ءۇش كۇنگە سوزىلعان ەل بىرىنشىلىگىندە التى كوماندا باق سىنادى. ولار: وڭتۇستىك قازاقستان وبلىسى شوگەن فەدەراتسياسىنىڭ كومانداسى, اقمولا وبلىسى شوگەن فەدەراتسياسىنىڭ كومانداسى, اققيا شوگەن كلۋبى, اۋليەاتا شوگەن كلۋبى, «Astana polo club» پەن «Almaty polo club»كوماندالارى.
وسىمەن ەكىنشى مارتە ۇيىمداستىرىلعان جارىستا ءۇشىنشى ورىن ءۇشىن تالاستا اۋليەاتا شوگەن كلۋبى مەن اقمولا وبلىسى شوگەن فەدەراتسياسىنىڭ كوماندالارى وزارا مىقتىنى انىقتادى. تارتىستى وتكەن كەزدەسۋدە 2:1 ەسەبىمەن بىلتىرعى چەمپيوندار اۋليەاتا شوگەن كلۋبى جەڭىسكە جەتتى.
ال شەشۋشى سىندا «Astana polo club» پەن «Almaty polo club» كوماندالارى چەمپيوندىق اتاققا تالاستى. بىرنەشە حالىقارالىق تۋرنيرلەردىڭ جەڭىمپازدارى قوس كوماندادا جينالعانداردىڭ دەلەبەسىن قوزدىردى. قورىتىندى ەسەپ 6:4. «Astana polo club» كومانداسىنىڭ پايداسىنا شەشىلدى.
سونداي-اق چەمپيوناتتىڭ «ۇزدىك ويىنشى» نوميناتسياسىنا «Almaty polo club» كومانداسىنىڭ كاپيتانى قۋانىش مۇسابەكوۆكە بۇيىردى. ال, «ۇزدىك پولو پوني» بولىپ «ماۋسىم» اتتى سايگ ۇلىك تانىلدى. تيىسىنشە اققيا شوگەن كلۋبى 5 ورىنعا يە بولسا, وڭتۇستىك قازاقستان وبلىسى شوگەن فەدەراتسيسىنىڭ كومانداسى 6 ورىننان كورىندى.
جۇلدە قورى: 2 ميلليون تەڭگە
ءى ورىن – 1 ميلليون
ءىى ورىن – 600 مىڭ
ءىىى ورىن – 400 مىڭ
