ء«بىزدىڭ ورتالىققا «ديۋ سولەي» ارتيستەرىنىڭ وزدەرى حابارلاسىپ, بۇلدىرشىندەرمەن جۇزدەسىپ, ولارعا جاقسى كوڭىل-كۇي سىيلاعىلارى كەلەتىنىن جەتكىزدى. امەريكالىق ازاماتتار وتە اشىق-جارقىن ەكەن. بالالارمەن بىردەن ءتىل تابىسىپ كەتتى. ءبىز «ديۋسولەيلىكتەرمەن» ويىندى ءۇش توپقا بولدىك. قوناقتار العاشقى كۇنى 5 جاسقا دەيىنگى بۇلدىرشىندەردى قامتىعان ءبىرىنشى توپپەن كەزدەستى. بالالار ارتيستەرمەن ويناپ, مارە-سارە بولىستى. بۇگىن 5-10 جاس ارالىعىندا ەكىنشى توپپەن كەزدەسەدى. بۇل كۇننىڭ باعدارلاماسى باسقاشالاۋ. بالالار شەت ءتىلىن تۇسىنبەسە دە كەزدەسۋدى وتە كوڭىلدى وتكىزۋدە, دەيدى قوعامدىق قور قۇرىلتايشلارىنىڭ ءبىرى داۆيد تۋگانوۆ.
اۋلاعا ەنە سالىپ, بالالاردى باۋىرىنا تارتىپ, ىستىق ءىلتيپاتتارىن ءبىلدىرىپ جاتقان تسيرك ونەرپازدارىمەن سويلەسكەنىمىزدە, كاليفورنيالىق كەلفي شيۋمەن ءوزىنىڭ تسيركتە بيلەيتىنىن, قازاقستانعا تۇڭعىش رەت كەلگەنىن ايتسا, گاۆايلىق كەسسەدي برايت «ديۋسولەيلىكتەردىڭ» ناۋقاس بالالارمەن ءجيى كەزدەسۋ ۇيىمداستىرىپ تۇراتىنىن جەتكىزدى. ايتا كەتكەن ابزال, «سولنەچنىي مير» قوعامدىق بىرلەستىگىنىڭ مۇشەلەرى امەريكالىق مەيماندارعا داستارحان جايىپ, ۇلتتىق اس مازىرىنەن ءدام تاتقىزدى. شەتەلدىك تسيرك ونەرپازدارى باۋىرساقتىڭ ءدامى ەرەكشە ۇناعانىن ايتادى. ولاردىڭ استاناعا, قازاق ەلىنە دەگەن قىزىعۋشىلىعى ەرەكشە. ءار نارسەنى سۇرايدى. سوعان وراي بەلسەندى اتا-انالاردىڭ ءبىرى ءاسيا تەكەەۆا امەريكالىق ارتيستەردى بالالارمەن بىرگە قالانىڭ شەتىندەگى ۇيىنە قوناققا شاقىرىپ, ۇلتتىق اس مازىرىمەن تانىستىرماق نيەتتە.
دۋمان اناش,
«ەگەمەن قازاقستان»
