2011 جىلعى 3 تامىز استانا قالاسى
دەنە شىنىقتىرۋ-سپورت ۇيىمدارىنىڭ (سپورت كلۋبتارى) قىزمەتىن ۇيىمداستىرۋ ەرەجەسىن بەكىتۋ تۋرالى
«دەنە شىنىقتىرۋ جانە سپورت تۋرالى» قازاقستان رەسپۋبليكاسى زاڭىنىڭ 23-بابىنىڭ 21) تارماقشاسىنا سايكەس بۇيىرامىن:
1. قوسا بەرىلىپ وتىرعان دەنە شىنىقتىرۋ-سپورت ۇيىمدارىنىڭ (سپورت كلۋبتارى) قىزمەتىن ۇيىمداستىرۋ ەرەجەسى بەكىتىلسىن.
2. سپورت كوميتەتى وسى بۇيرىقتى زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ۇسىنسىن جانە مەملەكەتتىك تىركەلگەننەن كەيىن ونى بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى تۋريزم جانە سپورت ۆيتسە-ءمينيسترى م.ە. وماروۆقا جۇكتەلسىن.
4. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
مينيستر ت.ەرمەگياەۆ.
قازاقستان رەسپۋبليكاسى تۋريزم جانە سپورت ءمينيسترىنىڭ 2011 جىلعى 3 تامىزداعى №02-02-18/153 بۇيرىعىمەن بەكىتىلگەن
دەنە شىنىقتىرۋ-سپورت ۇيىمدارىنىڭ (سپورت كلۋبتارى) قىزمەتىن ۇيىمداستىرۋ ەرەجەسى
1. جالپى ەرەجەلەر
1. وسى ەرەجە دەنە شىنىقتىرۋ-سپورت ۇيىمدارىنىڭ (بۇدان ءارى - كلۋبتار) قىزمەتىن ۇيىمداستىرۋدىڭ ءتارتىبى مەن شارتتارىن رەتتەيدى جانە مەنشىك تۇرىنە جانە ۆەدوموستۆولىق باعىنىستىلىعىنا قاراماستان, بارلىق سپورت كلۋبتارى ءۇشىن ۇلگى بولىپ تابىلادى. 2. كلۋبتار ءوز قىزمەتىندە قازاقستان رەسپۋبليكاسىنىڭ «دەنە شىنىقتىرۋ جانە سپورت تۋرالى», «قوعامدىق بىرلەستىكتەر تۋرالى», «جاۋاپكەرشىلىگى شەكتەۋلى سەرىكتەستىكتەر تۋرالى», «اكتسيونەرلىك قوعامدار تۋرالى», «مەملەكەتتىك م ۇلىكتەر تۋرالى» زاڭدارى مەن قازاقستان رەسپۋبليكاسىنىڭ ەڭبەك, ازاماتتىق كودەكستەرىن جانە وسى ەرەجە مەن كلۋب جارعىسىن باسشىلىققا الادى. 3. كلۋب جارعىسى ۇيىمداستىرۋشىلىق قۇرىلىمدى, قىزمەت باعىتىن, قىزمەت تۇرلەرى مەن نىساندارىن , كلۋبتاردىڭ قىزمەتكەرلەرى مەن مۇشەلەرىنىڭ قۇقىقتارى مەن مىندەتتەرىن بەلگىلەيدى. 4. كلۋبتار وقۋ-جاتتىعۋ, جارىسۋ, دەنە شىنىقتىرۋ-ساۋىقتىرۋ جانە تاربيە قىزمەتىن جۇزەگە اسىراتىن زاڭدى تۇلعا بولىپ تابىلادى جانە ءار ءتۇرلى ۇيىمداستىرۋشىلىق - قۇقىقتىق نىسانداردا قۇرىلادى. 5. كلۋبتار مەملەكەتتىك ورگاندارمەن, سونداي-اق قازاقستان رەسپۋبليكاسىنىڭ جانە شەت ەلدەردىڭ ورگاندارىمەن, دەنە شىنىقتىرۋ-سپورت ۇيىمدارىمەن, قوعامدىق بىرلەستىكتەرىمەن ىنتىماقتاسىپ, ءوزارا ارەكەت ەتەدى. 