اتالعان ءىس-شاراعا وڭىرلىك ەتنومادەني بىرلەستىكتەر, وڭىردەگى تاريحي-ولكەتانۋ مۇراجايلارى, جاستار ۇيىمدارى, بارلىق دەڭگەيدەگى وڭىرلىك كىتاپحانالار, قازاقستان حالقى اسسامبلەياسىنىڭ عىلىمي-ساراپشىلىق توپتارى مەن بۇقارالىق اقپارات قۇرالدارىنىڭ وكىلدەرى قاتىستى.
شارانىڭ نەگىزگى ماقساتى ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىن جۇزەگە اسىرۋ ماقساتىندا قوعامدىق سانانى جاڭعىرتۋ جونىندەگى «قازاقستاننىڭ قاسيەتتى رۋحاني قۇندىلىقتارى» جوباسىن ىسكە اسىرۋ جانە مەملەكەت باسشىسىنىڭ قوعامدىق كەلىسىم مەن جالپىۇلتتىق بىرلىكتىڭ قازاقستاندىق ۇلگىسىن دارىپتەۋ بولىپ تابىلادى. اتالعان ەكسپەديتسياعا قاتىسۋشىلار بۇگىن تاراز قالاسىنداعى «دوستىق ۇيىندە» باس قوسىپ, ءۇش باعىتقا ءبولىندى. ءبىرىنشى باعىتتىڭ العاشقى ايالداماسى تاراز قالاسىنداعى قاراحان بابا كەسەنەسى مەن جامبىل اۋدانىنا قاراستى ايشا ءبيبى كەسەنەسى بولماق. ودان كەيىنگى ەكىنشى باعىت جۋالى اۋدانىنداعى باۋىرجان مومىش ۇلى مۇراجايىنا اتتانادى. بۇدان كەيىن ساياحاتشىلار تالاس اۋدانىندا ورنالاسقان تامدى قالاشىعى مەن سارىسۋ اۋدانىنداعى ىقىلاس دۇكەن ۇلى مۇراجايىن تاماشالايدى.
ءدال وسى ۋاقىتتا ەكىنشى باعىتپەن شىققان ساياحاتشىلار بايزاق اۋدانىنداعى اقىرتاس قالاشىعىنا, ت.رىسقۇلوۆ اۋدانىنداعى قۇلان توبە قالاشىعىنا جانە مەركى اۋدانىنداعى سىپاتاي باتىر ماۆزولەيىنە ەكسپەديتسيا جاسايدى. ال ءۇشىنشى باعىتتاعى قاتىسۋشىلار شۋ اۋدانىنداعى جايساڭ قورىمى مەن قورداي اۋدانىنداعى وتەگەن باتىر كەسەنەسىنە باراتىن بولادى. اپتا بويى اۋليەاتا وڭىرىندە جالعاساتىن ء«وز ولكەڭدى تانى!» تاريحي-مادەني ەكسپەديتسياسى كەلەسى اپتادا تالاس اۋدانىنا قاراستى «تاۋ سامالى» لاگەرىندە قورىتىندىلانادى دەپ كۇتىلۋدە.
حاميت ەسامان,
«ەگەمەن قازاقستان»
جامبىل وبلىسى
