استىق تاسىمالىنا ارنالدى

«قازاقستان تەمىر جولى» ۇك» اق-تىڭ ورتالىق عيماراتىندا كومپانيانىڭ پايدالانۋ جونىندەگى باسقارۋشى ديرەكتورى قانات الماعامبەتوۆتىڭ توراعالىعىمەن استىق تاسىمالىنا قاتىستى كەڭەس ءوتتى. وعان كولىك جانە كوممۋنيكاتسيا مينيسترلىگى مەن اۋىل شارۋاشىلىعى مينيسترلىگى, «ازىق-ت ۇلىك كەلىسىمشارت» ۇك» اق, «استىق وداعى» كومپانياسى وكىلدەرى مەن استىق تاسىمالداۋشىلار, ەكسپەديتورلار, سونداي-اق جۇك جونەلتۋشىلەر قاتىستى. «قتج» ۇك» اق پايدالانۋ جونىندەگى باس­قارۋشى ديرەكتورى ق.الماعام­بەتوۆ­تىڭ ايتۋىنا قاراعاندا, ۇلتتىق كومپانيا قىركۇيەك ايىندا وزدەرىنە بەرىلگەن تاپ­سىر­مانى ارتىعىمەن ورىنداعان. ەلباسى نۇرسۇلتان نازارباەۆ ەل ىشىندە دە, سىرت­قا دا استىق تاسىمالداعاندا ونى ۇن ءتۇ­رىندە شىعارۋعا بارىنشا كوڭىل ءبولۋ قا­جەت­تىگىن ەسكەرتكەن-ءدى. وسى باعىتتى ۇس­تان­عان ىسكەرلەر قىركۇيەكتە 228 مىڭ توننا ۇن ونىمدەرىن تاسىمالداعان. قىر­كۇيەك­تە بەلگىلەنگەن جوسپاردى اسىرا ورىن­داعان تەمىرجولشىلار 764 مىڭ توننا استىق تيەگەن. ونىڭ 521 مىڭ تونناسى ەلى­مىز اۋماعىندا تاسىمالدانسا, 243 مىڭ تونناسى ەكپورتقا شىعارىلعان. بۇل ايلاردا رەسپۋبليكامىزدىڭ استىق ءونىم­دەرىن ازەربايجان, وزبەكستان, ءتا­جىك­ستان, يران مەملەكەتتەرى تۇتىندى. قازان ايىنا جوسپارلى تاپسىرما 806 مىڭ توننا بولىپ بەلگىلەنگەنىمەن, ونى 1 ميلليونعا دەيىن جەتكىزۋ ماقسات ەتىلۋدە. – ول ءۇشىن ۇلتتىق كومپانيا سىرتتان كەلەتىن ۆاگون كومەكتەرىن, سونداي-اق بۇ­رىن­دارى تاجىريبەدەن وتكىزىلگەندەي اس­تىق ۆاگوندارىن عانا كۇتىپ وتىرا بەرمەي, ەل ىشىندەگى جاقىن ايماقتارعا اشىق, جابىق ۆاگونداردى دا پايدالانۋعا رۇقسات بەرىپ وتىر. وعان قوسا استىقتى قاپ­شىق­تاپ تا جەتكىزۋدىڭ جولدارىن قاراستىرا بەرىڭىزدەر, – دەگەن قانات الماعامبەتوۆ استىق تاسىمالداۋشىلاردان قانداي ۇسى­نىس بولسا دا قاراۋعا ءازىر ەكەندىكتەرىن جانە اۋا رايىنىڭ ءالى دە اشىقتاۋ كەزىندە بارىنشا جەدەل قيمىلداۋ كەزەك كۇت­تىر­مەيتىنىن دە نازاردان تىس قالدىرمادى. استىق تاسىمالدايتىن ۆاگونداردىڭ جەتىسپەۋشىلىگىنە بايلانىستى ۇكىمەتتىڭ شەشىمى بويىنشا قىركۇيەك- قاراشا اي­لا­رىندا الدىمەن رەسپۋبليكاىشىلىك باعدار­لارعا بيداي جەتكىزۋ كەرەك. «ازىق-ت ۇلىك كەلىسىم-شارت كورپوراتسياسى» ۇك» اق تاپسىرىسىمەن وبلىستىق اكىمدىكتەردىڭ اراسىنداعى مەموراندۋمدىق كەلىسىمدەرى بويىنشا وسى ارالىقتا 500 مىڭ توننا استىق تاسىمالداۋ قاجەت. وتاندىق استىق تاسىمالداۋ كاسىپورىندارىنا ۆاگون جەتىسپەگەن جاعدايدا وزدەرىنىڭ ۆاگون پاركىن پايدالانۋ جانە رەسەيلىك كوم­پانيا­لار­دىڭ ۆاگوندارىن جالعا الۋ جولى ۇسىنىلدى. كەڭەس بارىسىندا جۇك جونەلتۋشى­لەر­گە جانە قابىلداۋشىلارعا استىقتى كەستەدە كورسەتىلگەندەي دەر كەزىندە تيەپ, بەلگىلەنگەن مەرزىمدە تۇسىرۋگە تاپسىرما بەرىلدى. بارلىق استىق جونەلتۋشىلەرمەن ۆاگون يەلەرى, ەكسپەديتورلاردىڭ «قازاقستان تەمىر جولى» ۇك» اق-پەن ۇيىمداسقان تۇردە جۇمىس جاساۋ قاجەتتىلىگى ءتۇ­سىندىرىلدى. ءابدىراحمان قىدىربەك.