ەستەرىڭىزگە سالايىق, 2013 جىلى رەسپۋبليكادا «قولجەتىمدى باسپانا-2020» باعدارلاماسى قابىلداندى, كەيىن ونىڭ اتاۋى وڭىرلەردى دامىتۋ باعدارلاماسىنا اۋىستىرىلدى, قازىر ونىڭ اتاۋى – «نۇرلى جەر». سوعان سايكەس ەلوردادا اپاتتى ۇيلەردى, اتاپ ايتقاندا كوپپاتەرلى تۇرعىن-ۇيلەردى ءسۇرىپ تاستاۋ بويىنشا باعدارلاما ىسكە اسىرىلا باستادى.
قازىرگى ۋاقىتتا اپاتتى جانە ەسكى ۇيلەردى ءسۇرىپ تاستاۋ پيلوتتىق جوباسىن ىسكە اسىرۋدىڭ 1 كەزەڭى اياقتالدى, قىركۇيەكتە بۇل كەزەڭ بويىنشا سوڭعى ۇيلەر پايدالانۋعا بەرىلەدى.
جوبانىڭ ءبىرىنشى كەزەڭى اياسىندا 228 اپاتتى ءۇي ءسۇرىلىپ تاستالدى, ولاردان 3,5 مىڭ وتباسى كوشىرىلدى. بۇل 1940-1980 جىلدار ارالىعىندا سالىنعان نەگىزگى قۇرىلىس قۇرىلعىلارى جانە ينجەنەرلىك جۇيەلەر ابدەن توزعان ۇيلەر. ول ۇيلەر ادام ومىرىنە قاۋىپ توندىرەدى دەپ تانىلىپ, ءارى قاراي وندا تۇرۋعا رۇقسات ەتىلمەدى.
2013 جىلدان 2016 جىلعا دەيىن 117 ءۇي ءسۇرىلىپ تاستالدى, 1,5 مىڭ وتباسى كوشىرىلدى. قازىرگى ۋاقىتتا 77 ۇيدەن ادامداردى كوشىرۋ باستالدى.
بيىل 1,8 مىڭنان استام وتباسى تۇراتىن 111 ءۇيدى ءسۇرىپ تاستاۋ جوسپارلانۋدا. ءسۇرىپ تاستاۋعا جاتاتىن ۇيلەردىڭ ءتىزىمى تۇرعىن-ءۇي باسقارماسىنىڭ سايتىندا كورسەتىلگەن. پيلوتتىق جوبانى ىسكە اسىرۋ ءۇشىن اكىمدىك جانىندا ۇيلەردىڭ قۇرىلىسى بويىنشا وكىلەتتى كومپانيا – «ەلوردا دامۋ» جشس قۇرىلدى. جوبانىڭ باستاپقى كەزەڭىندە ۇيلەردىڭ قۇرىلىسىنا رەسپۋبليكالىق بيۋدجەتتەن نەسيە قاراجاتى بەرىلدى. پيلوتتىق جوبانىڭ تالاپتارىنا سايكەس, كومپانيا پاتەرلەردىڭ 30 پايىزىن اپاتتى تۇرعىن-ۇيلەردىڭ تۇرعىندارى ءۇشىن تابىستايدى, 70 پايىزىن ساتادى. ساتىلىمنان تۇسكەن قاراجاتقا كومپانيا قۇرىلىسقا قايتا ينۆەستيتسيا سالادى.
قالا اكىمىمەن ساياباقتار, الاڭدار, سپورتتىق الاڭدار سالۋ ءۇشىن بوساتىلعان جەر ۋچاسكەلەرىنىڭ نەگىزگى بولىكتەرىن پايدالانۋ شەشىمى قابىلداندى. 2018 جىلدىڭ قاڭتارىندا پيلوتتىق جوبانىڭ ەكىنشى كەزەڭىن ىسكە اسىرۋ باستالادى, سونىڭ اياسىندا 600 شارشى مەتر اۋماقتا 8500 پاتەر پايدالانۋعا بەرىلەدى.
ايتا كەتكەن ءجون, پيلوتتىق جوبانى قايتا ينۆەستيتسيالاۋعا باعىتتالعان قاراجات جىل سوڭىندا 48 ملرد تەڭگەنى قۇرايدى.
«نۇرلى جەر» باعدارلاماسى اياسىندا ەلوردادا ۇيقۇرىلىسى كومبيناتى ءوز جۇمىسىن باستايدى.
بۇل كومبيناتتىڭ ونىمىنەن «GLB» جشس جالپى اۋماعى 170 مىڭ شارشى مەترلىك كوپپاتەرلى تۇرعىن كەشەندەردىڭ قۇرىلىسى باستالدى.
