نۇرلان نوعاەۆ ماكسيم يزباسوۆقا اۋداننىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن, اتقارعان جۇمىسى ءۇشىن العىس ءبىلدىرىپ كەلەشەك باستامالارىنا ساتتىلىك تىلەدى.
جاڭا ۇمىتكەر بولىپ ماحامبەت اۋدانىنىڭ اكىمى قىزمەتىن اتقارعان اليمۇحاممەد قۇتتىمۇرات ۇلى تاعايىندالدى. دەپۋتاتتار ءبىراۋىزدان ۇمىتكەردى قولداپ, ونى تاجىريبەلى جانە بىلىكتى باسشى رەتىندە تانىلعانىن اتاپ ءوتتى.
اۋدان ماسليحاتىنىڭ سەسسياسى بارىسىندا, جاڭا ۇمىتكەر, ەلباسىنىڭ «ۇلت جوسپارى – 100 ناقتى قادامدى جۇزەگە اسىرۋ بويىنشا بەس ينستيتۋتسيونالدىق رەفورمالارى» ماقالاسىنىڭ قازىرگى زامانعى مەملەكەت اپپاراتىن قالىپتاستىرۋ پرينتسيپى بويىنشا, قازاقستان رەسپۋبليكاسى پرەزيدەنتىنىڭ اكىمشىلىگىنىڭ كەلىسىمىمەن تاعايىندالدى.
اليمۇحاممەد قۇتتىمۇرات ۇلى – ەكونوميكا مەن قۇقىقتانۋ سالاسىنداعى ەكى جوعارعى ءبىلىمى بار.
ەڭبەك جولىن 12 جىل بۇرىن جەكە سەكتوردا باستاعان, كەيىن ەكونوميكا جانە بيۋدجەتتىك جوسپارلاۋ باسقارماسىنىڭ باس مامانى لاۋازىمىنا كوشتى, ءوزىن جاۋاپتى قىزمەتكەر رەتىندە كورسەتە ءبىلدى.
2008-2012 جىلدار ارالىعىندا جەرگىلىكتى اتقارۋ ورگاندار جۇيەسىندە قىزمەت اتقاردى.
2012-2016 جىلدار ارالىعىندا ورال قالاسىنىڭ اكىم ورىنباسارى, اتىراۋ وبلىسى اپپاراتىنىڭ باسشىسى, اتىراۋ وبلىسى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى, 2016 جىلدىڭ مامىر ايىندا ماحامبەت اۋدانى اكىمى بولىپ تاعايىندالدى.
