حالىقارالىق كۇن اليانسىن قۇرۋدى كوزدەيدى

شارانىڭ رەسمي بولىمىندە قازاقستانداعى ءۇندىستان ەلشىسى حارش كۋمار دجەين ءسوز سويلەپ, پاۆيلوندارىنىڭ كۇن ەنەرگيا-
سىنا باسا ءمان بەرگەنىن اڭگى­مە­لەدى. «استانادا ءوتىپ جاتقان حا­لىق­ارالىق كورمەگە ءۇندىستان رەس­­پۋبليكاسىنىڭ قاتىسۋىن ەكى ەل اراسىنداعى تىعىز قا­رىم-قاتىناستىڭ كورسەتكىشى دەپ باعالاۋ كەرەك. ءبىزدىڭ پاۆي­ل­­وننىڭ تاقىرىبى «كۇن» دەپ اتا­لادى جانە ول ەلىمىزدىڭ كۇن ەنەر­گياسىن يننوۆاتسيالىق قول­دا­نۋداعى تاجىريبەسىن, سونىڭ ىشىندە الەمدەگى العاشقى 100 پا­يىز جاسىل تەحنولوگيامەن سا­لىنعان كوچين حالىقارالىق اۋە­جايىنىڭ ۇلگىسىن پاش ەتەدى», دەدى ەلشى.

قازاقستان تاراپىنان سىرتقى ىستەر ءمينيسترىنىڭ ورىنباسارى اقىلبەك كامالدينوۆ ءۇندىستان ۇكى­مەتىن تاۋەلسىزدىك تويىمەن قۇت­تىقتاپ, كاسىپكەرلەرىن ەل نارى­عىندا بەلسەندى بولۋعا شا­قى­ردى. «بيىل قازاقستان مەن ءۇن­دىس­تاننىڭ ديپلوماتيالىق قا­رىم-قاتىناسىنا 25 جىل تولادى. ءبىزدىڭ بايلانىستارىمىز ەكونوميكا, ەنەرگەتيكا, اقپاراتتىق تەح­نولوگيالار, ساۋدا, ساياسات, اس­كە­ري تەحنيكا جانە وزگە دە سالا­لار­دا دامىپ كەلەدى. ۇندىس­تان­دىق كاسىپكەرلەردى قازاق­ستان­دىق ەكونوميكاعا ينۆەستيتسيا سالۋعا شاقىرامىز. ول ءۇشىن ءبىزدىڭ مەملەكەت بارلىق قاجەتتى جاعدايدى جاسايدى», دەدى ول.
مەرەكەگە تانىمال بوكسشى, ازيا بوكس كونفەدەراتسياسىنىڭ باسشىسى سەرىك قوناقباەۆ تا قاتىستى. ەكسپو-2017-ءنىڭ شىن مانىندە وراسان زور جوبا ەكەنىن ايتقان ول ء«ۇندىستاننىڭ بوكس فە­دەراتسياسى ستراتەگيالىق سە­رىك­تەسىمىز. قازىر وندا بوكس جو­عارى دەڭگەيدە دامىپ كەلەدى. تا­ريحقا ۇڭىل­سەك تە ەكى ەلدىڭ عا­سىرلار بويى تىعىز قارىم-قاتىناستا بولعانىن كورۋگە بولادى», دەدى.

ءۇندىستاندا عىلىم سالاسى قارقىندى دامىپ كەلەدى. ونىڭ ىشىن­دە جاڭعىرمالى ەنەر­­گە­تيكاعا باسا نازار اۋدا­رى­­لۋ­دا. سەبەبى ەلدىڭ اۋىلدى اي­ماق­تارىندا تۇراتىن حا­لىق­­تى ەلەكتر قۋاتىمەن قام­تۋ ال­دىڭ­عى قاتارداعى ماسە­لە­لەر­دىڭ ءبىرى. سوندىقتان, ءۇندىس­تان بي­لىگى حالىقارالىق كۇن اليان­سىن قۇرۋدى ءجون كورگەن. مۇن­دا­عى باستى ماقسات الەمدىك ەنەر­گوتيىمدىلىك نارىعىندا نور­ماتيۆتىك-قۇقىقتىق بازانى قۇرۋ بولىپ تابىلادى. 2030 جىلعا دەيىن جەرگىلىكتى ۇكىمەت بالامالى ەنەرگيا ءوندىرىسىن 400 گۆت-عا جەتكىزۋدى كوزدەپ وتىر. جەل ەنەرگەتيكاسىن وندىرۋدەن دە مەملەكەت الەمدە كوش باستاپ كەلەدى. وسى جەتىستىكتەر جايىندا تولىق اقپارات ۇلتتىق پاۆيلوندا بار.