اۋىل شارۋاشىلىعى ۆيتسە-ءمينيسترى ساۋد ارابياسى دەلەگاتسياسىن ۇلتتىق كۇنىمەن قۇتتىقتاپ, ەكسپو-2017 مامانداندىرىلعان كورمەسىنە قولداۋ تانىتىپ, بەلسەندى قاتىسقاندارى ءۇشىن قازاقستان ۇكىمەتى اتىنان العىس ءبىلدىردى.
«ساۋد ارابياسى كورولدىگىنىڭ پاۆيلونىندا ۇسىنىلعان تەحنولوگيالار حالىقارالىق كورمەنىڭ جەمىستى بولۋىنا ءوزىنىڭ تەڭدەسسىز ۇلەسىن قوساتىنىنا سەنىمدىمىن. گەوگرافيالىق ورنالاسۋى مەن كليماتتىق جاعدايىنىڭ ارقاسىندا ساۋد ارابياسىنىڭ كۇن, سۋ جانە جەل ەنەرگياسىن دامىتۋعا زور الەۋەتى بار», – دەپ اتاپ ءوتتى ۆيتسە-مينيستر.
سونداي-اق, ول قازاقستان مەن ساۋد ارابياسى كورولدىگىنىڭ اراسىنداعى قارىم-قاتىناستار دوستىق پەن ءوزارا تيىمدىلىك نەگىزىندە داميتىنىنا سەنىم ءبىلدىردى. كورولدىكپەن جان-جاقتى جانە ءوزارا مۇددەلى ىنتىماقتاستىقتى كەڭەيتۋ قازاقستان سىرتقى ساياساتىنىڭ باستى باعىتتارىنىڭ ءبىرى بولىپ تابىلاتىنىن تىلگە تيەك ەتتى.
ابداللا يبن ابدۋل-ءازيز ءال ساۋد اتىنداعى جاڭارتىلاتىن جانە اتومدىق ەنەرگيا عىلىمي قالاشىعىنىڭ پرەزيدەنتى دوكتور ءحاشىم ياماني الەم ەلدەرى بولاشاق ءۇشىن ەنەرگيانى ساقتاۋ, جاڭا تەحنولوگيالاردى پايدالانۋ جانە ولاردى ءتيىمدى قولدانۋ ادىستەرىن ەنگىزۋ بويىنشا بىرلەسىپ جۇمىس اتقارۋ قاجەتتىگىن اتاپ ءوتتى.
ساۋد ارابياسى كورولدىگى ەلەكتر ەنەرگيا ءوندىرىسىن كوتەرۋ جانە مۇنايدى قولدانۋ دەڭگەيىن تومەندەتۋ ماقساتىندا كۇن مەن جەل ەنەرگياسى سالالارىندا 30 جوبانى ازىرلەپ جاتىر. سونداي-اق, 2040 جىلعا قاراي مەملەكەت ەلەكتر ەنەرگيا ءوندىرىسى ءۇشىن وتىن قازباسىنىڭ قولدانىسىنان باس تارتۋدى كوزدەپ وتىر.
ساۋد ارابيا پاۆيلونى ەلدىڭ الەمدەگى ەنەرگەتيكالىق تەپە-تەڭدىگىنىڭ ساپالى جانە قاۋىپسىز تۇرلەنۋىنىڭ مۇمكىندىكتەرىن كورسەتەدى. پاۆيلوننىڭ باستى تاقىرىبى «تۇراقتى ەنەرگيا كورولدىگى, بولاشاقتاعى وزگەرىس» دەپ اتالادى.
ساۋد ارابياسى كورولدىگىنىڭ ۇلتتىق پاۆيلونى مەملەكەتتىڭ الەمدەگى ەنەرگەتيكالىق بالانستى ساپالى جانە قاۋىپسىز تۇرلەندىرۋ بويىنشا مۇمكىندىكتەرىن كورسەتەدى. پاۆيلوننىڭ باستى تاقىرىبى «تۇراقتى ەنەرگيا كورولدىگى, بولاشاقتاعى وزگەرىس». ونداعى ەكسپوزيتسيالار كورمەگە كەلۋشىلەردى مەملەكەتتىڭ مادەنيەتى, سالت-ءداستۇرى جانە تاريحىمەن تانىستىرادى.
ساۋد ارابياسى كورولدىگىنىڭ پاۆيلونى كەلەسى ايماقتاردان تۇرادى.
مۇرا: ادامدار مەكەن ەتكەن, ەڭ ەجەلگى وركەنيەتتىڭ ءبىرى رەتىندەگى ساۋد ارابياسىنىڭ تاريحىن بەينەلەيدى. مۇندا كورولدىكتىڭ يسلامداعى ءرولى مەن ونىڭ باي رەسۋرستارى دا كورىنىس تاپقان. سوڭىندا جەر بەتىندەگى ەڭ ماڭىزدى رەسۋرس – ادام كورسەتىلگەن.
