جاڭا بالاباقشا اشىلدى

وبلىس ورتالىعىنداعى قۇر­مىش شا­عىن اۋدانىندا №43 «گۇل­داۋرەن» بالا­باق­­شا­سى پاي­دا­لانۋعا بەرىلدى. جاڭا با­لا­­باق­شا­نىڭ اشىلۋ راسىمىنە وبلىس اكىمى ارحيمەد مۇحامبەتوۆ, قالا اكىمى نۇر­مۇ­حامبەت ابدىبەكوۆ, اتا-انالار قاتىس­تى. جالپى اۋماعى 11 209 شارشى مەتر بو­لاتىن بالاباق­شادا 320 ءبۇلدىرشىن ءتار­بيە­لە­نەتىن بو­لا­دى. ءۇش قاباتتى, زاماناۋي تالاپتارعا ساي جابدىق­تال­عان عيم­ا­رات­تا 16 ويىن ءبول­مەلەرى, 3 وقۋ سى­نىپتارى, گيم­ناستيكا, مۋ­­زىكا, بەينەلەۋ ونەرى زال­دا­رى جانە باسقا دا تۇرمىستىق-قىز­مەت­تىك بولمەلەر بار. جوبالانۋى جا­عى­نان ەلىمىزدە بالاما­سى جوق بالا­باق­شا قۇ­رى­لىسىنا 515 646,66 مىڭ تەڭگە جۇم­سال­عان. اۋ­لا­داعى 16 ويىن الاڭىنا كۇر­كە­لەر ورناتىلعان. بارلىق الاڭدارعا قۇم توگىلىپ, سىرعاناۋ توبەلەرى­مەن, ءات­كەن­شەك­تەرمەن جابدىق­تال­عان. ەندى مۇن­دا ساۋىق­تىرۋدىڭ ءتيىمدى ءادىسى — گالوتەراپيا ەنگىزۋ جوسپارلانىپ وتىرعان كورىنەدى. – قازىر وبلىسىمىزدا 501 بالاباقشا جۇمىس ىستەيدى. بۇعان 35 مىڭنان استام ءبۇلدىرشىن با­رىپ ءجۇر. اۋداندارداعى بالا­­لار­دىڭ 90 پروتسەنتى مەكتەپكە دەيىنگى بالالار مەكەمەلەرىمەن قامتاما­سىز ەتىلگەن. وبلىس ورتالىعىندا بۇل ماسەلە وزەكتى بولىپ قالۋدا. قازىر اقتوبە قالاسىندا 12 مىڭ ءبۇلدىرشىن بالاباقشا كەزەگىندە تۇر. سوڭعى جىلدارى «بالاپان» رەسپۋبليكالىق باعدارلاماسى ايا­سىن­دا 400-دەن استام مەكتەپكە دەيىنگى مەكەمە اشىلىپ, ءبۇلدىرشىن­دەردى قابىل­دا­دى. اسىرەسە, جەكە­نىڭ قولىنداعى بالا­باقشالار مەم­لەكەتتىك-كوممۋنالدىق مەن­شىككە قايتارىلۋدا. مىسالى, بۇ­رىنعى ءۇش بالاباقشانىڭ عيما­رات­تارى قايتادان وڭدەلىپ, 240 ورىندىق №37 «بالاپان» مەكتەپكە دەيىنگى ۇيىمى, 280 ورىندىق №38 «الەم» جانە 280 ورىن­دىق «دوس­تىق» بالاباقشالارى اشىل­دى. «وڭتۇستىك باتىس-1» شاعىن اۋ­دانىندا, ساڭكىباي باتىر داڭ­عى­لى بويىنان جانە جاڭا قونىس پوسەلكەسىندە بالاباقشالار سا­لىنۋ­دا. جاقىندا 12 شاعىن اۋداندا بالاباقشا قۇرىلىسى باستالادى. بۇگىن تاعى ءبىر بالاباقشا پاي­دا­لانۋعا بەرىلىپ وتىر. جالپى 2012-2014 جىلدارى بۇل با­عىتتاعى كورسەتكىشىمىز ءبىراز جاق­سا­را­دى,– دەدى وبلىس اكىمى ارحيمەد مۇ­حام­بەتوۆ سالتاناتتى ساتكە جينال­عان­دارعا. ودان كەيىن بالاباقشا قۇرى­لى­سىن سال­عان «پرومرەسۋرس» جشس ديرەكتورى ولەگ فەدوروۆ سيم­ۆو­ليكالىق كىلتتى №43 «گۇل­داۋرەن» بالاباقشاسىنىڭ مەڭگە­رۋ­شىسى با­قىت­گۇل جەتەسوۆاعا تاپ­سىر­دى. اتا-انالار اتىنان ءسوز ال­عان سارسەالى قالتاەۆ جاڭا با­لا­باق­شانىڭ اشى­لۋى­مەن قۇتتىقتادى. ساتىبالدى ءساۋىرباي. اقتوبە وبلىسى.