كەڭەس بارىسىندا ەكونوميكانىڭ بازالىق سالالارىن تسيفرلاندىرۋ, ءىت-يندۋستريانى دامىتۋ ماسەلەلەرى تالقىلاندى, سونداي-اق, استانادا Astana Hub تەحنوپاركىن قۇرۋ جوباسى قارالدى.
«تسيفرلىق قازاقستان» مەملەكەتتىك باعدارلاماسىنىڭ جوباسى قازاقستان ەكونوميكاسىنىڭ باسەكەگە قابىلەتتىلىگى مەن تسيفرلىق جۇيەنى ۇدەمەلى دامىتۋ ارقىلى حالىقتىڭ ءومىر ءسۇرۋ ساپاسىن ارتتىرۋدى كوزدەيدى.
جوبانى ىسكە اسىرۋ ناتيجەسىندە قازاقستاننىڭ ءجىو-نە اكت سەكتورىنىڭ ۇلەسى 2020 جىلعا قاراي 4,85%-عا جەتەدى دەپ كۇتىلۋدە; اكت سالاسىنداعى ەڭبەك ونىمدىلىگى 31%-عا ارتىپ, حالىقتىڭ تسيفرلىق ساۋاتتىلىعى 80%-دى قۇراپ, ينتەرنەت قولدانۋشىلار ۇلەسى 78%-عا دەيىن ۇلعايتىلىپ, ەلەكتروندى تۇردە ۇسىنىلعان مەملەكەتتىك قىزمەتتەردىڭ سانى قاعاز جانە ەلەكتروندى تۇردە الىنعان جالپى قىزمەتتەر سانى تۇرعىسىنان 80%-عا دەيىن ۇلعايتىلادى دەپ كۇتىلۋدە.
