بۇل ماسەلە قازىر الەمنىڭ وركەنيەتتى ەلدەرىنىڭ بارىندە قىزۋ تالقىلانىپ, تىعىرىقتان شىعار جولدىڭ ءتۇرلى نۇسقالارى قاراستىرىلۋدا. بۇل باعىتتا قازاقستان رەسپۋبليكاسى پرەزيدەنتىنىڭ جۇرتشىلىق تالقىسىنا سالعان ء«بىرتۇتاس ۇلت بولۋ» جولىنداعى وي-تولعانىستارىندا كوپشىلىكتىڭ كوكەيىندە جۇرگەن كوپ ساۋالعا جاۋاپ بەرە الادى. سول سەبەپتى وعان تەك قازاقستان عانا ەمەس, الەمنىڭ وزگە دە ەلدەرىندەگى ساياساتكەرلەر, عالىمدار مەن وزگە دە عىلىم سالالارىنداعى ساراپشىلار دا قىزىعۋشىلىق تانىتۋدا.
مەملەكەت باسشىسىنىڭ قوعامدىق سانانى جاڭعىرتۋ ماقساتىندا ۇسىنعان – قازاق ءتىلىن بىرتىندەپ لاتىن الىپبيىنە كوشىرۋ; «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق»; «تۋعان جەر» باعدارلاماسى, «جاھانداعى زاماناۋي قازاقستاندىق مادەنيەت», «قازاقستانداعى 100 جاڭا ەسىم» سياقتى الداعى ۋاقىتتا قولعا الىناتىن جوبالارىنىڭ ءبارى كوپشىلىكتىڭ كوكەيىنەن شىعارى ءسوزسىز.
«ۇلت پەن ءتىل ماسەلەسىنە كەلگەندە ەڭ باستىسى, ۇلتتىق وقشاۋلانۋدان, توماعا-تۇيىقتىقتان قاشۋ كەرەك» دەگەن ۇستانىمىن كەڭەيتىپ, باعدارلامالىق ماقالاسىندا ۇلتتىق سانانى جاڭعىرتۋدىڭ ناقتى جولىن كورسەتىپ وتىرعان نۇرسۇلتان نازارباەۆ بارشامىزعا ۇلت مۇددەسى جولىندا بىرىگۋدىڭ ماڭىزىن بارىنشا ءتۇسىندىرىپ بەردى. «رۋحى ەركىن حالىق قانا ۇلى ىستەردى اتقارا الادى... ەل كوشىن باستاۋ – ماعان سىن بولسىن, مەنى قوشتاۋ – ەلگە سىن بولسىن» دەگەن ەلباسىنا ءدال قازىرگى كەزەڭدە ءبىزدىڭ دە قولداۋىمىز وتە قاجەت دەپ ويلايمىن.
كلارا سادىرباەۆا,
وزبەكستاننىڭ ناۋاي وبلىسىنداعى
قازاق مادەني ورتالىعىنىڭ ءتورايىمى (وزبەكستان)
