«Kazakh Invest» ۇك» اق ايماقتىق ديرەكتورى ارسەن ناسىرحانوۆ, الماتى قالاسى «اتامەكەن» اكپ ديرەكتورى يۋري تلەۋمۇراتوۆ, «Zoodel» كومپانياسىنىڭ تمد ەلدەرى بويىنشا باس ديرەكتورى ساردور مۇحامەداليەۆ قاتىسقان شارا بارىسىندا الماتى قالاسىنىڭ بيزنەس-اسسوتسياتسيالارمەن ء«وزارا تۇسىنىستىك تۋرالى» مەموراندۋرمدارىنا قول قويىلدى. سونداي-اق, شارا اياسىندا ءوز جۇمىسىن باستاعان ء«يا, سەن ەكسپورتتاي الاسىڭ!» اتتى بيزنەس-سەمينارىنا بۇگىنگى ەكسپورتتاۋشى كومپانيالاردىڭ وكىلدەرى مەن بولاشاقتا ەكسپورتتاۋمەن اينالىسقىسى كەلەتىن ازاماتتار قاتىسىپ, قۇندى كەڭەستەر الدى.
«قازىر «قازاقستاننىڭ ەكسپورتتىق ءونىمى 2017» انىقتاماسىنىڭ 9-باسىلىمىن دايىنداۋ جۇمىسى جۇرگىزىلۋدە. بۇل انىقتامادا (ورىس جانە اعىلشىن تىلدەرىندە) قازىرگى ەكسپورتتاۋشىلار جانە ولاردىڭ شىعاراتىن ونىمدەرى تۋرالى اقپارات بەرىلەتىن بولادى. سوندىقتان شەتەلدىك ينۆەستيتسيا تارتۋمەن قاتار, قازاقستاندىق ءونىمدى حالىقارالىق نارىققا شىعارۋمەن اينالىساتىن قازىرگى جانە بولاشاق ەكسپورتتاۋشىلار ءۇشىن «Zoodel.com» سياقتى زاماناۋي ۆ2ۆ ونلاين ساۋدا الاڭدارىنىڭ شىعۋى نۇر ۇستىنە نۇر بولىپ وتىر», – دەدى «Kazakh Invest» ۇك» اق ايماقتىق ديرەكتورى ارسەن ناسىرحانوۆ.
«قازاقستان تاۋارلارىن سىرتقى نارىقتارعا شىعارۋعا كومەكتەسۋ» مەملەكەتتىك باعدارلاماسىنىڭ اياسىندا جانە قر ۇلتتىق ەكونوميكا مينيسترلىگىنىڭ, «Kazakh Invest» ۇك» اق, «اتامەكەن» قر ۇكپ جانە ايماقتىق اكىمدىكتەردىڭ قولداۋىمەن ەل ايماقتارىندا بيزنەس-سەمينارلار وتكىزىپ جۇرگەن Zoodel كومپانياسى ءۇشىن الماتى – جوسپارداعى جيىرما قالانىڭ ون ەكىنشىسى ەكەن.
ەكسپورتتىق وپەراتسيالار جەلىسىن ءتيىمدى باسقارۋعا مۇمكىندىك بەرەتىن اقپاراتتىق تەحنولوگيالاردى قولدانا وتىرىپ, جەرگىلىكتى ەكسپورتتى ىلگەرىلەتۋدىڭ جاڭا قۇرالدارىن ۇسىنۋدى ماقسات تۇتقان سەمينار بارىسىندا الماتى قالاسى تاۋار وندىرۋشىلەرى تمد مەن تۇركيا, قىتاي, ءۇندىستان, يران, اۋعانستان, پاكىستان سياقتى ۇلى جىبەك جولى بويىنداعى ەلدەر نارىقتارىنا شىعۋعا ارنالعان «Zoodel.com» اتتى جاڭا ونلاين قۇرالى تۋرالى اقپاراتپەن تانىستى. وقىتۋ, ماركەتينگ, ساۋدا سەرىكتەستەرىن انىقتاۋ, لوگيستيكا, قاۋىپسىز تولەم جاساۋ, كوپتىلدى كونتەنت, تەندەرلەرگە قاتىسۋ جانە باسقا قىزمەتتەر كورسەتەتىن اتالمىش ونلاين قۇرال ەكسپورت, شاعىن جانە ورتا بيزنەستى دامىتۋ بويىنشا تولىق قىزمەت بەرەتىن حالىقارالىق B2B ونلاين ساۋدا الاڭى بولماق.
شىلدە ايىنىڭ سوڭىندا اتىراۋ قالاسىندا باستالىپ, ەلىمىزدىڭ ءىرىلى-ۇساقتى بىرقاتار قالالارىندا جالعاسىن تاپقان ء«يا, سەن ەكسپورتتاي الاسىڭ!» سەمينارى 7 قىركۇيەككە دەيىن سوزىلماق. «Zoodel» كومپانياسىنىڭ تمد ەلدەرى بويىنشا باس ديرەكتورى ساردور مۇحامەداليەۆ: «تاۋاروندىرۋشىلەردىڭ كوبى ويلانباستان حالىقارالىق نارىققا شىعىپ, وتكىزۋ نارىعىن ىزدەۋ, ەكسپورتتاۋ مۇمكىندىگى تۋرالى اقپاراتتىڭ جەتكىلىكسىزدىگى سياقتى ءارتۇرلى قيىندىقتار تۋىنداعان كەزدە جارتى جولدا توقتاپ قالاتىندارى بارىمىزگە ءمالىم. بيزنەسكە كومەك رەتىندە ءبىز وتكىزۋ نارىعى ارنالارىنا قول جەتكىزۋدى قامتاماسىز ەتەتىن كەشەندى IT-شەشىمدەردى ۇسىنىپ, كوپ ءتىلدى كونتەنت جاساي وتىرىپ, ءتىلدى تۇسىنبەۋ ماسەلەسىن دە شەشۋگە, ماركەتينگ بويىنشا العا جىلجۋعا, كليەنتتەر ىزدەۋگە كومەكتەسەمىز, ساۋدا سەرىكتەستەرىن انىقتايمىز, لوگيستيكانى ەسەپتەيمىز. www.zoodel.com ونلاين الاڭىندا جۇمىس ىستەي وتىرىپ, تاۋار وندىرۋشىلەر ەكسپورتتىق وپەراتسيالارىن كەڭسەلەرىنەن شىقپاي-اق باسقارىپ, ءوز شىعىندارىن وڭتايلاندىرا الادى», – دەپ مالىمدەدى.
ميرا بايبەك,
«ەگەمەن قازاقستان»
الماتى
