كولىك قىزمەتكەرلەرى كۇنىنە ارنالعان سالتاناتتى شارا كەزىندە كاسىپوداقتىڭ مەرەيتويلىق بەلگىسىنە كاسىپشىلەر وداعى ۇيىمىنىڭ توراعاسىنىڭ بۇرىڭعى ورىنباسارى امانكەلدى بايجۇمانوۆ, «قتج» ۇك» اق ماگيسترالدىك جەلى ديرەكتسياسىنىڭ كاسىپوداق توراعاسى بالجان بوتاتاەۆا, «جولاۋشىلار تاسىمالى» اق ايماقتىق «سولتۇستىك» فيليالىنىڭ جولسەرىگى كەنجەبولات مۇقانوۆ يە بولدى.
الۋان ءتۇرلى ماراپاتتار كاسىپوداق ۇزدىكتەرىنە جىل سوڭىنا دەيىن بەرىلەدى. قازىرگى تاڭدا كاسىپوداق 120 مىڭنان استام تەمىرجول, اۆتوموبيل, اۋە جانە سۋ كولىگىنىڭ قىزمەتكەرلەرىن بىرىكتىرىپ وتىر.
«سالا مەن كاسىپوداق باسشىلىعىنىڭ بىرىگىپ نىعايۋى ارقاسىندا, كولىك كەشەنىندە ەڭبەككە دەگەن قابىلەتتىلىك ساقتالىنىپ, سونىمەن قاتار الەۋمەتتىك تۇراقتىلىقپەن قامتاماسىز ەتىلدى», - دەدى «قازكولىككاسىپ» توراعاسى و.احمەتباەۆ.
ايتا كەتەتىن جايت, بيىلعى جىلدىڭ ءبىرىنشى جارتى جىلدىعىندا ۇجىمدىق شارتتا ەسكەرىلگەن بارلىق كەپىلدىكتەر مەن تولەمدەر ساقتالدى. قازىر 2018-2020 جىلدارىنا ارنالعان الەۋمەتتىك-ەكونوميكالىق ماسەلەلەردى قاراستىراتىن سالالىق كەلىسىمشارت پەن ۇجىمدىق شارتتى دايىنداۋ جۇمىستارى جۇرگىزىلىپ جاتىر.
