ۆيتسە-مينيستر مەملەكەت باسشىسىنىڭ اگرارلىق سەكتوردى ەلىمىزدىڭ ەكونوميكاسىنىڭ جاڭا قوزعاۋشى كۇشىنە اينالدىرۋ بويىنشا العا قويعان مىندەتىن ورىنداۋ ءۇشىن اوك دامىتۋ مەملەكەتتىك باعدارلاماسى اياسىندا بىرقاتار قاجەتتى شارالار قابىلدانعانىن باياندادى.
وسىلايشا, سۋبسيديالاردىڭ بارلىق 65 ءتۇرى قايتا قارالدى, ناتيجەسىندە ءتيىمسىز 11-ءى الىنىپ تاستالدى, 40 بويىنشا – قاعيداتتار وزگەرتىلدى. ناتيجەسىندە جىل سايىنعى ۇنەمدەۋ شامامەن 25 ملرد تەڭگەنى قۇرايدى, ال وزگەرتىلگەن قاعيداتتار ءونىم ءوندىرىسىن بيۋدجەتتى ۇلعايتۋسىز ورتا ەسەپپەن العاندا 29%-عا ارتتىرادى.
ينۆەستيتسيالىق سۋبسيديالاۋدىڭ الدىڭعى ۇلگىسىندە قولدانىلعان قاعيداتتار ۇساق جانە ورتا اۋىل شارۋاشىلىعى وندىرۋشىلەرىنە باعدارلاماعا قاتىسۋعا مۇمكىندىك بەرگەن جوق. اتالعان «قاتەلىكتەر» جويىلدى, اعىمداعى جىلى ۇساق جانە ورتا وندىرۋشىلەردى قامتۋ 2 ەسەگە ارتتى.
سۋبسيديالارمەن قاتار «قازاگرو» ۇبح نەسيە ساياساتى قايتا قارالدى. العاش رەت كوكتەمگى ەگىس جۇمىستارىنا نەسيەلەر سوڭعى قارىز الۋشىعا جىلدىق 6%-بەن ۇسىنىلدى. سالىستىراتىن بولساق, وتكەن جىلدارى پايىزدىق مولشەرلەمە 9-10% قۇرادى. وعان قوسا, نەسيەلەۋ ءبىر اي ەرتە باستالدى. «اۋىل شارۋاشىلىعىن قارجىلاي قولداۋ قورى» اق ارقىلى بەرىلەتىن شاعىن نەسيەلەر 6%-بەن ۇسىنىلادى, ال بۇعان دەيىن بۇل كورسەتكىش 14% دەيىن جەتەتىن.
بۇدان وزگە, وتكەن جىلدان باستاپ ۇساق جانە ورتا شارۋاشىلىقتاردى اۋىل شارۋاشىلىعى كووپەراتسياسىنا تارتۋ بويىنشا كەشەندى شارالاردى ىسكە اسىرۋ باستالدى. جىل باسىنان بەرى 1 تامىزداعى جاعداي بويىنشا 53,5 مىڭ استام وزىندىك قوسالقى شارۋاشىلىقتى, ۇساق جانە ورتا شارۋاشىلىقتاردى جانە وتباسىلىق بورداقىلاۋ الاڭدارىن قامتۋمەن 517 كووپەراتيۆ قۇرىلدى.
ءوزىن-ءوزى جۇمىسپەن قامتىعان جانە ەڭبەكپەن قامتىلماعان ازاماتتار 110 572 ءىرى قارا مال باسى ءۇشىن 10 286 وتباسىلىق بورداقىلاۋ الاڭىن قۇردى. بارلىق 160 اۋىلدىق اۋداندا كووپەراتسيا نەگىزدەرى بويىنشا سەمينارلار وتكىزىلدى.
اۋىل شارۋاشىلىعى كووپەراتيۆتەرىنە كەپىلسىز جانە باستاپقى جارناسىز مودۋلدىك ءسۇت قابىلداۋ جانە مال سويۋ پۋنكتتەرىن ساتىپ الۋدىڭ سحەماسى ەنگىزىلدى, سونداي-اق كووپەراتيۆتەردىڭ مۇشەلەرى ءۇشىن نەسيەلەردى كەپىلدەندىرۋ تەتىگى قاراستىرىلعان. قابىلدانعان شارالار ناتيجەسىندە 36 مىڭ توننا ءسۇت جانە 10 مىڭ توننا ەت ازىرلەندى.
بۇدان وزگە, وسىمدىك شارۋاشىلىعىندا ەگىس القاپتارىن ءارتاراپتاندىرۋ جۇرگىزىلۋدە. سۇرانىسقا يە داقىلدار القاپتارى 905,5 مىڭ گا ۇلعايتىلدى. جۇرگىزىلگەن ءارتاراپتاندىرۋ بيىلعى جىلدىڭ وزىندە قۇراما جەم ءوندىرىسىن 1,2 ەسەگە, مايلى داقىلداردى – 1,3 ەسەگە, وتاندىق قانتتى – 1,4 ەسەگە ارتتىرۋعا مۇمكىندىك بەرەدى.
