– ەلىمىزدە كاسىپكەرلىكتىڭ دامۋىنا كوڭىل بولىنۋدە. بىزدەر ءوز تاراپىمىزدان ەلباسىنىڭ ستراتەگيالىق باعدارلامارىن جۇزەگە اسىرۋعا جانە ءوڭىردىڭ قوعامدىق ومىرىنە ۇلەس قوسقىمىز كەلەدى, – دەيدى پارتيا مۇشەلەرى.
پارتيانىڭ وبلىستىق فيليالى توراعاسىنىڭ ءبىرىنشى ورىنباسارى يليا تەرەنچەنكو توو «Blue Star.PV» ۇجىمىنا قولداۋ ءبىلدىرىپ, ساتتىلىك تىلەدى.
– بۇل جەكە كاسىپكەرلىكتىڭ قالاي دامۋى كەرەكتىگىنىڭ جاقسى ۇلگىسى. باستاۋىش پارتيا ۇيىمىنىڭ قۇرىلۋى مۇنداعى ۇجىمنىڭ جاۋاپكەرشىلىگىن, ءارى ساياسي ساۋاتتىلىعىن كورسەتەدى. كاسىپورىن وبلىستىڭ قوعامدىق-ساياسي جۇمىسىنداعى بەلسەندىلىگىمەن تانىلىپ كەلەدى. مەن پارتيا اتىنان بۇل باستاماعا قولداۋىمدى بىلدىرەمىن, – دەيدى.
«Blue Star.PV» كومپانياسى نارىقتا جول جاقسى, تاجىريبەگە يە. كومپانيا بۇكىل الەمگە بەلگىلى گازباللوندىق قۇرىلعىلاردى وندىرۋشىلەردىڭ سەرتيفيكاتتالعان وكىلى جانە گازباللوندىق قوندىرعىلاردى مونتاجداۋ بويىنشا ليتسەنزيالانعان ورتالىق بولىپ ەسەپتەلەدى.
فاريدا بىقاي,
«ەگەمەن قازاقستان»
پاۆلودار
