ۆولوگداداعى «ەلىم-اي»

كوستروما مەن ءياروسلاۆلدىڭ ار جاعىندا, كارەليا مەن ارحانگەل­سكى­نىڭ بەر جاعىندا جاتقان ىرگەلى وبلىستىڭ ءبىرى, رەسەيدە سارى مايى­مەن اتاعى شىققان ۆولوگدا ءوڭىرىن­دە دە قانداستارىمىز تۇرادى. «قا­زا­عىم قايدا جۇرسە ەلدى ويلاعان», دەپ اقىن تۇرسىناي ورازباەۆا جىر­لا­عانداي, وتانداستارىمىز وزدەرى­نىڭ بار ەكەندىكتەرىن سوڭعى جىل­دا­رى قو­عامدىق ۇيىمدار قۇرۋ ارقىلى ءبىلدىردى. اۋەلى ۆولوگدا قالاسىندا, كەيىن چەرەپوۆەتس قالاسىندا قازاق­تار­دىڭ جەرگىلىكتى ۇلتتىق-مادەني اۆ­تونومياسى قۇرىلدى. ولارعا دا­ريعا رودينا مەن ماقسۇت سەيىتكەرەەۆ ەسىمدى جەرلەستەرىمىز باسشىلىق ەتە باستادى. بۇدان كەيىن ۆولوگدا قازاق­تارى ۇستىمىزدەگى جىلدىڭ باس كەزىندە وڭىرلىك ۇلتتىق-مادەني اۆ­تو­نومياعا ء(وۇما) بىرىگىپ, قوعام­دىق ۇيىم­دا­رىنا «ەلىم-اي» دەپ ات قويدى. – ۆولوگدادا قازاقتار از, از بول­س­اق تا, مادەني اۆتونوميامىزدىڭ العا قويعان ماقسات-مىندەتى – وتان­داستارىمىزدىڭ ازاماتتىق, ەكونو­مي­كالىق جانە مادەني قۇقىقتارىن ىسكە اسىرۋ, حالىقتىق ەرەكشەلىگىمىزدى ساقتاپ, انا ءتىلىمىزدى, ۇلتتىق مادەنيەتىمىزدى دامىتۋ, قازاق حال­قى­­نىڭ تاريحى مەن مادەنيەتىن, ۇلت­تىق ءداستۇر-سالتىن رەسەيلىكتەرگە كەڭىنەن تانىستىرۋ, – دەيدى ۆولوگدا قازاقتارىنىڭ جەتەكشىسى, ءدۇ­نيەجۇزى قازاقتارىنىڭ ءىV قۇرىل­تا­يىنا قاتىسقان داريعا ەلەمەس­قىزى. – بارلىق ءىس-شارالارىمىز وسى با­عىتتا جۇرگىزىلەتىن بولادى. بولا­شاق­تا ۆولوگدا جەرىندە ءبىرىنشى رەت ناۋرىز مەيرامىن اتاپ ءوتۋدى وي­لاس­تىرىپ وتىرمىز. قازىر رەسەي قاز­اق­تارىنىڭ فەدەرالدىق ۇلتتىق-ءما­دە­ني اۆتونومياسىمەن (رقفۇما), باس­قا دا وڭىرلىك قازاق قوعامدىق ۇي­ىمدارىمەن, دۇنيەجۇزى قازاقتارى قاۋىمداستىعىمەن تىعىز قارىم-قاتىناس ورناتتىق. ايتسا ايتقانداي, ۆولوگدا قا­زاق­تارىنىڭ تۇڭعىش قوعامدىق ۇيى­مىنىڭ رەسمي بەتاشار راسىمىنە ءدۇ­نيەجۇزى قازاقتارى قاۋىمداستىعى ءتور­القاسى توراعاسىنىڭ ءبىرىنشى ور­ىنباسارى تالعات ماماشەۆتىڭ باس­تاۋىمەن سامارادان رقفۇما پرەزيدەنتى توقتارباي دۇيسەنباەۆ, قا­زاننان تاتارستان رەسپۋبليكاسىن­داعى «قازاقستان» ءوۇما جەتەكشىسى ساعيت جاقسىباەۆ, ورىنبوردان وب­لىستىق ۇما باسشىسىنىڭ ورىن­با­سارى ءامىرجان تولەۋباەۆ, چەليابىدەن «بىرلىك» قازاق ورتالىعىنىڭ ۆيتسە-پرەزيدەنتى قارلىعاش يگيمباەۆا, سانكت-پەتەربۋرگتەن ءوۇما توراعا­سى مۇحتار انتەەۆ, ءماس­كەۋ­دەن «قا­زاق ءتىلى» قوعامىنىڭ ءتور­اعا­سى ءابۋ­يس­لام تۇرسىنباەۆ, الما­تى­دان «تۋ­عان ءتىل» جۋرنالىنىڭ جاۋ­اپتى رە­داكتورى جانار مۇقاشەۆا قاتىستى. دەلەگاتسيا مۇشەلەرى ۆولوگدا وب­لىسىنىڭ ۇكىمەتىندە بولىپ, ولار­مەن وبلىس گۋبەرناتورىنىڭ ورىن­با­سارى ۆلاديمير كاسيانوۆ اڭگىمە­لەستى. كەزدەسۋگە وبلىستىڭ حالىق­ارالىق جانە وڭىرارالىق بايلا­نىس­تار باسقارماسىنىڭ, سىرتقى ەكو­نوميكالىق قىزمەت باسقارماسىنىڭ باسشىلارى مەن ماماندارى قاتىس­تى. باسقوسۋدا رەسەيلىكتەر ۆولوگدا وبلىسىنىڭ الەۋمەتتىك-ەكونومي­كا­لىق جانە ينۆەستيتسيالىق الەۋەتى جونىندە كەڭىنەن اڭگىمەلەسە, دەلەگاتسيا باسشىسى ت.ا.ماماشەۆ ءدۇ­نيە­جۇزى قازاقتارى قاۋىمداستىعى اتقارىپ جاتقان جۇمىستار جونىندە جان-جاقتى باياندادى. ۆولوگدا قازاقتارى دا قوسىلعان دەلەگاتسيا مۇشەلەرىن ماسكەۋدە قا­زاقستاننىڭ رەسەيدەگى ەلشىسى زاۋ­ىتبەك تۇرىسبەكوۆ قابىلدادى. ەلشىمەن كەزدەسۋ بارىسىندا ەلشىلىك پەن دۇنيەجۇزى قازاقتارى قاۋىم­داس­تىعى اراسىنداعى ءوزارا بايلا­نىستى بۇرىنعىدان دا دامىتىپ, رەسەيدەگى قازاق قوعامدىق ۇيىم­دا­رىنىڭ جۇ­مىسىن جەتىلدىرۋ جايى, ولاردىڭ ءوز­ارا ىنتىماقتاس­تىعى­نىڭ, وتان­داس­تا­رىمىزدىڭ انا ءتىلىن وقىپ-ءۇي­رە­نۋ­گە دەگەن ۇمتىلى­سى­نىڭ كوپتەگەن وزەكتى ماسەلەلەرى تالقىلاندى. سەرىكقالي بايمەنشە. رەسەي.