6. كلۋبتار رەسپۋبليكانىڭ مەملەكەتتىك ورگاندارىمەن, قوعامدىق, كوممەرتسيالىق ۇيىمدارىمەن, قوعامدىق بىرلەستىكتەردىڭ وداقتارىمەن (قاۋىمداستىقتارىمەن) شارتتار بويىنشا «مەملەكەتتىك الەۋمەتتىك تاپسىرىس تۋرالى», «مەملەكەتتىك ساتىپ الۋ تۋرالى», «قوعامدىق بىرلەستىكتەر تۋرالى», «مەملەكەتتىك ەمەس ۇيىمدار تۋرالى» قازاقستان رەسپۋبليكاسىنىڭ زاڭدارىندا كوزدەلگەن بەلگىلى ءبىر جۇمىستاردى اتقارادى. 7. كلۋبتار رەسپۋبليكالىق جانە حالىقارالىق سپورتتىق ۇيىمدارمەن ءوزارا ارەكەت ەتەدى, الەمدىك سپورتتىق قوزعالىستاعى ەل رەتىندە قازاقستان رەسپۋبليكاسىنىڭ بەدەلىنە جان-جاقتى ىقپال ەتەدى. 8. كلۋبتار دەنە شىنىقتىرۋ جانە سپورت سالاسىندا كەلىسىمدەر جاسايدى, حالىقارالىق شارتتار مەن ءتيىستى مەملەكەتتەردىڭ زاڭناماسىنىڭ نەگىزىندە ءتيىستى كەلىسىم - شارتتار جاساۋعا, حالىقارالىق كوممەرتسيالىق ەمەس ۇكىمەتتىك ەمەس بىرلەستىكتەرگە ۇجىمدىق مۇشە رەتىندە كىرەدى جانە حالىقارالىق قۇقىق, حالىقارالىق شارتتار مەن ءتيىستى مەملەكەتتەر زاڭنامالارىنىڭ جالپىعا بىردەي قاعيداتتارى مەن نورمالارىنىڭ نەگىزىندە شەت مەملەكەتتەردە ءوزىنىڭ قۇرىلىمدىق بولىمشەلەرىن (فيليالدارىن) قۇرادى. 9. كلۋبتار: 1) سپورت تۇرلەرى بويىنشا كاسىپتىك; 2) سالالىق كلۋبتار, كاسىپورىنداردىڭ جانە ۇيىمداردىڭ كلۋبتارى بولۋى مۇمكىن.2. كلۋبتاردىڭ ماقساتتارى مەن مىندەتتەرى
10. سپورت تۇرلەرى بويىنشا كاسىپتىك كلۋبتار مىنا ماقساتتاردا قۇرىلادى: 1) قازاقستان رەسپۋبليكاسىندا سپورت ءتۇرىن دامىتۋ; 2) سپورت رەزەرۆىن جانە حالىقارالىق دارەجەدەگى سپورتشىلاردى دايىنداۋ; 3) سپورتتىق جانە وليمپيادالىق جانە پاراليمپيالىق قوزعالىستاردى دامىتۋ. 11. كاسىپتىك كلۋبتاردىڭ نەگىزى مىندەتتەرى: 1) سپورت رەزەرۆى مەن حالىقارالىق دارەجەدەگى سپورتشىلاردى دايىنداۋ ءۇشىن جاعداي جاساۋ; 2) كۇشتى سپورتشىلاردى انىقتاۋ جانە سپورت رەزەرۆىن دايىنداۋ; 3) سپورت سەكتسيالارىندا, وقۋ-جاتتىعۋ جيىندارىندا ساباقتاردى ۇيىمداستىرۋ جانە سپورتتىق ءىس-شارالار وتكىزۋ; 4) ماتەريالدىق-تەحنيكالىق بازانى نىعايتۋ جانە دامىتۋ; 5) تاجىريبە الماسۋ جانە جاڭا سپورتتىق جەتىستىكتەردى ەنگىزۋ ماقساتىندا ەل ىشىندەگى جانە شەتەلدەگى كلۋبتار اراسىندا بايلانىستاردى ورناتۋ جانە دامىتۋ بويىنشا جۇمىستار جۇرگىزۋ بولىپ تابىلادى. 12. سالالىق كلۋبتار, كاسىپورىنداردىڭ جانە ۇيىمداردىڭ كلۋبتارى مىنا ماقساتتاردا قۇرىلادى: 1) حالىقتىڭ ءتۇرلى توپتارىن, ونىڭ ىشىندە ارداگەرلەر مەن مۇگەدەكتەردى ء(اربىر ازاماتتىڭ مۇددەسىن ەسكەرە وتىرىپ) دەنە شىنىقتىرۋ جانە سپورتپەن ءجيى اينالىسۋعا كەڭىنەن تارتۋ; 2) سالاماتتى ءومىر سالتىن ناسيحاتتاۋ, بەلسەندى دەمالىستار ۇيىمداستىرۋ, دەنە دايىندىعىنىڭ دەڭگەيىن ارتتىرۋ, ەرىك-جىگەرلىك جانە ازاماتتىق-وتانسۇيگىشتىك قاسيەتتەردى قالىپتاستىرۋ; 3) كلۋب مۇشەلەرىنىڭ دەنە شىنىقتىرۋمەن جانە سپورتپەن شۇعىلدانۋى ءۇشىن جاعدايلار جاساۋ; 4) بۇقارالىق سپورت قوزعالىسىن قالىپتاستىرۋ. 