ستارتاپ ەكى جىل ىشىندە جاھاندىق جوسپارلارى بار فيرماعا اينالدى

ول 2016 جىلى ستارتاپتاردىڭ ۇلتتىق سايىسىن جەڭىپ الىپ, ۇستىمىزدەگى جىلدىڭ ءساۋىر ايىندا لوزاننادا وتكەن Seedstars World بايگەسىنە قاتىسۋعا مۇمكىندىك الدى. اتالمىش دوداعا الەمنىڭ 65 ەلىنىڭ ۇزدىك جوبالارى قاتىسقان بولاتىن. Smart Satu-دىڭ نەگىزىن سالۋشى بولاتبەك وسپانوۆ Forbes Kazakhstan سايتىنا بەرگەن سۇحباتىندا از ۋاقىت ارالىعىندا جوبانى ىسكە قوسىپ, وزگە ەلدەردى قالاي قىزىقتىرۋ كەرەكتىگىن ايتىپ بەردى.

بيزنەس-پەرىشتە

ەگەر Smart Satu جوباسىنىڭ نەگىزىن سالۋشىعا تاۋار جەتكىزۋمەن اينالىساتىن ديستريبيۋتەرلىك كومپانيادا جۇمىس ىستەۋ ءساتى بۇيىرماسا, بۇل جوبا ىسكە اسپاس ەدى.

- جۇمىس بارىسىندا مەن ارىپتەسىمە ساتۋ اگەنتتەرىنىڭ كومەگىنە جۇگىنبەي, ارنايى سايت اشۋدى ۇسىندىم. ول سايتقا تۇتىنۋشىلاردان تاپسىرىس كەلىپ ءتۇسىپ, بىزدەر سوعان قاراپ كەرەك-جاراقتاردى دۇكەندەرگە جەتكىزىپ وتىرار ەدىك. ارىپتەسىم ۇسىنىسىمدى قابىلداماي, ۇيرەنگەن ءادىس بويىنشا جۇمىسىمىزدى جالعاستىردىق. كەيىنىرەك كومپانيادان كەتىپ, بوس ۋاقىت پايدا بولعان سوڭ يدەيام ەسىمە ءتۇسىپ, ونى جۇزەگە اسىرۋمەن اينالىسا باستادىم, - دەيدى بولاتبەك.

300 مىڭ دوللار كولەمىندەگى تۇڭعىش ينۆەستيتسيانى پەرىشتە-ينۆەستور جاساعان بولاتىن.

- قاعاز جۇزىندە عانا تۇرعان جوباعا قاراجات تابۋ وتە قيىن. مەن 60 شاقتى ينۆەستورمەن كەزدەسىپ, كەلىسىم بەرمەگەن 59-ىنا العىسىمدى بىلدىرەمىن. ولاي بولماسا, بىزدەر جوبامىزعا جانى اشيتىن ناعىز سەرىكتەسىمىزدى, ءوز ينۆەستورىمىزدى كەزدەستىرمەيتىن ەدىك. ءبىزدىڭ جوباعا قاراجات سالعاننان كەيىن ول كىسى ءوز ويىندا اقشاسىمەن قوشتاسقان دا بولۋ كەرەك. بىراق ول قوماقتى سوماسىن قايتارۋدى ەمەس, جوبانىڭ ءساتتى شىعۋىنا جان سالعان ەدى, - دەپ ەسىنە الىپ وتىر بولاتبەك.

ستارتاپپەن اينالىسقان جاستار تەحنولوگيالىق دامۋ جونىندەگى ۇلتتىق اگەنتتىكتىڭ كومەگىنەن ساناۋلى تۇردە باس تارتتى. ءبىر جىل بۇرىن جوبامەن رەسەيلىك ءىرى بانك قىزىققان بولاتىن. بارلىق راسىمدەر مارەسىنە تاياعان كەزدە, كۇتپەگەن جەردەن قازاقستاندىق كاسىپكەر جانە قوعام قايراتكەرى مارعۇلان سەيسەمباەۆ باسەكەلەستەردىڭ الدىن وراپ, جوباعا 3,3 ميلليون دوللار ينۆەستيتسيا قۇيادى.

بولاتبەكتىڭ ايتۋىنشا, ول كەزدە تەك ءىرى سۋپەرماركەتتەردە عانا تاپسىرىس بەرۋ پروتسەسى اۆتوماتتاندىرىلعان بولاتىن. ال شاعىن دۇكەندەرگە ساتۋشى اگەنتتەر اپتاسىنا ەكى رەت كەلىپ, قاجەتتى تاۋارلاردى اكەلىپ تۇردى. ء«بىز ءدال وسى سەكتورعا اۆتوماتتاندىرىلعان جۇيەنىڭ قاجەت ەكەنىن ءتۇسىنىپ, ءوزىمىز اينالىسۋعا شەشىم قابىلدادىق», - دەدى بولاتبەك.

