بەسىگىنەن ۇلتتىق قۇندىلىقتارعا قانىپ وسكەن ۇرپاقتىڭ ءومىردىڭ ۇلكەن جولىنا تۇسكەندە دە ءوز قازىعىنان اداسىپ كەتپەسىنە سەنەمىن. ال جاستاردىڭ ەندىگى مىندەتى − ۇلتتىق قۇندىلىعىمىزدى ساقتاي وتىرىپ, ەل دامۋىنا ۇلەس قوساتىن باسەكەگە قابىلەتتى, بىرنەشە ءتىلدى مەڭگەرگەن ازامات بولۋ. سەبەبى, ءتىل ءبىلۋ تۇلعالىق دەڭگەيگە كوتەرەدى دەپ سانايمىن.
ماقالادا ەلباسى باستى ماقساتقا جەتۋ ءۇشىن قازاقستانعا ءبىلىمدى ۇرپاق قاجەتتىگىن, ەلىمىزدە ء«بىلىم ءاردايىم ءبىرىنشى ورىندا تۇرۋى شارت», «وزىمدىكى عانا تاڭسىق, وزگەنىكى قاڭسىق» دەپ كەرى تارتپاي, اشىق بولۋ, باسقالاردىڭ ەڭ وزىق جەتىستىكتەرىن قابىلداي ءبىلۋ, بۇل – تابىستىڭ كىلتى ءارى اشىق زەردەنىڭ باستى كورسەتكىشتەرىنىڭ ءبىرى» ەكەندىگىن ايتتى. سونداي-اق, ەلباسى رۋحاني جاڭعىرۋدى جۇزەگە اسىرۋعا جول اشاتىن بىرنەشە جوبانى ۇسىندى. ونىڭ ىشىندە «وتاندىق مادەنيەت بىرىككەن ۇلتتار ۇيىمىنىڭ التى ءتىلى – اعىلشىن, ورىس, قىتاي, يسپان, اراب جانە فرانتسۋز تىلدەرىندە سويلەۋى ءۇشىن ماقساتتى ۇستانىم بولۋ شارت» دەپ اتاپ ءوتتى. قازاقتا «جەتى جۇرتتىڭ ءتىلىن ءبىل, جەتى ءتۇرلى ءىلىم ءبىل» دەگەن ءسوز بار. بۇل بولاشاعىن باعدارلاي الاتىن, ۇرپاق قامىن ويلاعان بابالارىمىزدىڭ بىزگە قالدىرعان وسيەتى. بۇل وسيەتتىڭ زامان تالابىنا ساي قايتا جاڭعىرۋى, كوپ ءتىل ءبىلۋدىڭ كەڭ مۇمكىندىك بەرەتىندىگىن كورسەتىپ وتىر.
ماسەلەن, اعىلشىن ءتىلىنىڭ الەمدەگى 75 ەلدە ەرەكشە ورنى بار. ال 19 مەملەكەتتە ول مەملەكەتتىك ءتىل بولىپ سانالادى. وسىلايشا, اعىلشىن ءتىلىن ءبىلۋ الەمدى تانۋدىڭ كىلتى دەسەك, قاتەلەسپەيمىز. اعىلشىن ءتىلىن مەڭگەرگەن ادامنىڭ الدىندا وراسان زور مۇمكىندىكتەر اشىلادى. ول – جاھاندانۋدىڭ كەپىلى.
اعىمداعى جىلدىڭ ناۋرىز ايىنان باستاپ, جامبىل وبلىسىنىڭ تىلدەردى دامىتۋ ورتالىعىنىڭ قولداۋىمەن پوليگلوتتار كلۋبى قۇرىلعان بولاتىن. قازىرگى ۋاقىتتا, كلۋبقا 150-دەن استام ستۋدەنت قاتىسىپ ءجۇر. ولاردىڭ باسىم بولىگى اعىلشىن ءتىلىن مەڭگەرۋمەن قاتار, نەمىس, قىتاي, فرانتسۋز جانە اراب تىلدەرىن ۇيرەنىپ كەلەدى. مەنىڭ ءوزىم دە اعىلشىن ءتىلىن جاقسى بىلەمىن. سونداي-اق, تۇرىك ءتىلىن دە مەڭگەردىم. بۇگىنگىدەي ماڭىزدى كەزەڭدە بەرىلگەن مۇمكىندىكتى پايدالانعانىمىز ءجون دەپ ويلايمىن. ارينە, قازاقتىڭ قاسيەتتى ءتىلى ماڭگىلىككە قاستەرلى قۇندىلىعىمىز بولىپ قالادى.
ساعي التىنكوپ,
م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ ستۋدەنتى
جامبىل وبلىسى
