كەزدەسۋ بارىسى ەلباسىنىڭ «بولاشاققا باعدار: رۋحاني جاڭعىرۋ» ماقالاسىن تالقىلاۋعا ارنالدى.
-ماقالا رۋحاني-ەتيكالىق قاعيداتتارعا باعىتتالا وتىرىپ, ەكونوميكانىڭ دا ماڭىزدى ماسەلەلەرىن دە قوزعايدى. سوندىقتان, «اق جول» پارتياسى ەلىمىزدىڭ وركەندى الەۋەتتى ەكونوميكالىق دامۋ جولىن جانە ۇلتتىڭ رۋحاني جاڭعىرۋىنىڭ ماڭىزدى نەگىزدەرىن قولدايدى, – دەپ اتاپ ءوتتى مەرۋەرت قازبەكوۆا.
-ال, بيزنەس حالىقتىڭ مۇقتاج ماسەلەلەرىنە جاقىن بولۋى كەرەك. سوندىقتان, جۇمىسپەن قامتۋ باعدارلامالارىنىڭ شاعىن جانە ورتا بيزنەسكە ناقتى تۇردە قاتىسى بار. ياعني, شاعىن جانە ورتا بيزنەس سالاسىنا قاتىستى سالىق ساياساتىنداعى قولدانىستاعى تاسىلدەردى قايتا قاراۋ قاجەت. سونىڭ ءبىرى- جاڭادان قۇرىلاتىن بيزنەستى سالىقتان بوساتۋ ماسەلەسى» - دەيدى دەپۋتات. ەكىنشىدەن, «اق جول» پارياسى شاعىن جانە ورتا بيزنەستى دامىتۋدىڭ بىرىڭعاي تۇجىرىمداماسىن قابىلداۋ قاجەت دەپ ەسەپتەيتىنىن دە اتاپ ءوتتى.
سونداي-اق, ەلىمىزدەگى ايەلدەر بيزنەسى سالاسى دا ايتارلىقتاي تابىستارعا قول جەتكىزۋدە. ىسكەر ايەلدەر دەگەن جاڭاشا اتاۋ پايدا بولدى. ولار ءوز كاسىپورىندارىن دامىتىپ, ىسكەرلىكتەرىن كورسەتۋدە. اۋىلدا دا ايەلدەر بيزنەسى قولعا الىنا باستادى. ەل دامۋىنداعى ايەلدەردىڭ ۇلەسى, ايەلدەر كاسىپكەرلىگىن قولداۋ, بيزنەستەگى ايەلدەردىڭ ەكونوميكالىق بەلسەندىلىگىن ارتتىرۋ-اسا ماڭىزدى. وڭىردەگى ىسكەر ايەلدەر كەڭەسىندە بيزنەستىڭ ءارتۇرلى سالالارىندا قىزمەت ەتەتىن 20 كاسىپكەر ايەل بار. وڭىرلىك ىسكەر ايەلدەر كەڭەسىنىڭ مالىمەتىنشە, وبلىستا بيزنەسپەن اينالىساتىن ايەلدەر سانى 25 مىڭنان اسقان.
سونىمەن بىرگە, مەرۋەرت قازبەكوۆا كاسىپكەرلەرمەن كەزدەسۋىندە ەلىمىزدىڭ پارلامەنت ءماجىلىسىنىڭ اتقاراتىن جالپى جۇمىسى تۋرالى, «اق جول» قدپ-نىڭ پارلامەنتتىك فراكتسياسىنىڭ قىزمەتى جايلى حاباردار ەتتى.
ءماجىلىستىڭ 6-شى شاقىرىلىمىنداعى 2-ءشى سەسسياسىندا «اق جولدىقتار» تاراپىنان زاڭ جوبالارىن تالقىلاۋ كەزىندە 700 ۇسىنىس تۇسسە, ءار سالا بويىنشا 63 سۇرانىم جىبەرىلىپتى. پارلامەنت ءماجىلىسىنىڭ وتىرىستارىندا
مەرۋەرت قازبەكوۆانىڭ ايتۋىنشا «اق جولدىقتار» وسى جايلار بويىنشا ءجيى ماسەلە كوتەرگەن. سولاردىڭ ءبىرى-ەلىمىزدەگى بالالار ەمحاناسىن قايتادان قالپىنا كەلتىرۋ, پەدياتر ماماندارىن دايارلاۋ سياقتى وزەكتى جايلار بار.
-ەلباسى ماقالاسى بارىمىزگە وي سالدى. سوعان ساي قورىتىندىلار جاسادىق. رۋحاني جاڭعىرۋ – بۇل تەك قانا وي-تولعانۋ ەمەس, ماقالادا ءىس جۇزىندە ىسكە اسىرىلاتىن مىندەتتەر ايتىلعانى بەلگىلى. ويتكەنى, ءبىز قۇندىلىقتارىمىزعا نەگىزدەلگەن ەكونوميكا جاساۋ جولىندا بىرلەسە ەڭبەك ەتىپ, قىزمەت جاساۋدامىز, – دەدى دەپۋتات م. قازبەكوۆا
كەزدەسۋگە جينالعان كاسىپكەرلەر دەپۋتاتقا وزدەرىنىڭ ءوتىنىش-تىلەكتەرىن ايتتى. سوندىقتان, م. قازبەكوۆا ايتىلعان بارلىق ماسەلەلەر, وتىنىشتەر قارالىپ, «اق جول» پارتياسى دەپۋتاتتارىنىڭ الداعى جۇمىس بارىسىندا جالعاسىن تاباتىنىن جەتكىزدى.
«جالپى كەزدەسۋدىڭ ماقساتى – دەپۋتاتتىڭ سايلاۋشىلار الدىندا ەسەپ بەرۋى. ەكىنشىدەن,الداعى جاڭا سەسسيادا قىزمەت جاساۋ ءۇشىن سىزدەردەن تۇسكەن جاڭا تاپسىرمالار, تىلەكتەرى ورىنداۋ, بۇل ۇلكەن جاۋاپكەرشىلىك,– دەپ اتاپ ءوتتى دەپۋتات.
فاريدا بىقاي
«ەگەمەن قازاقستان»
پاۆلودا