- توبىمىز «اقىلدى ساتىلىم» جۇيەسى ارقىلى ءونىم بەرۋشىلەردىڭ شىعىنىن 3-5 پايىزعا كەمىتە الساق, تۇتىنۋشىلار كۇندەلىكتى تاۋاردى ادەتتەگى باعادان ارزان الادى دەگەن ۇمىتتەمىز, - دەيدى جوبانىڭ نەگىزىن سالۋشى.

ول باستاپقى كەزەڭدەگى قيىندىقتارى تۋرالى قىسىلماي بايانداپ بەردى. ادام بالاسى جاڭا نارسەگە ءاردايىم سەنىمسىزدىكپەن قارايتىندىقتان, تالاي قىزىق وقيعالارعا كەزىككەن. بىراق بولاتبەك تۇڭعىش تۇتىنۋشىسىن ءالى كۇنگە دەيىن جىلى سەزىممەن ەسىنە الادى. كەسپە جانە جارما ساتۋمەن اينالىساتىن ادام Smart Satu تاۋارلارىن تاسىمالداۋ ءۇشىن ەكى كولىك ساتىپ العان ەكەن. ءسويتىپ ستارتاپتىڭ العاشقى تۇتىنۋشىسى بولادى.

- ءبىر ۇلكەن كومپانيانىڭ باسشىسى الەم اۆتوماتتانۋ جۇيەسىنە كەلە جاتقانىن سەزىنىپ, الەمدىك ترەندتەن قالعىسى كەلمەدى. ءسويتىپ, ولار جوبامىزعا قاراجات قۇيدى. ۋاقىت وتە كەلە وزگە دە كومپانيالار قىزىعۋشىلىق تانىتا باستادى.

ديستريبۋتسيا نارىعىنىڭ جۇمىسى الەم بويىنشا بىردەي دەسە بولادى. جانە Smart Satu – بۇل ۆ2ۆ-ماركەتپلەيس. جانە بۇل جۇيە بويىنشا قازاقستان دا, الەم دە بۇرىننان جۇمىس ىستەپ كەلەدى.

شاعىن ساۋدا ورىندارىنا ارنالعان بيزنەس

بولاتبەكتىڭ ءسوزى بويىنشا, ونىڭ ونەرتابىسىنىڭ وزگەشەلىگى بيزنەس-مودەلىندە. تاۋار جەتكىزۋشى ۇسىناتىن تاۋارلار ءتىزىمى مەن قۇنىن جۇيەنىڭ ىشىندە كورسەتىپ, تاپسىرىس قابىلدايدى, كەيىن ونىڭ جەتكىزىلۋىن قامتاماسىز ەتەدى. ال دۇكەن يەلەرى مەن تاۋارمەن اينالىساتىندار قاجەتتى ءونىمدى تاۋىپ, تاپسىرىس بەرۋگە مۇمكىندىك الادى. جوبانى قولداناتىندارعا Smart Satu جۇيەسى ورناتىلعان تەگىن پلانشەت بەرىلەدى.

قوسىمشاعا تەگىن ينتەرنەت-ترافيكتى «كسەلل» قامتاماسىز ەتۋدە.

قازىرگى تاڭدا الماتى بويىنشا 1000-نان استام ساۋدا ورىندارى وسى جۇيەگە قوسىلعان.

- ءبىز Qazkom بانكىمەن بىرىگۋ جوباسىن ىسكە اسىرىپ جاتىرمىز. الداعى ۋاقىتتا بارلىق ساۋدا ورىندارى, قوناق ۇيلەرى مەن مەيرامحانالار بانك پلاتفورماسى ارقىلى تولەم جاساي الاتىن بولادى.

جاڭا مۇمكىندىكتەر

الەۋمەتتىك جەلىدە جارىق كورگەن سۇقباتىمنان كەيىن Smart Satu تاجىريبەسىن ءوز ەلدەردىڭ نارىعىندا دامىتۋعا ارمەنيا, گرۋزيا جانە يندونەزيا كاسىپكەرلەرى قىزىعۋشىلىق ءبىلدىردى. بۇگىن جوبا رەسەيدە كەڭىنەن قولدانىس تابۋدا. سونىمەن قاتار, سەرىكتەستەر بولگاريا, ساۋد ارابياسى, قىرعىزستان. بەلورۋس ەلدەرىندە جوبانى دامىتۋدا.

Smart Satu مودەلىن كەڭەيتۋ بويىنشا دا ۇلكەن جۇمىستار اتقارىلۋدا. جوبا تاماقتانۋ سالاسىنان باسقا بيۋتي-بيزنەستى دە قولعا الۋدا. Smart Satu-عا مىڭنان استام سۇلۋلىق جانە سپا-سالوندارى تىركەلگەن.

