ەلباسى قابىلدادى

كەشە مەملەكەت باسشىسى نۇرسۇلتان نازارباەۆ ادىلەت ءمينيسترى راشيد تۇسىپبەكوۆتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. ر.تۇسىپبەكوۆ پرەزيدەنتكە زاڭ جوبالارى قىزمەتى, زياتكەرلىك مەن­شىك پەن اتقارۋشى ءوندىرىس سالا­سىن­داعى ىستەردىڭ جاي-كۇيى, سون­داي-اق مەملەكەت باسشىسىنىڭ مەملەكەتتىك قىزمەت كورسەتۋ ءرا­سىم­دەرىن جاقسارتۋ مەن قىسقارتۋ بولىگىندەگى تاپسىرماسىنىڭ ورىن­دالۋ بارىسى تۋرالى حابارلادى. اتاپ ايتقاندا, مينيستر زاڭ جوبالارىمەن جۇمىستىڭ ساپاسىن ارتتىرۋ ءۇشىن ادىلەت مينيسترلىگى قابىلداعان شارالار تۋرالى, ۇكى­مەتتىڭ 2011 جىلعا ارنالعان زاڭ جوبالارىمەن جۇمىس جوسپارى­نىڭ ورىندالۋ جاعدايىن بايان­دادى. سونىمەن قاتار, ادىلەت ءمينيسترى مەملەكەت باسشىسىنا مەملەكەتتىك قىزمەت ساپاسىن ارتتىرۋ, اكىمشىلىك كەدەرگىلەردى قىسقارتۋ جانە ادۆوكاتتىق, نوتاريالدىق جانە باعالاۋ قىزمەتتەرىنە رۇق­سات بەرۋ كەزىندە جەمقورلىققا قار­سى ءىس-قيمىل جونىندەگى شارالار بويىنشا مينيسترلىك جۇمى­سى­نىڭ ناتيجەلەرى تۋرالى اڭگى­مەلەدى. ر.تۇسىپبەكوۆ اعىمداعى جىل­دىڭ 15 تامىزىنان باستاپ ادۆو­كات­تىق, نوتاريالدىق جانە با­عا­لاۋ قىزمەتتەرى سالاسىنداعى ليتسەنزيا تەك قانا ەلەكتروندى تۇردە بەرىلە باستاعانىن اتاپ ءوتتى. كەزدەسۋدىڭ قورىتىندىسى بوي­ىنشا مەملەكەت باسشىسى ادىلەت ورگاندارىنىڭ قىزمەتىن ودان ءارى جەتىلدىرۋ جونىندە ناقتى تاپسىرما بەردى.