بىرەر اپتا بۇرىن وتار 40-شى اسكەري بازاسىندا «ارمي-2017» حالىقارالىق اسكەري ويىنداردىڭ اشىلۋ سالتاناتى بولىپ وتكەن ەدى. قازاقستان اۋماعىندا مۇنداي جوعارى دەڭگەيدەگى ارميا ويىندارى ەكىنشى رەت وتكىزىلىپ وتىر. ون كۇنگە جۋىق سوزىلاتىن سايىستا بيىل 18 مەملەكەتتەن قۇرالعان كوماندالار, ياعني 400-گە جۋىق اسكەري قىزمەتكەر وزارا سىنعا تۇسەدى.
اپتانىڭ سوڭعى كۇنىندە ءار كوماندانىڭ باسشىلارى ەلوردا تورىندەگى جاھاندىق كورمەگە ارنايى قوناق رەتىندە شاقىرىلدى. ولار ەڭ الدىمەن "نۇر الەم" پاۆيلونىن ارالادى. سەگىز قاباتتى عيماراتتان شىققاننان كەيىن تاڭدانىستارىن جاسىرا المادى. قىتاي ەلىنىڭ وكىلى ۆان تيە فەن وزىن بەينە ءبىر وزگە الەمگە نەمەسە بولاشاققا ەنىپ كەتكەندەي كۇيدە قالعانىن, وتكەن تاريحقا دا ءبىر ساياحاتتاپ قايتقانىن ايتتى. سونداي-اق,ء ار قاباتتىڭ وزىندىك سىرلارى بارىن, سولار ارقىلى وسكەلەڭ ۇرپاقتىڭ قانداي زاماندا كۇن كەشەتىندىگىن بىلۋگە بولاتىنىن مالىمدەدى.
ايتا كەتەيىك, 1-9 تامىز كۇندەرى ارمي-2017 ويىنى بارىسىندا "ارتيللەريالىق اتىس شەبەرى", "مەرگەندىك شەبى" جانە "ۇشقىشسىز ۇشۋ اپپاراتتارى ەسەپتوپتارىنىڭ جارىسى" بايقاۋلارى وتكەن بولاتىن. ال سالتاناتتى اشىلۋ ءراسىمى كەزىندە دەسانتشىلار روتاسىنىڭ قارۋمەن قول جەكپە-جەگى, بۇدان بولەك قازاقستان اسكەري ۇشاقتارى مەن تىكۇشاقتارى پيلوتاجدىق توبىنىڭ اۋە شوۋى سىندى وزگە دە اسكەري قويىلىمدار كورسەتىلگەن بولاتىن.
ەستەرىڭىزگە سالا كەتەيىك, ەكسپو ۇلتتىق كومپانياسىنىڭ شاراعا 2 ملن قوناق كەلەتىنىن, ونىڭ 15 پايىزى شەتەلدىك بولاتىنىن حابارلاعان بولاتىن.
ايان ءابدۋالي,
"ەگەمەن قازاقستان"