جوبانىڭ نەگىزىن سالۋشى لوگيستيكانى وڭتايلاندىرۋعا كوپ كوڭىل بولۋدە. قازاقستاننىڭ «اقىلدى ساتىلىمدارى» Uber ءادىسى بويىنشا جۇمىس ىستەۋ كەرەك دەيدى. ءار قالاعان ادام جاڭا كولىك ساتىپ الىپ, Smart Satu قوسىمشاسىن ورناتىپ, ىڭعايلى مارشرۋت بويىنشا تاپسىرىستاردى ورىنداۋ كەرەك. Seedstars World سايىسى كەزىندە جوبانىڭ جەتەكشىلەرى Nestle مەن Pepsiسo كومپانيالارىنىڭ وكىلدەرىمەن كەزدەسكەن بولاتىن. سول ارقىلا Smart Satu جاھاندىق نارىققا شىعۋعا ىنتالى ەكەندىكتەرىن كورسەتتى.

مارعۇلان سەيسەمباەۆتىڭ قۇيعان ينۆەستيتسياسىنىڭ ارقاسىندا جوبانىڭ جەتەكشىلەرى الماتىداعى جۇمىستى كۇشەيتىپ, ماسكەۋدە كەڭسە اشىپ قويدى. سونىمەن قاتار, بەلورۋسيادا Smart Satu Lab جوبالاۋ كەڭسەسىن ىسكە قوستى.

- ەكى جىل ىشىندە Smart Satu ارقىلى كوپتەگەن تاپسىرىستار جاسالدى.سوندىقتان جۇيەدە ديستريبيۋتەرلەر مەن ءونىم شىعارۋشىلارعا ارنالعان قۇندى اقپارات جيناقتالدى. مىسالى, ءسۇت ونىمدەرىن شىعاراتىن كومپانيا نارىقتاعى جاعدايىن زەرتتەي الادى.

جوبانى شىعارۋشىلاردىڭ تاعى ءبىر ماقساتى - ءونىم شىعارۋشىلار مەن ديستريبيۋتەرلەرگە اراقاشىقتىققا قاراماستان ءبىر بىرىمەن سەرىكتەسۋىنە ىقپال ەتۋ. Smart Satu-دىڭ وتاندىق جانە رەسەيلىك نارىقتاعى ءساتتى باستاماسى - ماسكەۋلىك كاسىپكەرلەرگە قازاقستاندىق ديستريبيۋتەرلەردى تاۋىپ, ولاردىڭ ونىمدەرىن قازاقستان نارىعىندا ۇسىنۋعا مۇمكىندىك تۋعىزادى.

Smart Satu ەلىمىزدىڭ 10 قالاسىندا جۇمىس ىستەيدى. سوعان قوسا رەسەيلىك وڭىرلەردە – قيىر شىعىس, كراسنودار ءوڭىرى, سامارا وبلىسى مەن كاراچاەۆو-چەركەسسيادا ىسكە قوسىلۋدا.

- بۇگىن ءتىپتى ەەو اياسىندا كومپانيالار كورشى ەلدەردەن سەرىكتەستەر تابۋ ءۇشىن بيۋروكراتيادان كوز اشا الماي, نارىققا شىعا الماي جاتىر. بىزدەر جوبامىزدىڭ بلوكچەين پلاتفورماسىندا جۇمىس ىستەگەنىن قالايمىز. بۇل بيزنەستىڭ دامۋىنا وڭ ىقپال ەتەتىنى ءسوزسىز. كاسىپكەرلەر سەنىمدىلىك دەڭگەيى جوعارى سمارت-كەلىسىمدەر جاساساتىن بولادى.

بولاتبەكتىڭ ويىنشا جيناقتالعان ۇلكەن اقپارات قورى ارقىلى كورشى ەلدەردىڭ نارىعىنا شىعۋعا جەڭىل بولادى. شەتەلدىك ارىپتەستەر اناليتيكالىق اقپاراتقا تولى, جۇمىسى تەكسەرىلگەن دايىن جوباعا ۇلكەن قىزىعۋشىلىق ءبىلدىرۋ كەرەك دەيدى بولاتبەك.

- ءبىز ادام يدەياسىنىڭ شەكسىز ەكەندىگىن كورسەتكىمىز كەلەدى. جانە الەمنىڭ قاي ەلىندە بولسىن جۇرگەن قازاقستان ازاماتى «Smart Satu» دەگەن ءسوزدى ەستىگەن كەزدە, بۇل جوبانىڭ وتانىمىزدا باستاۋ العانىن بىلگەنىن قالايمىز.

دايىنداعان

ايگۇل شەرنياز, 

«ەگەمەن قازاقستان»