«قولدانىستاعى زاڭ بويىنشا «التىن بەلگى» يەگەرلەرى ارتىقشىلىق قۇقىعىنا سايكەس گرانتتارمەن قامتىلۋى كەرەك. سول سەبەپتى رەسپۋبليكالىق كوميسسيا اتالعان ساناتتاعى ابيتۋريەنتتەرگە ۋنيۆەرسيتتەردىڭ, قر بعم مەن دەنساۋلىق ساقتاۋ مينيسترلىگىنىڭ قارجىسى ەسەبىنەن گرانت ءبولۋ تۋرالى شەشىم شىعاردى. گرانتتاندىڭ سانى 4 پروتسەنتكە, ياعني 1487-گە كوبەيدى», دەيدى گۇلزات كوبەنوۆا.
ونىڭ ايتۋىنشا, «التىن بەلگى» يەگەرلەرى گرانتسىز قالمايتىن كورىنەدى. سونىمەن بىرگە, مينيسترلىك زاڭنامانى وزگەرتۋ باعىتىندا جۇمىستاردى جالعاستىرماق.
ء«بىز كەلەسى جىلدان باستاپ گرانتتار تەك ۇبت بالىمەن, جەتىم جانە مۇمكىندىگى شەكتەۋلى بالالارعا, اۋىلدىق كۆوتا بويىنشا جانە وزگە ساناتتارعا عانا بولىنەتىندەي جۇمىستاردى جۇرگىزىپ جاتىرمىز», - دەپ اتاپ ءوتتى ول.
ءوز كەزەگىندە جوعارى وقۋ ورىندارى قاۋىمداستىعىنىڭ پرەزيدەنتى راحمان الشانوۆ بۇل ماسەلە اۋىسپالى كەزەڭگە ساي كەلىپ تۇرعانىن ءمالىم ەتتى.
«مەدال يەگەرلەرى گرانتتاردان شەت قالمايتىنداي شەشىمگە كەلدىك. ۇكىمەت وسى ماسەلەگە قۇلاق اسىپ, قوسىمشا ورىندار ءبولدى», - دەيدى راحمان الشانوۆ.
