ماقسات - جۇمىس ىزدەپ جۇرگەن اۋدان تۇرعىندارىنا, ولاردىڭ ىشىندەگى مۇمكىندىگى شەكتەۋلى ازاماتتارعا كاسىپورىندار مەن مەكەمەلەردەگى بوس جۇمىس ورىندارىن ۇسىنىپ, جۇمىسسىزدارعا باعىت كورسەتۋ. ءوز ماماندىقتارى بويىنشا جۇمىسقا ورنالاسۋىنا ىقپال ەتۋ.
بوس جۇمىس ورىندارىنا ارنالعان جارمەڭكەدە اۋدانداعى 59 مەكەمە وزدەرىنە قاجەتتى 179 بوس جۇمىس ورىندارىن ۇسىندى. ولار كەلۋشىلەرگە وزدەرىندەگى جۇمىس ورىندارى تۋرالى ماعلۇمات بەرىپ, قويىلاتىن تالاپتاردى ءتۇسىندىردى. جارمەڭكەدە اسىرەسە ءبىلىم سالاسى بويىنشا ياعني, ورىس ءتىلى مەن ادەبيەتى, اعىلشىن, ماتەماتيكا ءپانىنىڭ مۇعالىمى جانە دانەكەرلەۋشى, جۇرگىزۋشى, ەلەكتريك تاعى باسقا ماماندىقتارى بويىنشا كوپتەگەن سۇرانىستار ءتۇستى.
ەڭبەك جارمەڭكەسىنىڭ قورىتىندىسى بويىنشا ۇسىنىلعان بوس جۇمىس ورىندارىنا 87 ازامات جولداندى. ەندى ولار ارنايى اڭگىمەلەسۋدەن وتەتىن بولادى. جۇمىس بەرۋشىنىڭ تالاپتارىنا ساي كەلەتىن بولسا, بۇل ازاماتتار تۇراقتى جۇمىسپەن قامتىلماق.
سونداي-اق, شارا بارىسىندا قىسقا مەرزىمدى كاسىپتىك وقىتۋ كۋرستارىنا قاتىسۋعا نيەت بىلدىرگەن 45 ازاماتتىڭ قۇجاتتارى قابىلداندى.
جالپى اۋداندا جىل باسىنان بەرى 1 مىڭعا جۋىق جاڭا جۇمىس ورىندارى اشىلىپ, 1044 ادام جۇمىسقا ورنالاسقان.
