رادجەش كۋمار – ەكسپو-2017 حالىقارالىق كورمەسىندەگى گونكونگ پاۆيلونىنىڭ كوميسسارى. ول قىتايدىڭ نانكين مەملەكەتتىك ۋنيۆەرسيتەتىنىڭ حالىقارالىق ىستەر مەن قاتىناستار بويىنشا باس ديرەكتورى جانە «جىبەك جولى» قاۋىمداستىعىنىڭ باس حاتشىسى. اتالعان اسسوتسياتسياعا جىبەك جولى بويىنداعى مەملەكەتتەر, قالالار مەن ۋنيۆەرسيتەتتەر كىرەدى. قاۋىمداستىق مۇشەلەرى EXPO-2017 كورمەسىنىڭ كوميسسارلارى رەتىندە كورمەدە اشىلعان «Invest in Pavlodar» ورتالىعىن ارالاپ كورىپ, قىزىعۋشىلىق ءبىلدىرىپتى. ءتىپتى, ءبىزدىڭ وبلىس ورتالىعى «جىبەك جولى» بويىنداعى قالا رەتىندە حالىقارالىق ۇيىمنىڭ قۇرامىنا ەنۋى دە مۇمكىن كورىنەدى. كەزدەسۋ بارىسىندا باس حاتشى رادجەش كۋمار وسىنداي ۇسىنىس جاسادى. ويتكەنى, «جىبەك جولى»-بۇل بۇرىننان بەرى كەلە جاتقان ساۋدا مەن ءوزارا قارىم قاتىناس جالعاس تاريحي مارشرۋت دەۋگە بولادى. ءوندىرىستى ءوڭىر بۇل ماقساتتى ورىنداۋعا وتە ىڭعايلى. ەگەر بۇل قاۋىمداستىق قۇرامىنا قوسىلسا- قىتايدىڭ سيان قالاسىندا وتەتىن حالىقارالىق ۇيىمداردىڭ جىل سايىنعى سيمپوزيۋمىن ءبىزدىڭ وبلىس تا دا قابىلداي الادى دەگەن ءسوز..
رادجەش كۋماردىڭ پىكىرىنشە, ەلىمىزدىڭ ىشكى ءتۋريزمىن حالىقارالىق ۇيىمدارمەن بىرگە دامىتۋ وبلىس ءۇشىن دە ۇلكەن ناتيجە. تۇركيانىڭ جەل ەنەرگەتيكاسى قاۋىمداستىعىنىڭ قۇرمەتتى پرەزيدەنتى مۋرات دۋراكتىڭ سوزىنشە, وبلىس جەل كوپ سوعاتىن جەلدى سولتۇستىك ءوڭىر, سوندىقتان جەل گەنەراتورلارىن ورناتۋ ءۇشىن ىڭعايلى. بيداي ەكسپورتتاۋ ماسەلەسى دە ءسوز بولدى. ەكىنشىدەن, جەرگىلىكتى ستۋدەنتتەردىڭ شەتەلدە ءبىلىم الۋلارىنا, حالىقارالىق تاجىريبە جيناقتاۋلارى قاجەت. سوندىقتان قاۋىمداستىقتىقتىڭ قۇرامىنا ەنەتىن الەمدىك ۋنيۆەرسيتەتتەر قاتارىنا ەندى س. تورايعىروۆ اتىنداعى مەملەكەتتىك ۋنيۆەرسيتەت تە قوسىلىپ, نانكين مەملەكەتتىك ۋنيۆەرسيتەتىندە ءبىلىم الۋعا بەس گرانت ءبولىندى. ۋنيۆەرسيتەت رەكتورىنىڭ مىندەتىن اتقىرۋشى ن.ەرجانوۆ پەن «جىبەك جول» قاۋىمداستىعىنىڭ باس ديرەكتورى ر. كۋمار ىنتىماقتاستىق تۋرالى كەلىسىمگە قول قويدى. مەموراندۋم بويىنشا ستۋدەنتتەردى 50 پايىز جەڭىلدىكپەن وقىتۋ دا قاراستىرىلىپتى. پروفەسسور رادجەش كۋمار وقۋ ورنىنىڭ عىلىمي-وندىرىستىك زەرتحاناسىن, «ەرتىس» عىلىمي-تەحنولوگيالىق تەحنوپاركىن, حالىقارالىق ستارتاپ اكادەمياسىندا جانە ارحەولوگيالىق مۋزەيدى ارالاپ كوردى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن:
رۋفينا تورپيششەۆا
