«2017 جىلدىڭ العاشقى التى ايىندا ءبىزدىڭ مەكەمەدەگى 44 بالا وتباسى مەن تۋىستارىنا قايتتى. ەڭ باستىسى ءتورت جاستان اسقان سوڭ بىردە-ءبىر بالانى بالالار ۇيىنە اۋىستىرعان جوقپىز», - دەيدى س.كەنجەباەۆا.
ونىڭ ايتۋىنشا, مامانداندىرىلعان بالالار ۇيىندە بالالار تەك ءتورت جاسقا دەيىن بولا الادى. ال ول جاستان اسقاندارى بەلگىلەنگەن تارتىپكە سايكەس بالالار ۇيىنە اۋىستىرىلىپ, كامەلەتتىك جاسقا تولعانعا دەيىن سوندا تاربيەلەنەدى. سوڭعى جىلدارى بالالارىنان باس تارتۋشى اتا-انالاردىڭ ازايعانى بايقالادى.
«ارينە, بۇل وڭ ءۇردىس مەملەكەتتىڭ ۇستانىپ وتىرعان ساليقالى ساياساتىنىڭ ارقاسىندا بولىپ وتىر. ويتكەنى قازىر ايەلدەرگە قولداۋ كورسەتەتىن كريزيستىك ورتالىقتار مەن انالار ۇيلەرى بار. بۇل ورتالىقتار تاجىريبە جۇزىندە ءوز تيىمدىلىگىن دالەلدەپ وتىر», - دەدى بالالار ءۇيىنىڭ ديرەكتورى.
