-بۇگىنگى تاڭدا استانا اكىمدىگىنىڭ قولداۋىمەن 18 اۋلا كلۋبتارى جۇمىس ىستەيدى. سەكتسيالار مەن ۇيىرمەلەردىڭ جالپى سانى- 109. اۋلا كلۋبتارىنا تۇراقتى 2089 بالا مەن بوزبالالار بارادى. كەلەسىجىلى استانا قالاسى اكىمى اسەت يسەكەشەۆتىڭ باستاماسىمەن اۋلا كلۋبتارىنىڭ سانىن 30-عا دەيىن جەتكىزۋ كوزدەلگەن, - دەپ حابارلادى ەلوردا اكىمدىگىنىڭ مەديا ورتالىق تىلشىسىنە «استانا جاستارى» كمم جەتەكشىسى مۇحامەدجان بولىسبەك.
ونىڭ سوزىنشە, وتكەن جىلمەن سالىستىرعاندا بيىل كلۋبتارعا باراتىندار سانى ەكى ەسەگە وسكەن. اۋلا كلۋبتارىنىڭ باسىم بولىگى «الماتى» اۋدانىندا ورنالاسقان, مۇندا 10 اۋلا كلۋبى بار. ال, قالعاندارى استانانىڭ وزگە اۋداندارىندا.
بۇگىندە اۋلا كلۋبتارى ەلوردالىق جاستاردىڭ بوس ۋاقىتىن وتكىزەتىن جانە جەكە قابىلەتتەرىن دامىتاتىن ورتالىققا اينالدى. كلۋبتاردا كاراتە, بوكس, ەركىن كۇرەس, قول كۇرەسى, دزيۋدو, ستول تەننيسى, شاحمات جانە شاشكي بويىنشا سەكتسيالاردىڭ كەڭ ءتۇرى قاراستىرىلعان.
بۇدان بولەك, جاستارعا شىعارماشىلىق تالانتتارىن شىڭداۋعا مۇمكىندىك بەرەتىن ءارتۇرلى ۇيىرمەلەر اشىلعان. ال, سپورت, ۇلتتىق, جانە قولدانبالى ونەر, حورەوگرافيا جانە مۋزىكا سالاۋاتتى ءومىر سالتىنا باۋليدى.
-بۇگىندە اۋلا كلۋبتارىنا باراتىن بالالار مەن بوزبالالار سپورتپەن اينالىسىپ, تەحنيكالىق شىعارماشىلىققا ۇيرەنە الادى, وزدەرىنىڭ كوشباسشىلىق قابىلەتتەرىن دامىتادى. سول سەبەپتى قالانىڭ بارلىق تۇرعىندارىنا بالالارىن اۋلا كلۋبتارىنا اكەلىپ, تەگىن وقىتۋعا شاقىرامىز, - دەيدى مۇحامەدجان بولىسبەك.