13. كلۋبتاردىڭ نەگىزگى مىندەتتەرى: 1) قازاقستان ازاماتتارىنىڭ دەنە, رۋحاني جانە ازاماتتىق-وتانسۇيگىشتىك تاربيەسىنە بەلسەندى ىقپال ەتۋ, ولاردىڭ كۇندەلىكتى ومىرىنە دەنە شىنىقتىرۋ مەن سپورتتى ەنگىزۋ; 2) سپورت سەكتسيالارى مەن ساۋىقتىرۋ باعىتىنداعى توپتاردا كلۋبتىق ساباقتاردى ۇيىمداستىرۋ, بۇقارالىق دەنە شىنىقتىرۋ-ساۋىقتىرۋ جانە سپورتتىق ءىس-شارالاردى وتكىزۋ; 3) دەنساۋلىق جاعدايىندا اۋىتقۋشىلىعى بار جانە دەنە دايىندىعى ناشار ازاماتتاردىڭ دەنساۋلىعىن نىعايتۋعا باعىتتالعان جۇمىستار جۇرگىزۋ; 4) سپارتاكيادالار, بۇقارالىق سپورتتىق جارىستار, سپورت مەرەكەلەرىن, جارىستارعا قاتىسۋ ءۇشىن سپورتشىلاردى دايىنداۋ بويىنشا وقۋ-جاتتىعۋ جيىندارىن وتكىزۋ; 5) بۇقارالىق دەنە شىنىقتىرۋ-ساۋىقتىرۋ جانە سپورتتىق جۇمىستاردى ۇيىمداستىرۋدا كاسىپورىندارعا, ۇيىمدار مەن مەكەمەلەرگە, سونىڭ ىشىندە ءبىلىم مەكەمەلەرىنە كومەك كورسەتۋ; 6) سپورت تۇرلەرىن ۇيلەسىمدى ءارى تەڭ قۇقىلى دامىتۋ ءۇشىن جاعدايلار جاساۋ; 7) دەنە شىنىقتىرۋدى, سپورت پەن سالاۋاتتى ءومىر سالتىن بەلسەندى ناسيحاتتاۋ, ناشاقورلىقتىڭ, ماسكۇنەمدىكتىڭ, شىلىم شەگۋدىڭ دامىۋىنا قارسى, سونداي-اق قۇقىقبۇزۋشىلىقتار مەن بالالاردىڭ قاڭعىباستىلىعىن بولدىرماۋعا باعىتتالعان جۇمىستاردى جۇرگىزۋ;3. كلۋبتاردىڭ قىزمەتىن ۇيىمداستىرۋ
14. سپورت تۇرلەرى بويىنشا كلۋبتاردىڭ قىزمەتى: 1) جوعارى جەتىستىكتەر سپورتى سالاسىنداعى وندىرىستىك-شارۋاشىلىق قىزمەتتى جۇرگىزۋ, سونىڭ ىشىندە سپورت رەزەرۆىن, سپورت تۇرلەرىنەن قازاقستان رەسپۋبليكاسى قۇراما كوماندالارىنا ۇمىتكەرلەر مەن مۇشەلەردى دايىنداۋ; 2) سپورت رەزەرۆىن جانە سپورت تۇرلەرى بويىنشا ۇلتتىق قۇراما كوماندالاردىڭ مۇشەلەرىن ورتالىقتاندىرىلعان دايىنداۋدى ۇيىمداستىرۋ; 3) وقۋ-جاتتىعۋ باعدارلامالارىن جانە سپورتشىلاردىڭ جەكە دايىندىق جوسپارلارىن ىسكە اسىرۋ; 4) سپورتشىلاردى دايارلاۋدى عىلىمي-ادىستەمەلىك, مەديتسينالىق قامتاماسىز ەتۋ, الدىن الۋ جانە قالپىنا كەلتىرۋ ءىس-شارالارىن جۇرگىزۋ ; 5) سپورتشىلاردىڭ جەكە دايىندىق جوسپارلارىنا جانە سپورتتىق-بۇقارالىق ءىس-شارالار كۇنتىزبەسىنە سايكەس ولاردىڭ رەسپۋبليكالىق, حالىقارالىق