مەملەكەتتىك مەرەكە اياسىنداعى مەرەيلى شارا

كەشە مەملەكەت حات­شىسى قانات ساۋداباەۆ پەن استانا قالاسىنىڭ اكىمى يمانعالي تاس­ما­عامبەتوۆ قازاقستان رەس­پۋبليكاسى تاۋەلسىز­دى­گىنىڭ 20 جىلدىعى قارساڭىندا ەلوردا­مىز­دا ءوتىپ جاتقان قا­راعاندى جانە سول­تۇس­تىك قازاقستان وبلىس­تا­رىنىڭ اۋىل شارۋا­شى­لىعى تاۋارلارى ءجار­مە­ڭكەسىن جانە ماڭعىستاۋ وبلىسى كۇندەرى اياسىندا ۇي­ىمداستىرىلعان ءوڭىردىڭ الەۋمەتتىك-ەكونوميكالىق جەتىستىكتەرى كورمەسىن ارالاپ كوردى. مەملەكەتتىك حاتشى الدى­مەن استانا قالاسى اكىمدىگى ال­دىنداعى ورتالىق الاڭدا قو­نىس تەپكەن قاراعاندى وبلى­سى­نىڭ جارمەڭكەسىنە اتباسىن تىرەدى. قاراعاندى وبلىسى استانا قالاسىندا وسى كۇندەرى ءوتىپ جاتقان وبلىس مادەنيەتى كۇن­دەرىنىڭ شەڭبەرىندە شى­عار­ماشىلىق ۇجىمدارىنىڭ ەڭ كوپ سانىن الىپ كەلگەن ايماق رەتىندە ەرەكشەلەندى. قارا­عان­دى وبلىسىنىڭ اكىمى سەرىك احمەتوۆ اتاپ كورسەتكەندەي, ور­تا­لىق الاڭدا ءوڭىردىڭ اۋىل­شارۋاشىلىق تاۋارلارىن ءون­دى­رۋشىلەرى جۇزگە تارتا ساۋدا ورنىن قۇردى. ارينە, ەشبىر جارمەڭكە مادەني باعدارلا­ما­سىز وتپەيتىنى بەلگىلى. قارا­عان­دى وبلىسىنان وسى مادەني شارا اياسىندا 500-دەن استام كا­سى­بي ونەر شەبەرلەرى كەلىپ, استا­نا­لىقتار مەن قالا قوناق­تا­رىن ءان اۋەزىمەن سۋسىنداتتى. ودان كەيىن قانات ساۋداباەۆ پەن يمانعالي تاسماعام­بەتوۆ «دۋمان» ويىن-ساۋىق ور­تالىعىنىڭ قاسىنداعى الاڭدا ورنالاسقان سولتۇستىك قازاق­ستان وبلىسىنىڭ جارمەڭكەسىن ارالادى. وبلىس اكىمى سەرىك ءبىلالوۆ مەملەكەتتىك حاتشى مەن استانا قالاسىنىڭ اكىمىنە ءوڭىردىڭ الەۋمەتتىك-ەكونومي­كا­لىق دامۋ جەتىستىكتەرى تۋرالى بايانداپ, قىزىلجار جەرىنەن جەتكەن جارمەڭكەدەگى اۋىل­شا­رۋاشىلىق ەڭبەككەرلەرىنىڭ ءونىم­دەرىمەن تانىستىردى. مەملەكەتتىك حاتشى قانات ساۋداباەۆ ەلوردادا وڭىرلەردىڭ مادەني كۇندەرى اياسىنداعى ءوتىپ جاتقان جارمەڭكە مەن مادەني-رۋحاني شارالاردىڭ الەۋمەتتىك ماڭىزدىلىعىن ەرەكشە اتاپ كورسەتتى. جىلقىباي جاعىپار ۇلى.