– جاراقاتىڭىزعا بايلانىستى ءبىراز ۋاقىت ساپتان شىعىپ, كومانداعا ەندى قوسىلىپ جاتقانىڭىزدان حاباردارمىز. بۇگىنگى جاعدايىڭىز قانداي؟
– جاراقاتىم ايتارلىقتاي اۋىر بولعان جوق. قازىر ءوزىمدى جاقسى سەزىنىپ تۇرمىن. جاراقاتىمنان تولىق ايىقتىم دەسەم دە بولادى. ەرتەڭگى ويىنعا تاس-ءتۇيىن دايىنمىن.
– ەرتەڭ «سەلتيك» ءبىر نەمەسە ەكى شابۋىلشىمەن ويناۋى مۇمكىن. سىزدەرگە قايسىسى قولايلى؟
– باپكەرىمىز قاي جۇيەنى دۇرىس دەپ سانايدى, سول جۇيەمەن وينايتىن بولامىز. جالپى, ەكى شابۋىلشىمەن دە, ءبىر شابۋىلشىمەن دە ويناۋعا دايىنبىز.
– بىلتىر كومانداڭىز چەمپيوندار ليگاسىنىڭ توپتىق كەزەڭىندە ويناعان بولاتىن...
– «سەلتيك پارككە» قايتا ورالعانىمىزعا قۋانىشتىمىن. البەتتە, وسى جىلى دا جىلدىڭ ەڭ ماڭىزدى تۋرنيرىندە دوپ تەپكىمىز كەلەتىنىن جاسىرمايمىن.
– «سەلتيك» چەمپيوندار ليگاسى مەن ىشكى چەمپيوناتتاعى باسەكەگە قانشالىقتى دايىن؟
– چەمپيوندار ليگاسى – ءبىز ءۇشىن تاماشا تاجىريبە الاڭى. وسى ماۋسىمدا بىرنەشە ويىن وتكىزدىك. مەنىڭشە, ءبىز ءۇشىن ىشكى بىرىنشىلىككە قاراعاندا, ەۋرودوداداعى جورىعىمىزدى جالعاستىرعان وتە پايدالى بولادى.
– «استاناعا» قارسى گلازگودا جاقسى ويناعان قانشالىقتى ماڭىزدى؟
– ارينە, ويىندى جەڭىسپەن باستاعان جاقسى عوي. سونداي-اق, «روسەنبورگ» كومانداسىمەن وتكەن ستسەناريدى قايتالاۋعا قارسى ەمەسپىز. سىرت الاڭدا جەڭىس گولىن سوققىمىز كەلەدى.
– «استانانىڭ» قارقىنىن وتكەن جىلعىمەن سالىستىرۋعا بولا ما؟
– ءبىزدىڭ باپكەرلىك قۇرام «استانانىڭ» ويىنىن ابدەن زەرتتەپ-زەردەلەپ كوردى. كلۋبتارىڭىزدى بىلتىرعىمەن سالىستىرۋعا كەلمەيتىنىن ايتتى. ەرتەڭ بارشامىزدى جاقسى ويىن كۇتىپ تۇر.
– ەگەر, «سەلتيك» ەۋروپا ليگاسىنا ءتۇسىپ كەستە, سىزدەر ءۇشىن كۇتپەگەن جاعداي بولا ما؟
– ءبىز جەڭىلىس تۋرالى مۇلدەم ويلامايمىز. «سەلتيك» جەڭىسكە جەتكەندى قالايدى جانە ءبىزدىڭ ماقساتىمىز چەمپيوندار ليگاسىنىڭ توپتىق كەزەڭىنە ءوتۋ.
– ءسىزدى ەرتەڭگى ويىندا قانداي ەسەپ قاناعاتتاندىرادى؟
– ءبىزدى چەمپيوندار ليگاسىنىڭ توپتىق كەزەڭىنە الىپ شىعاتىن كەز كەلگەن ەسەپ قاناعاتتاندىرادى.
ءالي بيتورە
«ەگەمەن قازاقستان»