جارىستارعا قاتىسۋىن قامتاماسىز ەتۋ; 6) جاتتىقتىرۋشى-وقىتۋشى قۇرامنىڭ بىلىكتىلىگىن جانە تاعىلىمداماسىن ارتتىرۋ بويىنشا جۇمىستار ۇيىمداستىرۋ; 7) دەنە شىنىقتىرۋ مەن سپورت سالاسىنداعى جەتەكشى مامانداردى, جاتتىقتىرۋشىلاردى, عىلىمي قىزمەتكەرلەردى, مەديتسينا قىزمەتكەرلەرىن شاقىرۋ ارقىلى سەمينارلار, كۋرستار ۇيىمداستىرىپ, وتكىزۋ; 8) سپورتشىلاردى تابەلدىك سپورت كيىمدەرىمەن, قۇرالدارمەن جانە جابدىقتارمەن قامتاماسىز ەتۋ; 9) وقۋ-تاربيە جانە مادەني قىزمەتتەردى; 10) قالپىنا كەلتىرۋ ورتالىقتارىنىڭ, دەنساۋلىق بولمەلەرىنىڭ, پسيحولوگيالىق دەمالۋ بولمەلەرى مەن كلۋبتاردىڭ باسقا دا ساۋىقتىرۋ قۇرىلىمدارىنىڭ قىزمەتتەرىن ۇيىمداستىرۋ; 11) جاتتىقتىرۋشىلار كەڭەسى, تورەشىلەر القاسىنىڭ قوعامدىق كوميسسياسىن قۇرۋ جانە جۇمىسىن ۇيىمداستىرۋ; 12) دەنە شىنىقتىرۋ مەن سپورتتى ودان ءارى دامىتۋدى جوسپارلاۋ; 13) ءوز قىزمەتى تۋرالى اقپاراتتار تاراتۋ; 14) ءوز مۇشەلەرىنىڭ قۇقىقتارى مەن زاڭدى مۇددەلەرىن سوتتاردا جانە باسقا دا مەملەكەتتىك ورگانداردا, وزگە دە قوعامدىق بىرلەستىكتەردە ءبىلدىرۋ جانە قورعاۋ; 15) شارتتار مەن كەلىسىمدەر جاساۋ; 16) حالىقارالىق كوممەرتسيالىق ەمەس ۇكىمەتتىك ەمەس سپورتتىق بىرلەستىكتەرگە كىرۋ; 17) بۇقارالىق سپورت جارىستارىن, حالىق سپارتاكيادالارىن, وقۋ-جاتتىعۋ جيىندارىن, باسقا دا بۇقارالىق دەنە شىنىقتىرۋ-ساۋىقتىرۋ ءىس-شارالارىن قارجىلاندىرۋ; 18) جەتەكشى جاتتىقتىرۋشىلارمەن جانە سپورتشىلارمەن كەلىسىم - شارتتار جاساۋ ارقىلى جۇزەگە اسىرىلادى.4. كلۋبتى باسقارۋ
15. كلۋبتاردىڭ مەنشىك نىسانىنا جانە ۆەدومستۆولىق تيىستىلىگىنە قاراي ۇيىمداستىرۋعا جانە ونىڭ قىزمەتىنە جالپى باسشىلىق جاساۋدى, قۇرىلتايشى, باسشى (ديرەكتور), كلۋبتاردىڭ جالپى جينالىسى (بۇدان ءارى – كلۋب باسقارماسى) جۇزەگە اسىرادى. 16. كلۋبتاردىڭ باسقارمالارى: 1) كلۋبتار قىزمەتىنىڭ ستراتەگيالىق جانە باسىم باعىتتارىن ايقىندايدى; 2) كلۋبتار قىزمەتكەرلەرىنىڭ شتاتتىق سانىن بەكىتەدى; 3) كلۋبتارعا مۇشەلىككە قابىلداۋ مەن كلۋبتاردان شىعارۋدى جۇزەگە اسىرادى; 4) وقۋ-جاتتىعۋ جۇمىستارىنىڭ جوسپارىن بەكىتەدى; 5) كىرىس جانە شىعىس سمەتالارىن بەكىتەدى; 6) كلۋبتىڭ شتاتتىق قىزمەتكەرلەرىنە سىياقى بەرۋ جانە ەڭبەك ءتارتىبىن بۇزعانى ءۇشىن جاۋاپكەرشىلىككە تارتۋ تۋرالى شەشىم قابىلدايدى; 8) كەلىسىم - شارتتار نەگىزىندە كلۋب قىزمەتكەرلەرىنە جالاقى مولشەرىن بەكىتەدى; 9) كلۋبتاردىڭ قۇرىلتاي قۇجاتتارىنا وزگەرىستەر مەن