ايتا كەتەيىك, پارلامەنت ءماجىلىسىنىڭ دەپۋتاتى, وليمپيادا چەمپيونى سەرىك ساپيەۆ استانا اۋەجايى اۋماعىنداعى اۆتوتۇراق باعاسىنىڭ قىمباتتىعىنا نارازىلىق ءبىلدىرىپ, استانا اكىمىنە شاعىمدانعان ەدى.
«ەگەر كولىكتى اۋەجايدىڭ جابىق تۇراعىنا قالدىرساق, تاۋلىگىنە 2000 تەڭگە تولەيمىز, بۇل قالىپتى باعا. ال اۋەجاي اۋماعىنداعى سىرتقى اۆتوتۇراق ورنى ءۇشىن العاشقى ەكى ساعاتقا 400 تەڭگە جانە ودان كەيىنگى ساعاتتارعا 1500 تەڭگە تولەۋ قاجەت. سوندا ءبىر تاۋلىككە 33400 تەڭگە تولەيدى ەكەنبىز», - دەپ جازدى ول.
رۋستام حاليلەۆتىڭ ايتۋىنشا, الەۋمەتتىك جەلىگە تاراپ كەتكەن 30 مىڭ, 50 مىڭ تەڭگەلىك شوتتار ءوز كولىكتەرىن قىسقا مەرزىمدىك اۆتوتۇراققا ۇزاق ۋاقىتقا قالدىرىپ كەتكەن جۇرگىزۋشىلەرگە بەرىلگەن.
«اۋەجايدا رەكونسترۋكتسيالىق جۇمىستار جۇرگىزىلگەندە اۆتوتۇراققا كولىكتەر تەگىن قويىلدى جانە حالىق سوعان داندەنىپ الدى. كولىكتەرىن بىزگە تاستاپ, ءبىر اپتاعا, ءبىر ايعا كەتىپ قالىپ ءجۇردى. البەتتە, بۇل باسقا كەلۋشىلەرگە ىڭعايسىزدىق تۋدىرادى. تەگىن ەكەن دەپ, ادامداردىڭ ويعا كەلگەنىن ىستەۋى دۇرىس ەمەس. مۇندا ءتارتىپ بولىپ, بۇل پروتسەستى باسقاراتىن سايكەس قۇرىلىم قاجەت», دەدى ر.حاليلەۆ.
بىراق كومپانيا وكىلى بىلمەستىكپەن اسا قىمبات باعاعا ۇرىنعان جۇرگىزۋشىلەرگە كەشىرىم بەرگەندەرىن حابارلادى.
ء«بىز ولارمەن سويلەستىك جانە اۆتوتۇراق قۇنىن ەكى مىڭ تەڭگەلىك تاريفپەن تولەۋدى ۇسىندىق. ولار بارلىق ەرەجەمەن تانىستىم دەپ قول قويدى. شىن مانىندە ەرەجەنى كورمەي قالعان, بايقاماي قالعان جۇرگىزۋشىلەرگە تۇسىنىستىك تانىتتىق. بىراق ەندىگىدە مۇنداي بىلمەستىكتەر كەشىرىلمەيدى, بارلىق تالاپتار تۇسىنىكتى تىلدە, ۇلكەن شريفتپەن جازۋلى تۇر», دەپ اتاپ ءوتتى ر.حاليلەۆ.
اۋەجاي تاريفىنە سايكەس, اۋەجاي ماڭىنداعى قىسقا مەرزىمدى اۆتوتۇراقتا 30 مينۋت تەگىن تۇرۋعا بولادى, ءبىر ساعاتقا - 300 تەڭگە, كەلەسى ساعات ءۇشىن - 400 تەڭگە, ودان كەيىنگى ساعاتتارعا 1500 تەڭگەدەن تولەنۋى ءتيىس.
«جابىق پاركينگكە كەلەر بولساق, ونداعى تاريف وتە ىڭعايلى, تاۋلىگىنە 2 مىڭ تەڭگە عانا تولەنەدى. تاريف قىزمەت كورسەتۋگە كەتەتىن شىعىندارعا سايكەس تۇزىلگەن. بالكىم, حالىق ءبىز جازىپ قويعان ماڭىزدى اقپاراتتاردى وقىمايتىن شىعار, بار ماسەلە وسىندا بولىپ تۇر. ءتۇسىندىرۋ جۇمىستارى جۇرگىزىلگەن, جۇرگىزىلىپ كەلەدى جانە بولاشاقتا دا جۇرگىزىلە بەرەتىن بولادى. قازىر بۇل پاركينگ بوس تۇر. نەگە كولىگىن ۇزاق ۋاقىتقا تاستايتىندار كۇزەتى بار ارزان پاركينگكە كەلمەيدى؟», دەيدى AستاناLRT وكىلى.
سونىمەن بىرگە, رۋسلان حاليلەۆ اۆتوتۇراققا تولەم جاساۋعا ىڭعايلى جاعداي جاساۋ ءۇشىن ۇيالى قوسىمشا شىعارىلاتىنىن حابارلادى. قوناقتاردى ءجيى كۇتىپ الىپ, شىعارىپ سالاتىندار ءۇشىن دە ارنايى ابونەمەنت جاساۋ قاراستىرىلعان.
