يساتاي مەن ماحامبەت بابامىزدىڭ مəڭگىلىك جاي تاپقان مەكەنىنە بارعان ساپارىمىز − وتكەنىمىزدى ۇمىتپاي, بولاشاقتىڭ بەسىگىندە باتىرلارىمىزدىڭ رۋحىن تەربەتۋدىڭ باستى كورىنىسى دەپ ەسەپتەيمىن.
يندەر اۋدانىنىڭ قاراوي جازىعىندا ماحامبەت باتىر مەن مالايسارى بي جاتقانى بارشاعا بەلگىلى. ەكسپەديتسيا مۇشەلەرىن يندەر اۋدانىنىڭ əكىمى سەرىك ارىستان قارسى الىپ, تاريحي-مəدەني مۇرالارىمىزدىڭ رەسپۋبليكا كولەمىندەگى الاتىن ورنى, ماڭىزدىلىعىنا كەڭىرەك توقتالدى.تاريحتىڭ قويناۋىنان سىر شەرتەتىن جəڭگىر حان, يساتاي مەن ماحامبەتتىڭ اراسىندا وربىگەن وقيعالاردى قويىلىم ارقىلى اۋدان ونەرپازدارى كورسەتتى.
باتىس قازاقستان وبلىسى, اقجايىق اۋدانىنىڭ مۇراجايى تاريحي ءمəنى بار ەكسپوناتتارمەن قامتىلعان, مəدەني مۇرامىزدى ايشىقتايتىن وردالى وتاۋ ەكەنىن ۇعىندىق. سىرىم اۋدانىندا الاش قايراتكەرلەرىنىڭ مۇسىندەرى مەنمۇندالاپ تۇر. ەلىم دەپ ەڭىرەپ وتكەن ەرلەرىمىزدىڭ ەسىمى الاش ساياباعىنىڭ تورىندە التىن زەرلى جازۋمەن جارق ەتىپ تۇرعانى كوڭىلگە قۋانىش سىيلايدى. حالىق جازۋشىسى, كورنەكتى اقىن قادىر مىرزا ءƏلىنىڭ ەسكەرتكىشىن قويىپ, əدەبيەتتىڭ التىن ءدəۋىرىن جاساعان قالامگەردى əسپەتتەگەن جۇرتشىلىققا العىس ءبىلدىرۋ قاجەت.
اقتوبە وبلىسى, قوبدا اۋدانىنىڭ تىنىس-تىرشىلىگىمەن تانىسا كەلە, مəدەني مۇرامىزدىڭ مəيەگى ەكەنىن ايتقىم كەلەدى. يساتاي بابامىزدىڭ كەسەنەسى شەيىتساي مەكەنىندە ورنالاسقان. اتاقتى ميحايل گەراسيموۆتىڭ شəكىرتى, انتروپولوگ-عالىم نوەل جۇماباي ۇلى شاياحمەتوۆ زەرتتەۋ جۇمىستارىن جۇرگىزگەندە, سۇيەكتى اشۋعا اتسالىسقان قاريا جاۋعاشتى جۇماعاليەۆپەن, «يساتاي» قوعامدىق قورىنىڭ پرەزيدەنتى, يساتايتانۋشى ەركىن قۇرمانبەكوۆپەن جۇزدەستىك. قوبدا اۋدانىنىڭ əكىمدىگى يساتاي بابامىزدىڭ كەسەنەسىنە جول سالۋ جونىندە سمەتالىق قۇجاتتارى دايىندالىپ جاتقانىن جەتكىزدى. اۋداندا 320 ورىندىق ءبىلىم بەرۋ نىسانىنا يساتاي بابامىزدىڭ ەسىمى بەرىلىپ, بيىكتىگى 11 مەتردى قۇرايتىن بابامىزدىڭ ەسكەرتكىشى قازان ايىندا اشىلاتىندىعى جونىندەگى جاعىمدى جاڭالىقتان حاباردار بولدىق.
ەكسپەديتسيانىڭ باستى ماقساتى – يساتاي مەن ماحامبەت بابالارىمىزدىڭ رۋحىن جاڭعىرتۋ, ءباھادۇر باتىرلارىمىز باستاعان كوتەرىلىس جونىندە تىڭ دەرەكتەردى جيناقتاۋ ەدى. ماقسات ورىندالدى.
ادىلبەك ومىرزاقوۆ,
«قاروي – شەيىتساي – قاروي» ەكسپەديتسياسىنىڭ مۇشەسى
