ەلەۋسىزوۆ ايقىن قىلىش ۇلى 1986 جىلى دۇنيەگە كەلگەن. ءبىلىمى - جوعارى, قازاق گۋمانيتارلىق زاڭ ۋنيۆەرسيتەتىن «قارجىگەر» ماماندىعى بويىنشا ءبىتىرىپ, قازاق قاتىناس جولدارى ۋنيۆەرسيتەتىنەن ەكونوميكا عىلىمدارىنىڭ ماگيسترى اتاعىن العان.
ەڭبەك جولىن قر قارجى مينيسترلىگى قازىناشىلىق كوميتەتىنىڭ استانا قالاسى بويىنشا قازىناشىلىق دەپارتامەنتىندە مەملەكەتتىك ورگاندارمەن جۇمىس جاساۋ ءبولىمىنىڭ باس مامانى قىزمەتىنەن باستاعان.
2009-2013 جىلدارى قازاقستان رەسپۋبليكاسىنىڭ كولىك جانە كوممۋنيكاتسيا مينيسترلىگى حالىقارالىق ىنتىماقتاستىق جانە ترانزيتتىك ساياسات دەپارتامەنتى ترانزيتتىق ساياسات باسقارماسىندا باس ساراپشى, 2014-2016 جىلدارى قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگى ەكونوميكالىق ينتەگراتسيا دەپارتامەنتى كولىك جانە ينفراقۇرىلىم باسقارماسىنىڭ باسشىسى, 2016 جىلدىڭ قازان ايىنان بەرى اتىراۋ وبلىسى اكىمى اپپاراتىنىڭ ۇيىمداستىرۋ-ينسپەكتورلىق ءبولىمىنىڭ باسشىسى قىزمەتىن اتقارىپ كەلەدى.
سونداي-اق اتىراۋ وبلىستىق جاستار ساياساتى ماسەلەلەرى باسقارماسىنىڭ باسشىسى بولىپ قۇسپان روللان قابىل ۇلى تاعايىندالدى.
قۇسپان روللان قابىل ۇلى 1987 جىلى دۇنيەگە كەلگەن. ءبىلىمى - جوعارى, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىن «ەسەپ جانە اۋديت» ماماندىعى, جامبىل گۋمانيتارلىق-تەحنيكالىق ۋنيۆەرسيتەتىن «قۇقىقتانۋ» ماماندىعى بويىنشا اياقتاپ, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنەن ايماقتانۋ ماگيسترى اتاعىن العان.
ەڭبەك جولىن 2009 جىلى «قازاقستان جاستارى كونگرەسى» زاڭدى تۇلعالار بىرلەستىگىندە ەسەپشى قىزمەتىنەن باستاعان.
2010-2012 جىلدارى «قازاقستان جاستارى كونگرەسى» زاڭدى تۇلعالار بىرلەستىگى ديرەكتورىنىڭ ورىنباسارى, 2013-2014 جىلدارى وسى بىرلەستىكتىڭ اتقارۋشى ديرەكتورى, 2014-2015 جىلدارى «جاس وتان» جاستار قاناتىنىڭ رەسپۋبليكالىق قورى» كورپوراتيۆتىك قورى ديرەكتورىنىڭ ورىنباسارى, 2016 جىلدىڭ قىركۇيەگىنەن بەرى الماتى قالالىق جاستار ساياساتى ماسەلەلەرى جونىندەگى باسقارماسىنىڭ باسشىسى قىزمەتىن اتقاردى.
