م.كوبەنوۆ اۋدان ورتالىعى اقتوعاي اۋىلىندا ءوندىرىس نىساندارىن ارالاپ, «اقتوعاي-اگرو» فيرماسىنىڭ سۋارمالى جەرلەر مەن ەگىس القاپتارىندا بولدى. اقتوعاي اۋدانىنىڭ اكىمى ا.امىرينمەن كەزدەسۋ بارىسىندا ايماقتىڭ الەۋمەتتىك-ەكونوميكالىق دامۋ ماسەلەلەرىن تالقىلادى.
سەناتور اقتوعاي اۋىلدىق وكرۋگىنىڭ پريرەچەنسك اۋىلىندا جانە رازۋموۆ اۋىلدىق وكرۋگىنىڭ اندريانوۆكا اۋىلىندا بولىپ, اكىمدىك قىزمەتكەرلەرىمەن, اۋىلدىق وكرۋگتەردەن سايلانعان دەپۋتاتتارمەن جانە جۇرتشىلىقپەن كەزدەستى. وسى ەلدى مەكەندەردى سۋمەن قامتاماسىز ەتۋ جانە جىلدىڭ بارلىق مەزگىلىندە سۋمەن قامتاماسىز ەتە الاتىن سۋ قۇبىرىنىڭ قۇرىلىسى تۋرالى ماسەلەلەر تالقىلاندى.
اۋىل تۇرعىندارى سۋمەن قامتاماسىز ەتۋ جونىندەگى اتقارىلىپ جاتقان جۇمىستارعا ريزاشىلىق ءبىلدىردى.
سەناتور ەرتىس اۋدانىنىڭ پانفيلوۆ اۋىلدىق وكرۋگىن ارالاۋ بارىسىندا تۇرعىن ۇيلەرگە سۋ قۇبىرىن جۇرگىزۋ, سونداي-اق, پانفيلوۆ مەكتەبىنە مودۋلدىك قازاندىق ورناتۋ جۇمىستارىمەن تانىستى. اۋىل اكىمى ا.كارىباەۆ تۇرعىن ۇيلەرگە اۋىزسۋ جەتكىزۋ جۇمىستارى 70 پايىزعا ورىندالعانىن ايتتى, دەپ حابارلادى پارلامەنت سەناتىنىڭ ءباسپاسوز قىزمەتى.
