«استانا» فۋتبول كلۋبىنىڭ باس باپكەرى ستانيمير ستويلوۆ «سەلتيككە» قارسى كەزدەسۋدەن كەيىن ماتچ جايلى پىكىر ءبىلدىردى.
- مەنىڭشە, «استاناعا» بۇكىل قازاقستانعا ناعىز فۋتبول شوۋىن سىيلادى دەپ ويلايمىن. ءبىز الاڭدا ءبارىنىڭ مۇمكىن ەكەنىن كورسەتتىك. اسىرەسە, ەكىنشى تايمدا ازداپ كامبەك تۋرالى دا ارمانداپ كەتكەن كەزىمىز بولدى. العاشقى ويىنداعى ناتيجە وعان جەتكىزە قويمادى.
- لاسلونىڭ جاعدايى تۋرالى وي بىلدىرسەڭىز.
- لاسلو بىردەن اۋرۋحاناعا جەتكىزىلدى. جاعدايى ازىرگە بەلگىسىز. سونداي-اق, بەيسەبەكوۆ تە ازداپ جاراقات الىپ قالدى. كوزى ءىسىپ كەتتى. بىراق ايقاس جاراقاتسىز وتپەيتىنى بەلگىلى عوي.
- بۇل «استانانىڭ» ەڭ جوعارعى دەڭگەيى مە, الدە «سەلتيك» ناشار وينادى ما؟
- مەنىڭشە, «استانانىڭ» ەڭ جوعارعى دەڭگەيى وسى. «سەلتيك» تە سەنىمدى تۇردە كەلدى. بىراق ەكىنشى تايمدا قارسىلاس كوماندا ءدال وسى باعىتتا ءوربيدى دەپ كۇتپەگەنى انىق. ءبىرىنشى تايمدا شابۋىلشىلارىمىز جوعارى دەڭگەيدە قىسىم جاساماعاندىقتان كوپ نارسەنى پايدالانا المادىق. ەكىنشى 45 مينۋتتا سىزبانۇسقامىزدى وزگەرتتىك. جىگىتتەرگە قىزۋقاندىلىق قوسىلدى, ءجيى قىسىمعا الدىق.
- «استانانىڭ» ءۇش قورعاۋشى ادىسىنە اۋىسقاننان كەيىن ويىن جاقسى باعىتتا ءوربىدى. الداعى ۋاقىتتا وسىعان كوشۋى مۇكىن بە؟
- قاجەت كەزدەردە بولماسا «استانا» ءۇش قورعاۋشىمەن ىلعي وينايدى دەپ ايتا المايمىن.
وسى ويىننان كەيىن پاتريك تۆۋماسيگە قىزىعۋشىلىق تانىتاتىن كوماندالار كوپ بولىپ, «استانادان» كەتۋى مۇمكىن دەپ ويلامايسىز با؟
- مەن وسىعان دەيىن ء بىراز ماڭىزدى ويىنشىلارىمنان ايىرىلعانمىن. بىراق كەتكەن ويىنشىلاردىڭ ورنىن لايىقتى جىگىتتەر كەلىپ باستى. ەگەر كلۋب قانداي دا ءبىر ويىنشىنىڭ كەتۋى تۋرالى شەشىم قابىلداسا, كەلىسۋگە تۋرا كەلەدى. ەندىگى ويىمىزدى ەۋروپا ليگاسىنا ءبولۋىمىز كەرەك.
- «استانا» «سەلتيكتىڭ» 40 ويىن ۇتىلماي كەلە جاتقان سەرياسىن بۇزدى. ەگەر ەكىنشى ويىن گلازگودا وتكەندە ءبارى باسقاشا باعىتتا بولۋى مۇمكىن بە ەدى؟ سونىمەن قاتار, ەۋروپا ليگاسىنىڭ جەرەبەسىنەن نە كۇتەسىز؟
- «سەلتيكتى» جەڭۋ وڭاي ەمەس. وسىنداي الپاۋىت كوماندادان باسىم تۇسكەنىمىزگە قۋانىشتىمىز. ال ەۋروپا ليگاسىندا وسال قارسىلاس جوق. كوماندادان تەك جەڭىس كۇتەتىنىن جىگىتتەر بىلەدى دەپ ويلايمىن. ءبىزدى ەۋروپا ليگاسىندا دا وتە اۋىر ويىندار كۇتىپ تۇر.
- «استانامەن» كەلىسىمشارتىڭىز وسى قىستا اياقتالادى. ونى سوزۋدى جوسپارلاپ وتىرسىز با؟
- بۇل تۋرالى قازىر ايتاتىن ۋاقىت ەمەس سياقتى. ۋاقىتى كەلگەندە كورەرمىز.
- العاشقى ويىندا پسيحولوگيالىق تۇرعىدا دايىن نەناد ەريچ تۇرۋى كەرەك ەدى دەپ وكىنبەيسىز بە؟
- ءبارى اياقتالعاننان كەيىن وتكەنگە وكىنۋدىڭ ەش ءمانى جوق. مەنىڭ قاراماعىمدا ەكى بىردەي جوعارى دەڭگەيلى قاقپاشى بار. ەكەۋى دە جاقسى دەڭگەيدە. ال الەكساندر موكيننەن ەشقانداي قوبالجۋلىقتى بايقامادىم. العاشقى ويىنداعى ناتيجە ول وتكەننىڭ ەنشىسىندە قالدى.
ايتا كەتەيىك, چەمپيوندار ليگاسىنىڭ پلەي-وفف كەزەڭىنىڭ جاۋاپتى ويىنىندا «استانا» ءوز الاڭىندا شوتلانديانىڭ «سەلتيك» كومانداسىن قابىلداپ, 4:3 ەسەبىمەن جەڭىسكە جەتتى. الايدا, قوس ماتچتىڭ قورىتىندىسى بويىنشا شوتلانديالىق ۇجىم چەمپيوندار ليگاسىنىڭ توپتىق كەزەڭىنە جولداما الدى. گلازگودا وتكەن ويىندا ەلوردالىقتار 0:5 بولىپ ەسە جىبەرگەن بولاتىن.
ايان ءابدۋالي,
«ەگەمەن قازاقستان»
