تۇمانباي مولداعاليەۆ

ادامنىڭ ومىرگە كەلۋى تابيعي زاڭدىلىق بولسا, ومىردەن ءوتۋى دە سونداي زاڭدىلىق. قازاق رۋحانياتى ورنى تولماس اۋىر قازاعا ۇشىرادى. قازاق پوەزياسىنىڭ شوقتىعى بيىك تۇلعاسى, اقيىق اقىنىنان ايىرىلدى. ەگەمەن ەلىمىزدىڭ العاشقى ءانۇرانى اۆتور­لارى­نىڭ ءبىرى, قازاقستاننىڭ حالىق جازۋشىسى, بۇكىل تۇركى دۇنيەسى جازۋ­شىلارىنىڭ فيزۋلي اتىنداعى سىيلىعى­نىڭ لاۋرەاتى, مەملەكەتتىك سىيلىقتىڭ يەگەرى, ەسىمى ءاربىر قازاققا كەڭىنەن تانىس اقىن تۇمانباي مولداعاليەۆ 76 جاسىندا ومىردەن وزدى. قازاق پوەزياسىنا 50-جىلداردىڭ ورتاسىندا نازىك سىرلى, ويلى دا وتتى جىرلارىمەن كەلگەن اقىننىڭ ەلۋدەن استام جىر جيناقتارى جارىق كوردى. شەتەل كلاسسيكتەرىنىڭ شىعار­­­مالارىن قا­زاق تىلىنە اۋداردى. ەلىمىزگە ايگىلى كومپوزيتورلار جازعان ءجا­نە حالىق ءسۇيىپ تىڭ­داي­تىن 500-دەن استام اندەر ءماتىنىنىڭ اۆتورى بولدى. تۇمانباي مول­داعاليەۆ بالالار ادەبيەتىنە دە سۇبەلى ۇلەس قوستى. ءومىرىنىڭ سو­ڭى­نا دەيىن قازاق بالالارىنىڭ سۇيىكتى جۋرنالى «بالدىرعان­نىڭ» باس رە­داكتورى قىزمەتىن اتقاردى. قازاق پوەزيا­سى­نا ءول­شەۋسىز ۇلەس قوسقان قارىمدى قالامگەر, كور­نەكتى اقىن تۇمانباي مولداعاليەۆتىڭ جارقىن بەينەسى وقىرمان­دارىنىڭ جۇرەگىندە ماڭگى ساقتالادى. قازاقستان رەسپۋبليكاسىنىڭ بايلانىس جانە اقپارات مينيسترلىگى.