سونىمەن قاتار 15 تامىزعا دەيىن جۇمىس ىستەيتىن «Made in Belarus» اتتى كورمە اشىلدى. قازاقستان جانە بەلارۋس ۇكىمەتتەرىنىڭ باسشىلارى باقىتجان ساعىنتاەۆ پەن اندرەي كوبياكوۆ ماشينا جاساۋ, مۇناي حيمياسى, كولىك, اۋىل شارۋاشىلىعى, جەڭىل ونەركاسىپ, مەديتسينا, فارماتسەۆتيكا جانە ازىق-ت ۇلىك ونىمدەرى مەن قۇرىلىس ماتەريالدارى ۇسىنىلعان شارانى بىرگە ارالادى.
بيزنەس-فورۋمدا باقىتجان ساعىنتاەۆ ءسوز سويلەپ, بۇل باسقوسۋ مەملەكەتتەر اراسىنداعى ۇلكەن ىسكەرلىك بايلانىس ورناتۋعا دەگەن قىزىعۋشىلىقتى بىلدىرەتىنىن جەتكىزدى. «ماعان فورۋمعا بەلارۋستىك 70 كومپانيا, بىزدەن 200-گە جۋىق كومپانيا قاتىسىپ جاتقاندىعى تۋرالى ايتىلدى. بۇل قوس ەل اراسىنداعى ۇلكەن ىسكەرلىك بايلانىس ورناتۋعا دەگەن قىزىعۋشىلىقتى بىلدىرەدى. وسى كەزدەسۋىمىز دە ەكى جاقتى بايلانىستى ءارى ءوزارا ىسكەرلىك-ارىپتەستىكتى نىعايتۋعا باعىتتالعان. اسىرەسە, قوس تاراپتىڭ شاعىن جانە ورتا بيزنەس وكىلدەرىنىڭ بەلسەندىلىگى قۋانتادى. وعان كورمەنى ارالاعان كەزدە كوزىمىز جەتتى», دەدى قازاقستان پرەمەر-ءمينيسترى.
باقىتجان ساعىنتاەۆ ەلىمىزدە بەلارۋس كاسىپكەرلەرىمەن بىرلەسكەن 250 كاسىپورىن جۇمىس ىستەپ جاتقاندىعىن العا تارتتى. «Made in Belarus» اتتى كورمە ەلدەرىمىزدىڭ اراسىنداعى ءوزارا ءتيىمدى بايلانىستى دامىتۋعا سەرپىن بەرەدى ءارى جاڭا جوبالاردىڭ پايدا بولۋىنا ىقپال ەتەدى. ءبىز مۇنى تەك قولدايمىز. وسىنداعى بەلارۋس تەحنيكاسىن كورىپ, ونىڭ جوعارى ساپادا جاسالعانىن اتاپ وتكىم كەلەدى», دەدى ۇكىمەت باسشىسى.
بەلارۋس رەسپۋبليكاسىنىڭ پرەمەر-ءمينيسترى اندرەي كوبياكوۆ ەكى ەل اراسىنداعى دوستىق قارىم-قاتىناستى جوعارى باعالادى. باسقوسۋدا بەلارۋستىڭ جوعارى لاۋازىمدى مەملەكەتتىك قىزمەتكەرلەرى مەن كاسىپكەرلەرىنە قازاقستاننىڭ ەكونوميكالىق جەتىستىكتەرى مەن ينۆەستيتسيالىق الەۋەتى تانىستىرىلىپ, ەكىجاقتى قارىم-قاتىناستىڭ ءتيىمدى دە كەلەشەگى زور باعىتتارى انىقتالدى.
اسحات رايقۇل,
«ەگەمەن قازاقستان»
