وبلىستىق فۋتبول فەدەراتسياسى ءبىزدىڭ وڭىردە قىزمەت ەتكەن ۋاقىتىندا بولگارلىق باپكەر ءوزىن ءوز ءىسىنىڭ كاسىپقويى رەتىندە تانىتا ءبىلدى. ديميتارعا جەرگىلىكتى «ەرتىستىك» فۋتبولشىلار دا, جانكۇيەرلەر دە باۋىر باسىپ قالدى. ديميتار ديميتروۆكە وڭىردە, ءبىزدىڭ ەلىمىزدەگى فۋتبولدى دامىتۋعا قوسقان ۇلەسى ءۇشىن وبلىس اكىمىنىڭ العىس حاتى جانە ءماشھۇر ءجۇسىپ ورتالىق مەشىتىنىڭ كورىنىسى بار سۋرەت سىيعا تارتىلىپ, يىعىنا قازاق شاپان جابىلدى.
– بۇل مەنىڭ ومىرىمدەگى ەڭ قيىن شەشىمدەردىڭ ءبىرى. قيماي كەتىپ بارامىن. قازاقستاندى ەكىنشى وتانىم, پاۆلوداردى ەكىنشى قالام دەپ ەسەپتەيمىن. سىزدەردىڭ ماعان دەگەن ىقىلاستارىڭىز ءۇشىن مەن سىزدەردى سۇيەمىن, ءومىرىمنىڭ سوڭىنا دەيىن جاقسى كورىپ وتەمىن. مەن ءۇشىن ادامي جاقسى قاسيەتتەر چەمپيوندىقتان جوعارى, ول ەشبىر تيتۋلمەن ولشەنبەيدى, – دەدى ديميتار.
جانكۇيەرلەر باپكەرمەن كوپكە دەيىن قوشتاسقىسى كەلمەي, سۋرەتكە ءتۇسىپ, اۆتوگرافىن الىپ جاتتى.
ديميتار ديميتروۆتىڭ باپكەر بولعان كەزدەرى «ەرتىس» فۋتبول كلۋبى ەلىمىزدىڭ XXV چەمپيوناتىنىڭ قولا جۇلدەگەرى اتاندى. د. ديميتروۆ بارلىعى 79 ويىن وتكىزىپ, 35 رەت جەڭىسكە جەتتى. 18 ويىن تەڭ ەسەپپەن اياقتالسا, 26 كەزدەسۋدە ەسە جىبەردى. وتكەن جىلى ديميتروۆ پاۆلودار وبلىسىنىڭ قۇرمەتتى تۇرعىنى اتاعىنا يە بولعان.
فاريدا بىقاي,
«ەگەمەن قازاقستان»
