بۇگىن استانادا «ەكسپو-2017» حالىقارالىق كورمەسى اياسىندا الەمدىك فۋتبول جۇلدىزدارىنىڭ قاتىسۋىمەن «EXPO 2017 Football Cup» ءتۋرنيرى باستالعان بولاتىن.
العاشقى ماتچتى قازاقستان مەن گەرمانيا قۇرامالارى باستاپ, «استانا ارەنا» ستاديونىنىڭ جانكۇيەرلەرىن كەرەمەت كوڭىل كۇيگە بولەدى. 20 مينۋتتىق ەكى تايمنان تۇراتىن ماتچتىڭ ءبىرىنشى تايمىندا قازاقستاندىقتار 3:2 ەسەبىمەن قارسىلاستارىنان باسىم تۇسكەن ەدى.
ەلەڭدەگەن جۇرت ەكىنشى تايمىمدى اسىعا كۇتتى. 5-اق مينۋتتىق ءۇزىلىس جاساعان فۋتبوشىلار تارتىستى باسەكەنى ارى قاراي جالعادى. مىنە, عاجاپ! قازاقستاندىق ارداگەر فۋتبولشىلار جانكۇيەرلەر جانىن كىرگىزىپ, دەلەبەسىن قوزدىردى. تايمنىڭ ءبىرىنشى مينۋتىندا-اق اندرەي فينونچەنكونىڭ سوققان دوبى نەمىس قاقپاسىنىڭ تورىندا تۋلاپ جاتتى.
ارى قاراي سول ارىن, سول ەكپىن ۇدەي تۇسپەسە ەش السىرەگەن جوق. سوڭعى ەسەپ 8:6! قازاقستان قۇراماسى جەڭىسكە جەتتى!
تۋرنيرگە قازاقستان, رەسەي, يتاليا, گەرمانيا, پورتۋگاليا قۇراما كوماندالارى مەن الەم قۇراماسى قاتىسۋدا.
