حالىقتىق كوممۋنيستەر فراكتسياسىنىڭ جەتەكشىسى ءوز سوزىندە پارلامەنت ءماجىلىسىنىڭ وتكەن سەسسياسىندا اتقارىلعان شارۋالار جايلى ايتا كەلىپ, سايلاۋشىلاردى پارتيانىڭ زاڭ شىعارماشىلىق جۇمىسىنان حاباردار ەتتى. بۇل رەتتە دەپۋتات كونستيتۋتسيالىق رەفورما شەڭبەرىندە زاڭدارعا ەنگىزىلگەن وزگەرىستەر جايىن قوزعادى. مەملەكەت باسشىسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنىڭ نەگىزگى ەرەجەلەرى مەن «بولاشاققا باعدار: رۋحاني جاڭعىرۋ» اتتى ماقالاسىندا كوتەرىلگەن ماسەلەلەر تۋرالى دا ءوز ويىن ورتاعا سالدى جانە فراكتسيانىڭ جۇمىسىمەن دە تانىستىرا كەتتى.
اتاپ ايتقاندا, ۆلاديسلاۆ كوسارەۆ جينالعانداردى پارتيانىڭ زاڭنامالىق باستامالارىمەن تانىستىرا وتىرىپ, وزگە دە جۇمىستارىنىڭ قىرىن اشىپ كورسەتۋگە تىرىستى. دەپۋتات سايلاۋشىلارمەن اۋىل شارۋاشىلىعىنداعى وزگەرىستەرگە كوڭىلى تولاتىندىعىمەن دە ءبولىسۋدى ءجون كوردى. دەپۋتاتتىڭ جەكە قابىلداۋىنا 8 ادام جازىلدى. ولار وڭىردەگى وزدەرىن تولعاندىراتىن ماسەلەلەردى ورتاعا سالدى. ششۋچە قالاسى اكىمىنىڭ ورىنباسارى ا.احمەتوۆا كوتەرىلگەن ماسەلەلەر بويىنشا ءتيىستى شارالار اتقارىلىپ جاتقاندىعىن ايتتى.
اسقار تۇراپباي ۇلى,
«ەگەمەن قازاقستان»
اقمولا وبلىسى
