Cۋرەت Sputniknews.kz cايتىنان الىندى
ۆيتسە-ءمينيستردىڭ ايتۋىنشا, سوڭعى بەس جىل ىشىندە العاش رەت جوعارى جانە جوعارى وقۋ ورنىنان كەيىنگى ءبىلىمى بار كادرلاردى دايارلۋعا ارنالعان مەملەكەتتىك ءبىلىم بەرۋ تاپسىرىسىنىڭ كولەمى وسكەن. مىسالى, باكالاۆريات گرانتى بىلتىرمەن سالىستىرعاندا 6230 ورىنعا كوبەيىپتى. وسىلايشا, 2017-2018 وقۋ جىلىنا ءبىلىم گرانتتارىنىڭ سانى 37 932 گرانتقا ۇلعايعان. ونىڭ ىشىندە 35 082 گرانت – ءى كۋرسقا قابىلداۋ ءۇشىن, 2850 ورىن – جوعارى وقۋ ورىندارىنىڭ دايىندىق بولىمدەرىنە بولىنگەن.
ب.اسىلوۆا مەملەكەتتىك ءبىلىم بەرۋ تاپسىرىسى بەرىلگەن جوعارى وقۋ ورىندارىنىڭ ءتىزىمى دە كەڭەيتىلگەنىن اتاپ ءوتتى.
جالپى, ءبىلىم گرانتىن تاعايىنداۋ كونكۋرسىنا 63 169 ادام قاتىسقان. ونىڭ ىشىندە 49858 جاس – قازاق تىلىندەگى وقۋ بولىمىنە, 13 ء311ى – ورىس تىلىندەگى وقۋعا تاپسىرعان. «ماڭگىلىك ەل جاستارى – يندۋسترياعا!» جوباسى شەڭبەرىندە دە ارنايى كۆوتا بار. وسى كۆوتى يەلەنۋ ءۇشىن 9 148 ادام ءوزارا باسەكەگە تۇسكەن.
ءبىلىم گرانتتارىنىڭ ءتىزىمى 14 تامىز كۇنى «ەگەمەن قازاقستان» جانە «كازاحستانسكايا پراۆدا» گازەتتەرىندە جاريالاناتىن بولادى. سونداي-اق, گرانت يەگەرلەرىنىڭ ءتىزىمى ءبىلىم جانە عىلىم مينيسترلىگى مەن ۇلتتىق تەستىلەۋ ورتالىعىنىڭ رەسمي سايتتارىندا ورنالاستىرىلادى.
قىمبات توقتامۇرات
«ەگەمەن قازاقستان»
