كەزدەسۋ بارىسىندا قازاق ۇلتتىق اگرارلىق ۋنيۆەرسيتەتىنىڭ رەكتورى جوعارى وقۋ ورنىنىڭ قىزمەتى مەن دامۋ پەرسپەكتيۆاسى جونىندە مالىمدەدى.
– ءبىز بۇگىندە ون ءبىر حالىقارالىق كونسورتسيۋمعا مۇشەمىز. 2015 جىلدان باستاپ QS ەەسا («دامۋشى ەۋروپا جانە ورتالىق ازيا») تۇجىرىمى بويىنشا الەمنىڭ ۇزدىك ۋنيۆەرسيتەتتەرىنىڭ رەيتينگىنە قاتىسىپ, وسى باعالاۋ اياسىندا العاشقى جىلى 150 جوعارى وقۋ ورنىنىڭ ىشىنەن 67-ورىنعا يە بولدىق. قازىرگى ۋاقىتتا ۋنيۆەرسيتەتتە 50-گە جۋىق عىلىمي جوبا ىسكە اسىرىلۋدا, – دەدى ت.ەسپولوۆ.
سونىمەن قاتار, مەملەكەت باسشىسىنا وتاندىق اگروونەركاسىپتىك كەشەندى يننوۆاتسيالىق دامىتۋعا مۇمكىندىك بەرەتىن ۋنيۆەرسيتەتتىڭ اگروتەحنولوگيالىق حابىنىڭ قىزمەتى جونىندە ايتىلدى.
– بۇل حاب جاڭا تەحنولوگيالاردى, يدەيالار مەن ستارتاپ جوبالاردى ىزدەستىرۋگە, ولاردى تارتۋعا جانە ەنگىزۋگە, سونداي-اق, مەملەكەت-جەكەمەنشىك ارىپتەستىگىنىڭ تەتىكتەرىن ىسكە اسىرىپ, ۋنيۆەرسيتەتتىڭ ءوزىن ءوزى قارجىلاندىرۋىن جانە دەربەستىگىن قامتاماسىز ەتۋگە ارنالعان, – دەدى قازاق ۇلتتىق اگرارلىق ۋنيۆەرسيتەتىنىڭ رەكتورى.
قازاقستان پرەزيدەنتى ەلىمىزدىڭ اۋماعىندا اۋىل شارۋاشىلىعى سالاسىنداعى عىلىمي ورتالىق قۇرۋ قاجەت ەكەنىن اتاپ ءوتتى.
– عىلىمي زەرتتەۋلەردىڭ ناتيجەلەرىن ەنگىزۋ مەن مامانداردى دايارلاۋدىڭ تيىمدىلىگىن ارتتىرعان ءجون. سونداي-اق, اگروونەركاسىپتىك كەشەننىڭ باسەكە-
گە قابىلەتتى, ەكسپورتقا باعىتتالعان ونىمدەرىنىڭ كولەمىن ارتتىرۋ كەرەك, – دەدى نۇرسۇلتان نازارباەۆ.
سۋرەتتەر پرەزيدەنتتىڭ باسپاسوز قىزمەتىنەن الىندى
