ءىس-شاراعا اۋدان اكىمىنىڭ ورىنباسارى التىن ەشانقۇلوۆا, اۋداندىق سپورت ءبولىمىنىڭ باسشىسى جاندارباەك تاتتەۆ, اۋداندىق №1 سپورت مەكتەبىنىڭ ديرەكتورى باقىتجان جاڭبىرباەۆ قاتىستى.
"كاسىبي بوكستان دۇنيەجۇزىلىك بوكس سەرياسىندا "استانا ارلاندارى" قۇرامىندا ونەر كورسەتىپ, قيىن كەزەڭدە شارشى الاڭعا شىعىپ ەلىمىزدىڭ نامىسىن قورعاپ قالعان, قازاقستاننىڭ ءانۇرانىن ويناتىپ, كوك تۋىن جەلبىرەۋىنە تىكەلەي اسەر ەتكەن ولجاس باينيازوۆ ماقتارال اۋداندىق №1 سپورت مەكتەبىنىڭ تۇلەگى. 5:5 ەسەبىندە ءبىرىنشى ورىنعا تالاسىپ تۇرعان قازاقستاندىق Astana arlans پەن كۋبالىق Cuba Domadoers كوماندالارىنىڭ تاعدىرىن شەشكەن بوكسشى قارسىلاسى فرەنكا زالديۆارعا بەسىنشى بۇرىشتى كورسەتىپ جىبەرگەنى بوكس جانكۇيەرلەرىنىڭ جادىندا ۇزاق ساقتالسا كەرەك" - دەيدى اۋداندىق №1 سپورت مەكتەبىنىڭ ديرەكتورى باقىتجان جاڭبىرباەۆ.
استانا قالاسىندا حالىقارالىق "ەكسپو - 2017" كورمەسى اياسىندا بەلبەۋ كۇرەستەن وتكەن الەم چەمپيوناتىندا 82 كگ سالماق بويىنشا جۇلدەلى ءىى ورىندى يەلەنگەن ءبىرجان شايمەردەن جانە +100 كگ سالماق بويىنشا ءىىى ورىندى يەلەنگەن ىلياسقاجى يسلامبەكتەر دە ەلىمىزدىڭ ابىرويىن اسقاقتاتىپ قازاقستاندىقتاردىڭ قوشەمەتىنە بولەندى.
مىنە, وسى سپورتشىلاردىڭ مەرەيىن اسقاقتاتۋ ماقساتىندا ىزگى تىلەگىن ارناعان اۋدان اكىمى ع.يسمايلوۆ: "الداعى ۋاقىتتا دا قازاقستاننىڭ اتىن بۇكىل الەمگە پاش ەتىپ جۇرە بەرۋلەرىڭىزگە كامىل سەنەمىن. سىزدەرگە زور دەنساۋلىق, ۇزاق ءومىر, وتباسىلارىڭىزعا اماندىق, باق-بەرەكە تىلەيمىن" - دەدى. سونداي-اق, اۋدان اكىمى سپورتشىلار مەن ولاردىڭ جاتتىقتىرۋشىلارىن ارنايى العىس حاتتارمەن ماراپاتتاپ, باعالى سىيلىقتاردى تابىستادى.
ايتا كەتەيىك, بۇگىنگى تاڭدا ماقتارال اۋدانىنداعى 3 سپورت مەكتەبى 2,5 مىڭنان اسا سپورتشىلاردى دايىنداپ جاتىر.
