دەپۋتاتتارىنىڭ پىكىرىنشە, استانادا وتكەن حالىق­ارا­لىق فورۋمىنىڭ قورىتىندى­سىن­دا قابىلدانعان دەكلاراتسيا ءور­كە­نيەتكە باستاعان ادامزاتتىڭ بار­لىق كۇش-جىگەرىن يادرولىق قارۋدى تاراتپاۋ جانە قارۋ­سىز­دانۋ ۇدەرىسىنە بىرىكتىرۋگە جاسال­عان ناقتى قادام بولدى. كەزدەسۋ بارىسىندا تاراپتار پار­لامەنتارالىق ىنتىماقتاس­تىق­تى جانە ەكى جاقتى ءوزارا باي­لانىستى دامىتۋ ماسەلەلەرى ءجو­نىندە پىكىر الماستى. * * * وسى كەزدەسۋگە ءماجىلىستىڭ حا­لىقارالىق ىستەر, قورعانىس جانە قاۋىپسىزدىك كوميتەتىنىڭ توراعاسى امزەبەك جولشىبەكوۆ جانە ءما­جىلىستىڭ ەكولوگيا ماسەلەلەرى جانە تابيعات پايدالانۋ كومي­تە­تىنىڭ توراعاسى ەرلان نىع­ما­تۋ­لين, سونداي-اق قازاقستان رەسپۋب­لي­كاسىنىڭ جاپونياداعى توتەن­شە جانە وكىلەتتى ەلشىسى اقىل­بەك كامالتينوۆ قاتىستى.