تولىقتىرۋلار ەنگىزەدى; 10) ءوز قۇزىرەتى شەگىندە حالىقارالىق شارتتار مەن كەلىسىمدەر جاسايدى; 11) حالىقارالىق ۇكىمەتتىك ەمەس بىرلەستىكتەرگە ۇجىمدىق مۇشەلىككە كىرۋ تۋرالى شەشىم قابىلدايدى. كلۋبتار باسقارماسى كەمىندە جارتى جىلدا ءبىر رەت وتىرىس وتكىزىپ, وندا كوميسسيانىڭ, سەكتسيالاردىڭ, توپتاردىڭ, كوماندالاردىڭ ەسەپتەرىن تالقىلايدى جانە وتكىزىلگەن دەنە شىنىقتىرۋ-ساۋىقتىرۋ مەن بۇقارالىق-سپورتتىق ءىس-شارالاردىڭ قورىتىندىلارىن شىعارادى, سونداي-اق كلۋبتاردىڭ قىزمەتىن جەتىلدىرۋ جونىندەگى ۇسىنىستاردى قارايدى.5. كلۋبتاردىڭ ماتەريالدىق-تەحنيكالىق بازاسى مەن قارجى-شارۋاشىلىق قىزمەتى
17. كلۋبتاردىڭ قاراجاتتارى مىنالاردىڭ ەسەبىنەن قالىپتاسادى: 1) قۇرىلتايشىلاردىڭ قاراجاتتارىنىڭ; 2) مەملەكەتتىك الەۋمەتتىك تاپسىرىس; 3) كلۋبتار مۇشەلەرىنىڭ كىرۋ, جىلدىق جانە باسقا دا جارنالارىنىڭ; 4) ەرىكتى قايتارىمسىز جارنالاردىڭ, قايىرىمدىلىق جانە دەمەۋشىلىك قاراجاتتىڭ; 5) بانك نەسيەلەرىنىڭ; 6) اقىلى سپورتتىق ءىس-شارالاردى وتكىزۋدەن تۇسكەن كىرىستەردىڭ; 7) كلۋبتارعا تيەسىلى سپورتتىق عيماراتتاردى, بازالاردى, جابدىقتاردى پايدالانعانى ءۇشىن ۇيىمدار مەن ازاماتتاردان الىناتىن كىرىستەردىڭ; 8) كلۋبتاردىڭ وندىرىستىك, جارناما-باسپالىق قىزمەتىنەن تۇسەتىن كىرىستەردىڭ; 9) شەتەلدىك وداقتاردىڭ (قاۋىمداستىقتاردىڭ), كلۋبتاردىڭ, قوعامدىق بىرلەستىكتەر مەن جەكەلەگەن ازاماتتاردىڭ ەرىكتى جارنالارى مەن قايىرىمدىلىقتارىنىڭ; 18. جارنالار, ونىڭ ىشىندە كلۋب مۇشەلەرىنىڭ جانە ۇيىمداردىڭ ماتەريالدىق سالىمدارى, كلۋب مۇلكى, كاسىپكەرلىك پەن وزگە دە قىزمەتتەن تۇسكەن پايدالار كلۋبتاردىڭ جەكە مەنشىگى بولىپ تابىلادى, بولىنۋگە جاتپايدى. 19. كلۋبتار فيليالدارعا ولاردىڭ قىزمەتىنە قاجەتتى م ۇلىكتەردى, قۇرالدار مەن جابدىقتاردى بەرەدى. 20. سپورتتىق كيىمدەردى, جەكە جانە ۇجىمدىق پايدالانۋ قۇرالدارىن ساتىپ الۋ سپورتپەن اينالىسۋشىلاردىڭ, قۇرىلتايشىلاردىڭ, دەمەۋشىلەر مەن كلۋب قاراجاتىنىڭ ەسەبىنەن جۇرگىزىلەدى. 21. «مەملەكەتتىك ستاتيستيكا تۋرالى» قازاقستان رەسپۋبليكاسى زاڭىنا سايكەس كلۋبتار ستاتيستيكالىق ەسەپ جۇرگىزەدى جانە ونىڭ دۇرىستىعىنا جاۋاپ بەرەدى. 22. كلۋبتاردى قايتا قۇرۋ جانە تاراتۋ ءتارتىبى قازاقستان رەسپۋبليكاسىنىڭ ازاماتتىق زاڭناماسىمەن رەتتەلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 25 تامىزدا نورماتيۆتىك-قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №7145 بولىپ ەنگىزىلدى.
