اتالعان زاۋىتتىڭ كوممەرتسيالىق ديرەكتورى ايجارقىن ۋاليەۆ وڭىرلىك كوممۋنيكاتسيالار قىزمەتىندە وتكىزىلگەن بريفينگ بارىسىندا جارىق ديودتى شامدار جوعارى ساپاسىمەن ەرەكشەلەنەتىنىن ايتا كەلىپ, ونىڭ ۇلكەن سۇرانىسقا يە ەكەنىن كولدەنەڭ تارتتى. ەندى كومپانيا باسشىلارى تمد ەلدەرى رىنوگىنا شىعۋدى كوزدەپ وتىرعانىن ايتتى. ورايى كەلگەندە ا.ۋاليەۆ كاسىپورىن جارىق ديودتارى مەن مەتالل قۇرىلعىلارىن ازىرلەۋ مەن جەتىلدىرۋ باعىتىندا كوپتەگەن شارۋالار تىندىرىلعاندىعىنا نازار اۋدارتتى. كومپانيانىڭ باسىم باعىتى – وزدەرى جاساعان سىرتقى قالىپ بازاسىندا شامداردى جيناۋ, سونىمەن بىرگە فيرمالار ءۇشىن ديودتى جارىققا ارنالعان شامدار مەن ولاردىڭ قاپتامالارىن ازىرلەۋ, ەڭ باستىسى, شامدار مەن ولاردىڭ قوسالقى بولشەكتەرىن ساۋداعا شىعارۋ. كاسىپورىندا وندىرىلەتىن شامداردى كەز كەلگەن اۋا رايىندا, ءتىپتى ىستىق تسەحتار مەن ىلعالدى عيماراتتاردا دا پايدالانۋعا بولادى.
شىعارىلعان ءونىم امبەباپ ەكەندىگىن دە ايتا كەتكەن ورىندى. ويتكەنى, مۇنداي ونىمدەردى تۇرعىن ءۇي-كوممۋنالدىق شارۋاشىلىقتا, ساۋلەتتىك جارىقتاندىرۋدا, اۆتوتراسسادا جانە ءىرى ءوندىرىس نىساندارىندا پايدالانۋعا مۇمكىنشىلىك بار. شامداردىڭ ورتاشا باعاسى 2000 تەڭگە, ال ۇنەمدەلەتىن ەلەكتر قۋاتى شامامەن 65 پايىزدى قۇرايدى. بۇگىنگى تاڭدا اتالعان كاسىپورىندا 25 قىزمەتكەر جۇمىس ىستەيدى. ولاردىڭ الاتىن جالاقىسى ماماندىعى مەن وتىلىنە قاراي 60 مىڭ تەڭگەدەن باستالادى. ايجارقىن ۋاليەۆ كومپانيا بىرەر ايدا جاقىن شەتەلدەرگە ءوز ونىمدەرىن وتكىزە باستايتىندىعىن العا تارتا وتىرىپ, العاشقى سەرىكتەس ەل وزبەكستان رەسپۋبليكاسى بولاتىندىعىن ايتتى.
اسقار تۇراپباي ۇلى,
«ەگەمەن قازاقستان»
اقمولا وبلىسى
